8 كەس بوونەتە قوربانی مین و تەقەمەنی

8 كەس بوونەتە قوربانی مین و تەقەمەنی

زاری كرمانجی-سۆران:
بەڕێوەبەری راگەیاندنی بەڕێوەبەرایەتیی گشتیی كاروباری مینی هەولێر، ژمارەی قوربانیان مین لە سنوورەكەیان و كارو چاڵاكییەكانیان لە مساڵدا دەخاتەروو.
 رابەر ئەنوەر، بەڕێوەبەری راگەیاندنی بەڕێوەبەرایەتی گشتی كاروباری مینی هەولێر، بە زاری كرمانجی راگەیاند " بەپێی ئاماری بەڕێوەبەرایەتییەكەمان لەمساڵدا واتە لەسەرەتای ساڵی 2021 تا ئێستا لە سنووری پارێزگای هەولێر (8) كەس بەر مین و تەقەمەنی كەوتوون، كە بەداخەوە لەوانە 4 كەس گیانیان لەدەستداوەو 4 كەسیش بریندار بوونە، بۆیە داواكارین لە هاووڵاتییان بەهەموو شێوەیەك خۆیان لەم شوێن و ناوچانە بەدوور بگرن، كە مەترسی بوونی مین و تەقەمەنیان هەیە".
گووتیشی: "لەمساڵدا سێ كێڵگە مین، بەتەواوەتی لەمین و پاشماوەی جەنگی پاكراونەتەوەو ڕادەستی خاوەنەكانیان كراونەتەوە، كە لەم كێڵگانەدا زیاتر لە 10 هەزار و 747 مین و پارچە پاشماوەی تەقەمەنی جەنگی لەناوبراون، لە ئێستاشدا تیمی لەناوبردنی تەقەمەنییەكان بەردەوامن لەكاركردن، تیمی یەكی مینلابەری لە سنووری قەزای چۆمان كاردەكات لەكێڵگە مینی وەڵكە لەگوندی ئێنێ".
رابەر ئەنوەر، داواكاریش بوو لە هاووڵاتییان لەكاتی بینینی مین یان هەر تەقەمەنییەك بەهیچ شێوەیەك دەستكاری نەكەن و پەیوەندنی بەهێلی گەرمی ژمارە 182 بكەن كەبێ بەرامبەرەو راستەوخۆ تیمەكانی بەڕێوەبەرایەتیی گشتیی كاروباری مینی هەولێر، لەكەمەترین ماوە دەگەنە شوێنەكە مەترسیەكە چارەسەر دەكەن.

زۆرترین بینراو