Share on facebook
خواستی هاوڵاتیانی رواندز و وەڵامی بەرپرسانی شارەكە لە ڕاپۆتێكی مەیدانی زاری كرمانجی دا
یەک شەممە, 19 تشرینی دووەم 2017 21:01


محەمەد ئامۆكەیی - سوبحان شكۆ

زاری كرمانجی رواندز  لەسەر ئەنجامدانی پڕۆژە خزمەتگوزاریەكان و كێشەو گرفتەكانی قەزای رواندز راپۆرتێكی مەیدانی كردوە خراپی هۆڵی بۆنەكان و تۆڕی ئاو و پاشماوەی زبڵ و خاشك تێدا هەریەك لە قائیمقامی شارەكەو چەند بەڕێوەبەرێكی ئیداری لەهەمبەر ئەنجامدانی پڕۆژەكان و كێشەكانی تری سنورەكە قسەیان بۆ زاری كرمانجی كردووە، بە گووتەی بەرێوەبەری بنكەی رۆشنبیری و هونەری رواندز دوای ماندوبونێكی زۆر و بەرز كردنەوەی نوسراو لەلایەن بنكەی رۆشەنبیری رواندز بۆ لایەنە پەیوەندیدارەكان سەبارەت بە خراپی هۆڵی بۆنەكانی رواندز، حكومەتی هەرێمی كوردستان لە ڕێگەی قائیمقامیەتی رواندز بەدەم داواكاری بەشی رۆشەنبیری رواندز دێت و بری 93 ملیۆن و 248 هەزار  دینار بۆ نۆژەنكردنەوەی هۆڵی بۆنەكان خەرج دەكات، جگە لە نۆژەنكردنەوەی هۆڵەكە پڕۆژەی تۆڕی ئاوی ماڵانیش لەسەر ئەركی كۆمپانێك دووبارە نۆژەن دەكرێتەوە، هەروەها كوێستان ئەحمەد قائیمقامی رواندز لەسەر كێشەو گرفتەكانی تر ئاماژە بە پڕۆژە خزمەتگوزاریەكان و چەند پرسێكی تر دەكات و دەڵێت توانیومانە دیاردەی زێدەڕۆی نەهێلین.
حاجی حەیدەر هاووڵاتێكی دانیشتووی رواندزە بۆ زاری كرمانجی گووتی" لە رواندز چەندین كێشە هەن یەكێك لەوانە هەركاتێك ڕەشەباێكی بەهێز دێت كارەبا دەپچڕێت  ماوەی چەند مانگێكە ستونی كارەبا دانراون بۆ چاككردنی كارەبا بەڵام كاركردنیان تێدا وەستێنراوە، جگە لەمەش  دیاردەی داربڕین  و ڕاوكردنیش هەیە خەڵكیش هەقی خۆیەتی دار بڕێت لەبەر ئەوەی نەوت دابەش ناكرێت لە ئێستاوە خەمی ئەوەمانە بۆ وەرزی زستان چیبكەین بۆ نەوت نە موچە هەیە دۆخی دارایی خەڵك  لەو پەڕی خراپی دایە، ئەم هاووڵاتییە زیاتر دەشڵێت" تا ئێستا لە شارەكەمان تۆڕی ئاوی ماڵان خراپەو ناوچەیەكی تایبەت بە پیشەسازی نیە دوكانی فیتەری و دوكانەكانی تر لە نزیك یەكن و سیمای شاریان تێكداوە ئومێد دەكەم لایەنە پەیوەندی دارەكان ئاوڕی جدی لەشارەكەمان بدەنەوە.
