شەهید سەرباز رەسول: دایكم وەسیەتی بۆ كردووم لەسەر رێبازی پارتی و بارزانی لانەدەم
دووشەممە, 27 تشرینی دووەم 2017 14:37


سوبحان شكۆ- سرێشمە
ئەو ناوەی دوژمنانی كوردستان هەر لەگەڵ بیستنی ترس و سامنایەك باڵ ئەكێشێ بە سەریان ناوی(پێشمەرگە) یە, چونكە هەر هێزی پێشمەرگەی قارەمان بووە نەی هێڵاوە دوژمنان و داگیركارانی كوردستان دەست بەسەر خاكی پیرۆزی كوردستان دابگرن و فەرمان رەوایی خۆیان لەسەر بكەن, ئەگەریش توانیبێتیان دەستی بەسەر دا بگرن و فەرمان رەوایی خۆیانیان تێدا بكەن, هێزی پێشمەرگەی كوردستان نەی هێشتوە بە ئاسودەیی ئەوان فەرمانرەوایی خۆیان بكەن و بەڵكو هەمیشە لە ترس و دڵە راوكێی هێشتوونەتەوە, بۆ راستی ئەم وتەیەش رابردووی كورد شایەدەی دەدات كە پێشمەرگە چ نەبەردی و قارەمانیەتێكی تۆمار كردووە و هەمیشە دژی دوژمن شەری كردووە و شكستی بە هێزە داگیر كەرەكان هێناوە, شەهید سەرباز رەسوڵا لە گەلێك داستان و نەبەردی و رووبەروو بوونەوەی هێزی پێشمەرگەی كوردستان بەژداری كردووە, بەڵام لەدوای هەموو ئەم قارەمانیەتی و نەبەردیە بە گولەی بێ بەزەیی دوژمن شەهید دەكرێت و دەچێتە ڕیزی نیشتیمان پەروەران و نەمرانی كوردستان.
بنەماڵەی شەهید سەرباز رەسوڵا ژیاننامەی پر شكۆ و قارەمانیەتی سەرباز سرێشمەیی بۆ زاری كرمانجی دەگێرنەوە.
‎سـەربـاز رەسوڵ خورشید ناسراو بە سەرباز سرێشمەیی لە ڕێكەوتی 20ی 1ی 1984 لـەگوندی سرێشمەی سەر بە نەحیەی خەلیفانی قەزای سۆران لەبنە ماڵەیەكی شۆڕشگێڕ وكورد پـەروەر و نیشتیمان پارێز  لەدایـك بـووە، بـنـەمـاڵەی شـەهـید سـەربـاز لـە سـەرەتـاكـانـی شـۆڕشـی ئـەیلول و گـوڵان ڕۆلێـكـی بـەرچـاویـان هـەبـووە لـە خـزمـەت كـردن بـە پـێشـمـەرگـە و بـنـەمـاڵـەی بـارزانـی نـەمر، تـائـێستـاش لـەسەر ئـەم رێـبازەیان بـەردوامـن.
شـەهیـد لە ساڵی 1990 چۆتە بەر خوێندن و تاكو پۆلی شەشی سەرەتایی بەردەوام دەبێت هاوكات قوتابیەكی زیرەك و لێهاتوو بووە بەڵام نەیتوانی وە بەردەوام بێت و لە خوێندن دادەبرێت، ناوبراو لە ساڵی 2004 پەیوەندی بە ڕیزەكانی حزبی پارتی دیموكراتی كوردستان كردووە، ئەندامێكی دڵسۆز و كارای ئەم حزبە بووە هـەمان سـاڵ لە ڕێكەوتی 28ی 8ی 2004 چەكی شـەڕەفـی پێشمەرگایەتی كردۆتـە شـان و بـۆتـە پێـشمـەرگـە لە سـوپای بـاڵـەك، شێرەكەی نیشتیمان لە ساڵی 2007 بەهۆكاری لێـهـاتوویی گـواستراوەتـەوە فەرماندەی فـەرمـانـدەیی هـەڵـگورد، لەوێ درێژەی بـە خـەباتی پێشمەرگایەتی داوە تـاكو یـەكخـسـتنـەوەی هـێزەكـانـی پێشـمەرگـەی كوردسـتان لـە چـوارچێـوەی وەزارەتـی پێـشمـەرگە لە سالـَی 2011، درێژەی بـە خەبـاتی پـێشمەرگایـەتـی داوە لـە لیـوای 7ی پـیـادەی ســۆران بـە پـلـەی نـائیب عـریـف.
