نۆ كەس لە رووبارەكانی دەڤەری سۆران خنكاون

نۆ كەس لە رووبارەكانی دەڤەری سۆران خنكاون

 

تەنها لەماوەی مانگ و نیوێك نۆ كەس لە رووبارەكانی دەڤەری سۆران خنكاون و تائێستاش تەرمی دوو لەو خنكاوانە نەدۆزراوەتەوە.

عەمید عیماد كەنعان، بەڕێوەبەری بەرگری شارستانی سۆران، بە زاری كرمانجی راگەیاند " سنووری بەڕێوەبەرایەتییەكەمان هەرچوار قەزاكانی (سۆران، رواندز، میرَگەسۆر، چۆمان) لەخۆدەگرێت و ناوچەیەكی بەرفراوان و كوێستانە و ساڵانە بەتایبەت لەم وەرزەدا گەشتیارێكی زۆر رووی تێدەكەن، هەروەها هاووڵاتییان بەمەبەستی خۆفێنك كردنەوە بۆ مەلەكردن روو لە رووبارەكان دەكەن، بەمەش بەهۆی ناشارەزایی ئەم كەسانە زۆرجار رووداوی خنكانی لێكەوتۆتەوە".

ئەوەشی خستەروو " تەنها لەماوەی یەك مانگ و نیوی رابردوودا (9) كەس لە رووبارەكانی سنوورەكەمان خنكاون و تائێستاش تەرمی دوو لەم خنكاوانە نەدۆزراونەتەوە، ئەوانیش بریتی بوونە لە هاووڵاتییەكی شاری هەولێر كە كەوتۆتە روباری سەكران لە سنووری قەزای چۆمان، هەروەها منداڵە گەشتیارێكی عەڕەب لە رووباری بێخاڵ خنكاوەو تەرمەكانیان نادیارن.

زۆرترین بینراو