محەمەد ئەحمەد گەنجێكی ترەو دەڵێت" شارەكەمان بە شاری هونەر و ڕۆشنبیری ناسراوە بەشی ڕۆشنبیری لێرە هەیە بەڵام تا ئێستا هیچ شتێكی بۆ گەنجان نەكردوە لە روی خولی مۆزیك و خولەكانی تر هۆڵی بۆنەكانی رواندز هیچ چاڵاكێكی وای تێدا نەكراوە لەبەر خراپی و نەبوونی كورسی ئامێرەكانی تر دەبوا لە شوێنەكانی تر بۆ ئەنجامدانی مەڕاسیمەكان هاتبانە رواندز نەوەك رۆشنبیرانی ئێرەو هاونیشتیمانیان پەنا بۆ شنگل بانە و شوێنەكانی تر ببەن، هۆڵەكە كە دروست كرا چەند بەرپرسێك بۆ گیرفان پڕكردنی خۆیان بە كەموو كوڕی هۆڵەكەیان وەرگرت دەكرێ حكومەت لێ پێچینەوە لەگەڵ ئەم جۆرە بەرپرسانەبكات بۆ ئەوەی جارێكی تر كاری وا دووبارەنەكەنەوە.
بەر پرسی بنكەی رۆشنبیری و هونەر ی رواندز دەڵێت: كاتێ هۆڵەكە دروستكرا سەروی خۆمان ئاگاداركردۆتەوە ئەوانیش خەم ساردبوون
لەسەر خراپی هۆڵی بۆنەكانی رواندز مەهدی محەممەد علی بەرێوەبەری بنكەی  رۆشنبیری و هونەری  رواندز بۆ زاری كرمانجی دەڵێت"هۆڵی بۆنەكان لە سەرەتای درووستكردنی بەشێوەیەكی خراپ بنیات نرابوو هاوكات كەموكوڕی زۆر بوون و ئێستاش بەهەمان شێوە، ئێمەش وەك بنكەی رۆشنبیری رواندز سەروی خۆمان لە خراپ جێبەجێكردنی كارەكان لەلایەن ئەو تیمەی ئەركی بنیات نانی بیناكەی لە ئەستۆبووە ئاگادار كردبوەوە تەنانەت قائیمقامی ئەوكاتی قەزاكەشمان ئاگادار كردەوە ئەمانیش هیچ هەڵوێستێكیان وەرنەگرت، بەڵام دوای گۆرینی قائیمقام و هاتنی (كوێستان ئەحمەد) بۆ وەرگرتنی ئەركی ئیداری قەزاكە، توانیان لە رێگەی وەزارەتی دارایی و ئابوری بە گوژمەی 93 ملیۆن و 248 هەزار دینار تەرخان بكرێت بۆ نۆژەنكردنەوەی هۆڵی بۆنەكان گوژمەكەش بە دوو قۆناغ بۆمان سەرف دەكرێت تا تەواو بوونی، مەهدی محەمەدزیاتر گووتیشی" نۆژەنكردنەوەی هۆڵی بۆنەكان سودی زۆری دەبێت بۆ تەواوی سنووری قەزای رواندز پێشان لە كاتی بوونی هەر بۆنە و رێوڕەسمێك دەبووا پەنا بۆ هۆڵەكانی دەورووبەر و هەوارگەی پانك  یا سۆران ببەین بەڵام لەمە بەدوا كە چاوەرێ‌ دەكەین لە ماوەی (15رۆژ)ی داهاتوو كاركردن تیایدا تەواو بێت بە یەك جاری ڕزگارمان دەبێت لە پەنا بردن بۆ شوێنەكانی تر بۆ سازدانی بۆنە و رێوڕەسمەكان، جگە لەمەش بنكەی رۆشەنبیری رواندز دەگوازرێتەوە هەمان شوێن.