رەسوڵا سرێشمەیی لەسـاڵی 2010 هاوسـەرگـیـری پێكهێناوە و بۆتە خاوەنی دوو منـداڵ بـە نـاوەكانی(چینـەری تەمەن حەوت ساڵ، یوسفی تەمەن دوو ساڵان كە دوای سێ مانگ لە شـەهیـد بوونـی بـاوكـی چـاوی بـە دونـیا هـە لێـنا).
لە گـەڵا دەست پێـكـردنـی شـەری دژ بـە بەناو دەوڵەتی ئیسلامی(تیرۆرسـتـانی داعش) هـەر لـە یـەكـەم ساتەوە شـەهید سـەرباز دەورێكـی كاریـگەری هـەبووە و لە بەشێكی زۆری رووبەروو بوونەوەكان بەژداری كارای دەبێت لـەوانـە( گـوندی حـەی تـحریـر، تلسقۆف، بەرتلە، باشیك، گوندەكانی فازلیە و عومەر قامچی، چیای باشیك) وە دەیـان رووبەروو بوونەوە تر، لە كۆی رووبەروو بوونەوەكان ئەم دلێرەی كورد هـەمیشـە لـە پێشـی پێشەوەی سـنگەرەكـانـی بـەرگری لـە خاكـی پیرۆزی كـوردسـتان بووە.
شـەهیـد هـەمیشە حـەسـرەت و ئـاواتـی خواســتووە بـە شەهیدبوونی لە سـەر خـاكـی پیـرۆزی كوردسـتان، سەرەنجام گەیشت بە ئاواتەكەیی و قارەمانێك بەناوی سەرباز رەسوڵا خورشید لـە بەرەبـەیـانی 30ی 4ی 2016 لە چیای بـاشیـك لـە دوای شـەڕێـكی دەست و یەخە گولەیەكی چەكدارە تاریك پەرستەكان بەر جەستەی پیرۆزی ئازاكەی كوردستان دەكەوێت و ئامانجی شەهید و خوێنی پاكی تێكەڵا دەبێت لەگەڵا خاكی پیرۆزی كوردستان و مـاڵئـاوایی لـە بـرا و ئـامـۆزاكـانی كرد كـە بەیەكەوە لـەیەك سـەنـگـەری بـەرگریدا بوون.
لە كۆتایدا بنەماڵەی شەهید سەرباز رەسوڵا خورشید سرێشمەیی گوتیان:"لەوە گەورەتر چ شانازیەكە ڕۆڵەیەكی خۆشەویست و لە دڵا شیرینی وەك سەربازی قارەمان لە پێناو پاراستنی گەورەیی و خاكی پیرۆزی كوردستان لەدەست بدەین و شەهید ببێت, ئێمە وەك بنەماڵەی شەهید سەرباز سەردەمانێكە بریارمان داوە تاك بە تاكی بنەماڵەكەمان لە پێناو پاراستنی خاك و نیشتیمانی پیرۆزی كوردستان كۆشش بكەین و نەهێڵین داگیر كاران بتوانن دەست بۆ خاكی پیرۆزی كوردستانمان بێنن و قاچی گڵاوی خۆیان بخەنە سەر ئەم خاكە پیرۆزەمان, خوێنی پاكی شەهید سەربازی كوڕمان و تەواوی شەهیدانی تری كوردستان لە پێناو یەك ئامانج بووە ئەویش ئامانجی پاراستنی خاك و گەورەیی گەلی كورد و پاراستنی سەروەیەكانی كوردستان, گومانمان نیە خوێنی ڕۆڵەكەمان بە فیڕۆ ناچێت و رۆژێك دادێت نەوەكانی داهاتوومان بەهۆی دانی ئەم شەهیدانە لەپێناو كوردستان, لەژێر ئاڵا و دەوڵەتی كوردستان ئاسودە دەبن و دەژین دوور لە ژێر دەستەیی دوژمنان و داگیر كارانی خاكی پیرۆزی كوردستان.