Share on facebook
دوكاندارانی سۆران بەر بەست لەبەردەم هاتووچۆی هاووڵاتیان دروست دەكەن
دووشەممە, 27 تشرینی دووەم 2017 14:19

محەمەد ئامۆكەیی –سۆران
: ئەوەی لێرەدا دەیخەینە ڕوو، ئاوڕدانەوەی یەكمجارمان نییە بۆ ناو بازای سۆران و واش پێشبینی ناكرێت دوایین جار بێت، لەوێنەكاندا ئەوە دەخرێتە ڕوو كەچەندین دوكان لەم شارە بێ گوێدانە ڕێنمایەكان، كەل و پەلیان بە ئەندازی زۆر دەهێنە دەرەوەی دوكانەكان و هاووڵاتیانیش گازندەی ئەوە دەكەن شوێنی پیادەیان بەرتەسككردۆتەوە و سیمای شەرەكەیان شێواندووە.
لە كاتی ئامادەكردنی ئەو ڕاپۆرتە، گفتوگۆمان لەگەڵ كۆمەڵێك لە دوكاندارەكانی ناو بازاری شاری سۆران كرد و زۆر پەیڤین لە بارەی ئەو دیاردەیە، هەبوو دەیگووت: "لیژنە دێتە سەردانمان، بەڵام دەم دەمین، جار هەیە دوو رۆژ بەسەریەكەوە دێن و سەردانمان دەكەن، ئیتر پێنج مانگ ون دەبن و دیار نامێن". خاوەند فرۆشگاش هەبوو گووتی:"لیژنە وەك پێویست یەكسانی ڕەچاو ناكات لە نێو دوكانەكان، برادەرایەتی لەبەر چاو دەگرێت. دوكان هەیە زۆری بۆ دێنێت كەل و پەلەكانی پێ لا دەبات، بەڵام دوكانیش هەیە شت و مەكەكەی هەر لە جێگەی خۆیەتی و گوێ ناداتێ".
لە درێژەی ئەو ڕاپۆرتەدا، دوكان دارەكان گلەی زۆریان هەبوو لەبەرانبەر لیژنە و بەگشتیش لە كۆی كارەكانی لیژنە ڕەزامەند نەبوون. ئەمە وێڕای ئەوەی فرۆشیار هەبوو باسی لەوە دەكرد، "لیژنە پسووڵەی سەرپێچی نووسیوە و گومانی ڕەشكردنەوەشی لێ كراوە".
لای خۆیانەوە هاووڵاتیانی ئەو شارە، لە هێنانە دەرەوەی كەل و پەلی پێش دوكانەكەن رەزامەند نین و گلەیی ئەوەیەن هەیە، بەو كارەیان دیمەنی شارەكە ناشرین دەكەن و رێگای پیادەڕەوان تەنگ دەكەن. دەش پرسن ئەوەی ئەركی لیژنەكان چییە؟.
فەرمان ئەیوب لەم بارەیەوە دەڵێت: "لە كاتێكدا ئەو خاوەن فرۆشگایانە كەل و پەلیان دێنە دەرەوە، كە دوكانەكان هی خۆیانە و دیكۆراتی تەواویان بۆ دوكانەكانیان كردووە. ئەو كارەی ئەوان دەیكەن كە شت دەهێنە دەرەوە وا دەكات ناراستەوخۆ دیكۆراتی ناو دوكانەكانیشیان بشاردرێتەوە، چونكە كریارەكان سەرەتا بەردەم دوكانەكانیان دەبینن".
دەشڵێت: "ئەمە وێڕای ئەوەی سیمانی جوانی شەرەكەیان شێواندووە و لەبەرانبەر یاسا ملكەچیشن. جگە لەوەش ئەگەر سەیر بكەین دەبینین كاتێك خەڵك بە پیادە بە بەردەمی دوكانەكاندا تێدەپەڕێت.
لای خۆشیەوە عەبدلوەهاب كەریم سەرۆكی لیژنەی نەهێشتنی زێدەڕۆیی لە شارەوانی سۆران بە زاری كرمانجی راگەیاند" لیژنەكانمان رۆژانە سەردانی ناو بازاڕ دەكەن و لە ئەنجامی سەردانەكەشدا هەر دوكاندارێك زێدەڕۆی بكات ئەو كەل و پەلەی هەیە لە نێو دوكانەكەی بێنێتە سەر شوێنی پیادە ڕۆی هاووڵاتیان سزای مادی دەدرێن و هەندێ جاریش بەهۆی پابەند نەبوونیان دوكانەكانمان داخستوون لەبەر سەرپێچی كردن و بەشێك لە دوكاندارەكانیش زۆر كەل و پەلیان هێناوتە سەر شەقامی سەرەكی و ئەوەش بۆتە هۆی ناشرین بوون و جەنەجالی، ئاگادارمان كردونەتەوە تا سێ رۆژی تر كەل و پەلەكانیان نەگوازنەوە شوێنی خۆیان كە پێشتر بۆمان دیاری كردون ناچارین سزای مادیی توندیان بدەین و ئەگەر هاتوو پابەندی بڕیارەكانمان نەبوون دوبارە دوكانەكانیان دادەخەین، سەرۆكی لیژنە زیاتر دەشڵێت" هەموو ئەو دەنگۆیانە دورن لە راستی كە دوكاندارەكان دەلێن لیژنەی نەهێشتنی زێدەڕۆی پارەی پێبژاردنی رەشكردبێتەوە لەسەر دوكاندارەكان لەبەر ئەوەی كە سزا نوسرا بەهیچ شێوەێك دەستكاری ناكرێت، هەروەها لەمەو دواش زیاتر چاودێری بازاڕ دەكەین و داواكاریشین دوكاندارەكان پابەندی یاسا بن و بۆ ئەوەی سیمای شار چیتر ناشرین نەبێت و هاووڵاتیانیش بە ئاسانی لە شوێنی پیادەڕۆ هاتوو چۆی خۆیان بكەن.