فەرمانگەی ئاو: بەتەواوبوونی تۆڕی ئاو زێدەڕۆی نامێنێت
لەسەر دووبارە ڕاكێشانی تۆڕی ئاوی ماڵان كەپێشتر تۆڕەكە كۆن بوو لە چەندین شوێن بە نایاسایی لەلایەن هاووڵاتیانەوە دەستكاری تۆڕی ئاو كرابوو بەهۆی زێدەرۆیەكەوە لە زۆرێك لە گەڕەكەكان هاونیشتیمانیان تووشی كەم ئاوی دەبوون ئێستا لە لایەن كۆمپانیای شنەبای یابانی دەستكراوە بە نۆژكردنەوەی تۆڕی ئاو تۆفیق ڕەفیق بەڕێوەبەری فەرمانگەی ئاوی رواندز گووتی" بەهۆی خراپی بۆڕیەكانی ئاو و شكانیان و پیس بوونیان هەروەها زێدە رۆی كردنە سەر تۆڕی ئاو لەلایەن بەشێك لە هاووڵاتیانی قەزای رواندز، لە ئێستادا رێكخراوی شنەبای یابانی بە درێژایی 750 مەتر وبە گوژمەی 108 هەزار و 504 دۆلار پرۆژەكە كەوتۆتە واری جێبەجێ‌ كردن و لە ماوەی 90 ڕۆژدا كاركردن لە پڕۆژەكە كۆتایی دێت و كۆمپانیای رووبار بەڵێندەری جێبەجێكردنی پرۆژەكەیە، تۆفیق ڕەفیق زیاتر دەشڵێت" بە چاودێری حكومەتی هەرێمی كوردستان كاركردن لەم پڕۆژەیە ئەنجام دەدەرێت و ئەو كەسانەی لە پرۆژەكە كاردەكەن سەرجەمیان خەڵكی قەزای رواندزن بۆ ئەوەی لە كاركردن تیایدا هاووڵاتیانی قەزای رواندز سودمەند بن.
خۆشەوی خەلیل: بەهۆیی قەیرانەوە بنكەی مافووری رواندز بە دۆخێكی خراپ گوزەر دەكات.
لەسەر ئاستەنگ و كاركردنی بنكەی مافوری دەستكردی رواندز زاری كرمانجی لێدوانی خۆشەوی عەلی بەر پرسی بنكەی مافوری رواندزی وەرگرتوە و گووتی" بنكەی مافووری رواندز لە ساڵی 1972 دامەزراوە، لەكاتی دامەزراندنییەوە تا دوای ڕاپەڕینە مەزنەكەی گەلی كورد بەچەندین قۆناغ كار لەم كارگەیە كراوە و زۆرجاریش لەكار وەستاوە، لە كابینەی سێیەمی  حكومەتی هەرێمی كوردستان، دووبارە كارگەكە نۆژەنكرایەوە، چەندین ئافرەتی دەست ڕەنگینی ناوچەكە تیایدا كار دەكەن بەرێوەبەری بنكەی مافووری رواندز دەشڵێت" بەهۆی ئەم قەیرانە داراییەی لە كوردستان هەیە ماوەی سێ ساڵە بنكەكانی مافووری دەستكرد تووشی كەمی پێداویستی چنین بوونە و سەرەڕِای ئەم دۆخەش نەمان هێشتوە كاركردن لە بنكەكەمان بوەستێت، بەو پێداویستییانەی  لە كۆگاكەمان هەبووە لەساڵانی ڕابردوو كاری پێبكەین، لە پلانمان دابوو  هەوڵمانداوە كارمەندی زیاتر بۆ بنكەكەمان دابین بكەین بۆ ئەوەی بتوانین بەرهەمان زیاتر بكەین و گرنگی بدەین بە جوانتركردنی بەرهەمەكانمان و دووبارە مافووری جۆری گەورە بەرهەم بێنینەوە ئاستی بەرهەم هێنانمان زیاتر بكەینەوە، بەڵام وەك ئاماژەم پێكرد خەریكە پێداویستیەكانمان بەرەو كەم بوونەوە دەچن هەركات بەتەواوەتی تووشی كەمی پێداویستی بووین سەرووی خۆمان ئاگادار دەكەین و بڕیاری راگرتنی بنكەكە  ئەوان دەی دەن.
كوێستان ئەحمەد: پەیمانگای تەكنیكی ئەهلی لەسەر مووڵكی شارەوانی رواندز دروستكراوە كەیسەكە لە دادگایە.
