Share on facebook
لە ساڵی داهاتووەوە هەر تاكێكی عێراقی پارەی داهاتى نەوتی پێ دەدرێ
چوار شەممە, 26 ئەیلول 2012 13:48

ZKW: ئەمڕۆ سەرۆكى لێژنەى دەستپاكى لە پەرلەمانى عێراق گوتى، وەزارەتى پلاندانانى عێراق لە حەوتووى رابردووەوە دەستی كردووە بەكاركردن بۆ دانانى پشكێكی جێگیر لە داهاتى نەوت بۆ خەڵكی عێراق.

Bahaa alAraji,Bahaa alarajyبەها ئەعرەجی لە رەوتى سەدر گوتى، حەوتووى رابردوو وەزارەتى پلاندانانى عێراق دەستی كردووە بۆ جێبەجێكردنى پلانێك بۆ ئەوەى بەردەوامى پشكێك لە داهاتى نەوت بۆ هاووڵاتییان دابنرێ تا لە رێگە پسوولەى خۆراكییەوە دابەش بكرێ.

ئەعرەجى گوتى، رەوتى سەدر پێشتر داواى تەرخانكردنى 5%ى كردووە لە داهاتى نەوت بۆ خەڵكی عێراق و دووپاتى كردەوە كە سەرەتاى دابەشكردنەكە بۆ ساڵی داهاتوو دەبێ و بڕەكەشی كەم دەبێ، بەڵام ئەمە دەسپێكە و لە داهاتوودا زیاد دەكرێ، رۆژنامەى "سەباح"ى نیوچە حكوومەتى گواستییەوە.

- لە (ئاكانیوز) وەرگیراوە.