سەعید مستەفا مووسا هەرنی:  هەموو تەمەنی مرۆڤ بەشی خزمەتكردنی شۆرش و پاراستنی وڵات ناكات

سەعید مستەفا مووسا هەرنی: هەموو تەمەنی مرۆڤ بەشی خزمەتكردنی شۆرش و پاراستنی وڵات ناكات

دیدار : رەمەزان هەرنی:

 پێشمەرگە لە سەردەمی شۆرشی ئەیلوول و گۆڵان چەكی باشی لەبەر دەست نەبوو، بەڵام ورەی پۆڵاین و ئینتیمای نیشتیمانی بەرز بوو، بۆیە هیچ هێزێكی دووژمن نەیتوانی بەرامبەر هێزەكانی پێشمەرگە بوەستێت هەمیشە پێشمەرگە سەركەوتنی بەدەستهێناوە بەكەمترین زیان بوویە ئەمرۆ كوردستان خاوەن پێگەی سیاسی و سەربازی خۆیەتی و پێشمەرگە پارێزەری خاك و وەڵاتە.
سەعید مستەفا مووسا هەرنی، پێشمەرگەی شۆڕشی ئەیلوول و گۆڵان و پاسەوانی تایبەتی بارزانی لە دیدارێكی زاری كرمانجی دا باس لە سەردەمی شۆڕشەكانی سەدەی رابردوو دەكات، دەشڵێت "پێشمەرگە لە سەردەمی شۆرشی ئەیلوول و گۆڵان چەكی باشی لەبەر دەست نەبوو بەڵام ورەی بەرزبوو ئینتیمای نیشتیمانی بەرز بوو بۆیە هیچ هێزێكی دووژمن نەیتوانی بەرامبەر هێزەكانی پێشمەرگە بوەستێت هەمیشە پێشمەرگە سەركەوتنی بەدەستهێناوە بەكەمترین زیان بوویە ئەمرۆ كوردستان خاوەن پێگەی سیاسی و سەربازی خۆیەتی و پێشمەرگە پارێزەری خاك و وەڵاتە.
ناوبراو گوتیشی : ساڵی 1933 لەدایكبوومە و ساڵی 1958 كاتێك بارزانی نەمر لەگەڵ 500 پێشمەرگە لە یەكێتی سوڤیەتی جاران گەڕامەوە من بۆمە پاسەوانی تایبەتی و لەگەڵیدا بووم بۆ ماوەی چەندین ساڵ ، ئەو كاتەی من لەگەڵ بارزانی نەمر دابووم سەرەتا گەنجێتی من بوو تەمەنم تەنیا 25 بەهار بوو بەڵام ئەو كاتە قوڵ و دوور بیرم دەكردەوە ئەگەر نەمرین  بۆ ژیان ئەوا پێویستە بژین بۆمردن بۆیە چەكی شەرەفم هەڵگرت و بە درێژایی ژیانم چەك هەڵگری رێبازی بارزانی نەمر بووم و ئێستاش كوڕو نەوەكانم پێشمەرگەن و منیش ئامادەم بەم تەمەنەوە وەك سەدەكانی رابردوو چەك هەڵگرم بۆ پاراستنی ئەم وڵاتە كە بە خوێنی هەزاران شەهید هاتونە تە دی .
سەعید مستەفا ، ئەو كە ئێستا تەمەنێكی زۆری بریوە بەڵام هەر بە ورە بەرزییەوە باسی سەردەمی شۆڕش و پێشمەرگایەتی خۆی دەكرد و دەگێرایەوە و ناوی چەكی سەردەمی شۆڕش باسی دەكرد كە چەكی زۆر تایبەت بوو كەمبوو بەڵام ئەوەی شۆڕشی سەخست خۆراگری پێشمەرگە بوو بەرامبەر دووژمن ، هەموو تەمەنی مرۆڤ بەشی خزمەتكردنی شۆرش و پاراستنی وڵات ناكات هێشتا من تامەزروی رۆژانی پێشمەرگایەتیم زۆر دڵخوشم كە یەكێك بووم شەرەفی ئەوەم هەبوو خزمەتی شۆرش بكەم بۆ ئەمرۆی كوردستان.
سەعید باس لەو كاتە دەكات كە پاسەوانی تایبەتی بارزانی نەمر بووە لە سەرەتای شۆرش و باسی ئەوەش دەكات كە جگە لە پاسەوانی كردنی بارزانی نەمر لە دوای وەرزی خوێندن و پشوی هاوینە ئەو لە بەغدا و ناو شۆرش دەگەرایەوە بۆ ڵای سەرۆك بارزانی و كاك ئیدریسی جوانە مەرگ و سابر بارزانی كاتی دەوامی خوێددنیش دەستی پێدەكردەوە دەگەرایەوە ڵای بارزانی.
پاسەوانی تایبەتی بارزانی نەمر باسی لەوەشكرد : بەشداری زۆر داستانی گەورەو شەڕ بووینە لە دژی نەیاران و رژێمی بەعس زۆر جاران لە مردن گەراینەوە بەڵام قەت رۆژێك بیرمان لەوە نەكردەوە پشت بدەینە شۆرش هەمیشە سنگمان كردبوو بە قەلغان بۆ شۆرش و بارزانی نەمر ، پاشەكشە نەبوو لە ژیانی پێشمەرگاتیەتیمان دا چەندین جار كەوتینە بۆسەی دووژمن ئامانجان خوشگوزارنی كوردستانیان بوو بۆ كوردستان ژیاوین و بۆ كوردستانیش دەمرین پێویستە كوڕو نەوەكانیشم هەمان هەست و سوزیان هەبێت بۆ كوردایەتی مرۆڤ بە نرخە تالەسەر خاكی خۆیەتی و شەهیدە كە بەرگری لەو خاكە بكات سەدان مردن هەڵدەبژێرین بەڵام لەبەر دووژمن پاشەكشە ناكەین.
لە كۆتایی دا سەعید مستەفا گوتی ، بە درێژایی شۆرشەكانی كوردستان بارزانی نەمر شەری دەكرد بۆ ئەوەی شەر نەمێنێت و ئەمرۆش سەرۆك بارزانی و نەوەكانی بارزانی نەمر لەسەر هەمان رێبازن و میللەتی كوردیان گەیاندووە كەناری ئارامی و خوشگوزەزارنی و ئێمەش قوتابی هەمان رێبازین بۆ كوردایەتی.

 

زۆرترین بینراو