لەسەر خراپی تۆڕی كارەبای نیشتیمانی زێدەڕۆی كردنە سەر مووڵكی گشتی و كێشەی پەیمانگای تەكنیكی رواندز و چەند كێشەو گرفتێكی تری سنورەكە كوێستان ئەحمەد قائیمقامی قەزای رواندز بە زاری كرمانجی راگەیاند"بەپێی ڕێنمایەكانی وەزارەتی كارەبا لە كاتی هەڵكردنی بایەكی بەهێز یاخود زریانێكی بەهێز ئەو كەرستانەی بۆ گەیاندنی كارەبا بە ماڵان بەكار هاتوون ئەگەری بەریەك كەوتنیان هەیە بەمەش كارەبا تێكدەچێت و نەدانەوەی سودی زیاترە لە دانەوەی كارەبا بە هاووڵاتیان، لەبارەی بڕینی كارەبای نیشتیمانی لەم كاتانە كارەكە لەلای ئێمە جێبەجێ‌ ناكرێ‌ بەڵكو راستەوخۆ لە بنكەی سەرەكی كارەبا دەبڕدرێت جگە لەمەش تیمەكانی كارەبا وەك ئامادە كاریەك بۆ هاتنی وەرزی زستان هەڵساون بە زیاد كردنی ژمارەی معاویلەكان لە ناو گەڕەكەكان و چەند كارێكی تر بەڵام معاویلەی زیاترمان پێویستە و كۆنی تۆڕی كارەبای رواندزیش كێشەیەكی ترە و پێوستە بگۆردرێت، هەروەها چەند ساڵێك بەر لە ئێستا كەسێك پرۆژەیەكی پێشكەش كردبوو بۆ دروستكردنی شاری سینەمایی زەوی بۆ دیاری كرابوو، بەڵام لە كۆتاییدا هیچ كەسێك بەدوای ئەم پرۆژەییە نەهاتەوە، ئەمە پرۆژەی حكومەت نەبوو بەڵكو پرۆژەی كەسێك بوو هەر كەسێكیش نیازی دروستكردنی شاری سینەمای هەیە با سەردانمان بكات و هاوكاری دەبین، قەزای رواندز جووتیارێكی زۆری هەیە كۆمپانیاێك بەنیازبوو هاوكاری جووتیاران بكات ،كوێستان ئەحمەد  زیاتر گووتیشی" كۆمپانیاكە سەرەتا لەگەڵا ئێمە و كشتوكاڵی رواندز بڕیاریاندا هاوكاری سنوورەكە بكەن  وەك پێشینەیەك داوای پرۆپۆزەلی لەو جووتیارانە كرد كە داوای هاوكاریان دەكرد بۆ ئەم مەبەستەش رێكخراوەكە سمینارێكی ڕێكخست بۆ زیاتر شیكرنەوەی بابەتەكە بۆ جووتیاران تا بزانن چۆن دەتوانن سوود مەندبن لەم هاوكاریانە, سەرەنجام پرۆپزەلی زۆر لەلایەن جووتیاران پێشكەش بە كۆمپانیاكە كرا و ئەمانیش پرۆپۆزەلی 20 جووتیاریان قبوڵكرد و بەپێی پرۆژەكان هاوكاری جووتیاران دەكات لە رووی ماددیەوە، لە قەزای رواندز دیاردەی زێدەڕۆی هەیە كێشە لە نێوان حكومەت و پەیمانگە هەبوو كە بە شێوەی نایاسایی دروستكراوە چی بەسەر هات بەر لە دەست بەكاربوونی من ئەم پەیمانگایە بنیات نراوە دیارە شوێنی پەیمانگەكە لەسەر موڵكی شارەوانی رواندز دروستكراوە بۆ ئەم مەبەستەش پەڕاوی لێپێچینەوە لەلایەن شارەوانی رواندز كراوەتەوە و دراوەتە دادگا, دادگاش بەپێی بنەما یاسایەكانی خۆی هەڵسوكەوت لەگەڵ ئەم كەیسە دەكات، جگە لەمەش شارەوانی  هەموو ئەو پرۆژانەی كە بە زێدەڕۆی دروستكراون لەسەر موڵكی شارەوانی داونیەتی بەدادگا بۆئەوەی یەكلای بكرێنەوە .