سێ جار لە هەڵبژاردەی عیراق داواكرام

سێ جار لە هەڵبژاردەی عیراق داواكرام

زاری كرمانجی– ئاكرێ: یاریزان و راهێنەرێكی یاری لەشجوانی لە ئاكرێ گلەیی لە نەبوونی یارمەتی دەكات بۆ وەرزشوانە ئافرەتەكان و باس لە دەسكەوتەكانی دەكات لە بواری وەرزش, دوو ساڵە لەگەشتەكانیان وەك ئەندامی گرووپی شاخەوانانی ئاكرێ بەشدار دەبێ, لە سنووری ئاكرێ لەگەڵ خوشكەكەی یەكەم كچە بەشداری كاری شاخەوانیان كردووە.
دیمانە- رەمەزان هەرنی:
یاریزان و راهێنەر شیرین ئەسعەد بە زاری كرمانجی گووت" لە قوتابخانە دەستم بەیاریكردوە دواتر بەشداری قارەمانیەتیەكانم كردوە تاگەیشتمە هەڵبژاردەی پەروەردە و بەشداری زۆرێك ڤیستیڤاڵەكانم كردووە, چەندین جار لەسەر ئاستی قوتابخانە بە پاڵەوانی گۆرەپان و مەیدان هەڵبژێردراوم, ساڵی 2008 بوومە قوتابی پەیمانگەی وەرزشی ئاكرێ بۆ ماوەی پێنچ ساڵ بەردەوام بووم لە یاریكردن و بەدەستهێنانی نازناوەكان".
شیرین گوتیشی" ساڵی 2009 پەیوەندیم كرد بە یانەی وەرزشی ئاكرێ لە چەندین پاڵەوانیەتی لەگەڵیان بەشداربووم و لە یارییەكانی فوستاڵ و توپی دەست و ریشە, توانیم ئاستێكی باش پێشكەش بكەم, دواتر سێ جار لەسەر یەك هەڵبژاردەی عیراق داوایان لێكردم یارییان بۆیان بكەم, بەڵام لەبەر چەند هۆكارێكی تایبەت بەخۆم نەمتوانی بەشدار بم".
شیرین ئەوەشی خستەڕوو" ساڵی 2010 تا 2014 ئەركی راهێنەرایەتی یاری بالەم لە ناوەندی وەرزش و ڵاوانی ئاكرێ پێ سپێردرا, لە هەمان كاتدا تا ساڵی 2012 وەك یاریزان بەردەوام بووم لە یانەی ئاكرێ, بەڵام یانەكە هیچ گرنگیەكی بە یاریزانی كچ نەدەدا, بۆیە ناچاربووم بۆ ماوەی یەك وەرز پەیوەندی بە یانەی قەڵای توركمانی هەولێر بكەم, دواتر بۆ یانەی پیرە مەگرون لە سلێمانی داواكرام تا ساڵی 2014 ,هەمان ساڵ وازهێنانی یەكجاریم لە یاریكردن راگەیاندو بیرم كردوە كارێكی تر ئەنجام بدەم بۆ ئەوەی زیاتر خزمەت بە شارەكەم ئاكرێ بكەم, ساڵی 2015 هەستام بە كردنەوەی هۆڵێكی تایبەت بە وەرزشی لەشجوانی ئافرەتان, ئەمەش یەكەم جاربوو هۆڵێك لە شاری ئاكرێ تایبەت بە ئافرەتان بكرێتەوە, بە یارمەتی حەسەن حسێن بەرپرسی ناوەندی وەرزش و ڵاوانی ئاكرێ و بنەماڵەكەم توانیم بەردەوامی بەكارەكەم بدەم".
شیرین ئەوەشی روونكردەوەو گووتی" داواكارم ڵایەنە پەیوەندیدارەكان زیاتر یارمەتیم بدەن بۆ ئەوەی هۆڵێكی باش و مودێرن لە سەنتەری شاری ئاكرێ بكەمەوە بۆ ئەوەی بتوانم زیاتر خزمەت بە بواری وەرزش بكەم, ماوەی چەندین ساڵە داوای پارچە زەوییەكم كردووە بۆم دابینبكرێت بۆ دروستكردنی هۆڵێك, بەڵام تا ئێستا كەس خۆی بەخاوەنی داواكاریەكەم نەزانیوە".
لە كۆتاییدا شیرین ئاماژەی بەوەشكردو گووتی" ساڵی 2012 لە پەیمانگە دەرچووم و ماوەی پێنچ ساڵە لە هەمان پەیمانگە وانەبێژم نەبوومەتە گرێبەست و دانەمەزراوم".

زۆرترین بینراو