یاریزانانی ریال ترسیان لە خۆپیشاندەرانی كەتەلۆنیا هەیە

یاریزانانی ریال ترسیان لە خۆپیشاندەرانی كەتەلۆنیا هەیە

زاری كرمانجی- ئاژانسە هەواڵییە وەرزشییەكان: وابڕیارە لە دووسبەی چوارشەممە لە نێو یاریگەی كامپنو، لە هەرێمی كەتەلۆنیاو لە شاری بەرشەلۆنە، لە یاری ئێل كلاسیكۆ بەرشەلۆنە میوانداری ریال مەدرید بكات و هەر لە ئێستاوە، یاریزانانی ریال مەدرید هەڕەشەی ئەنجامنەدانی یارییەكە دەكەن.
پڕۆگرامی جۆگۆنێزی ئیسپانی، هەواڵێكی بڵاوكردۆتەوەو ئاشكرای كردووە، یاریزانانی ریال مەدرید وتوویانە" ئێمە لە نێو فڕۆكە دانابەزین، تا گرێنتی سەلامەتیمان نەكرێت".
ئەم هەواڵەش دوای ئەوە دێت، كە خۆپیشاندانەكانی سەربەخۆیی بۆ هەرێمی كەتەلۆنیا بەردەوامن و وابڕیارە لە چەندی رۆژی داهاتوو، بە دیارییكراوی لە رۆژی ئەنجامدانی كلاسیكۆ، چەندین رێپێوان و خۆپیشاندانی هەزار كەسی بكرێ، تەنانەت بەشێك لە رێكخراوە ئازادیخوازەكانی كەتەلۆنیا ئاشكرایان كردووە، كە رێگە لە پاسی یاریزانانی ریال مەدرید دەگرن كاتێك بەرەو یاریگای كامپنو دەچن.
دوای ئەوەی گروپێكی كەتەلۆنی كە داوای سەربەخۆیی هەرێمەكە دەكەن, هەڕەشەیان لە ئەنجامدانی یاری كلاسیكۆ كرد، گروپەكە كە هەزاران ئەندامی هەیە, لە تازەترین راگەیەنراویدا ئاماژەیان كردوە كە بەیەك مەرج كلاسیكۆ لە كات و ساتی خۆی بەڕێوەدەچێت.
رۆژنامەی ماڕكای مەدریدی ئاشكرای كردووە, كە كۆمەڵەی تسۆنامی كە رایگەیاندبوو 18 هەزار كەسی تەرخان كردوە بۆ ئەوەی یاری كلاسیكۆ تێك بدات و رێگە لە پاسی یانەی ریال مەدرید بگرێت كاتێك بۆ یاریگەی كامپنو دەڕوات، لە تازەترین راگەیەنراویدا كە ئەوان رێگە دەدەن بێ هیچ كێشەیەك كلاسكیۆ لە كات و ساتی خۆی بەڕێوەبچێت, بە مەرجێك رێگە بدرێت چەند دروشمێكی تایبەت بە خۆیان لە نێو یاریگەكە هەڵواسرێت، بێ ئەوەی ئاماژە بە ناوەڕۆكی دروشمەكان بكرێت.
لە لایەكی دیكەوە پۆلیسی كەتەلۆنیا رایگەیاند, كە ئەستەمە بتوانن سەلامەتی یاریزانانی ریال مەدریدو پاسەكەیان دابین بكەن, پێشنیاریان كردووە كە جارێكی دیكەش كلاسیكۆ دوا بخەنەوە.

بابەتى پەیوەندیدار وەرزشى

زۆرترین بینراو