Share on facebook
راهێنەری تیپی وەرزشی كانییەقور: ئومێد دەكەین بۆ وەرزی داهاتوو تیپەكەمان بەهێزتر بكەین
دووشەممە, 27 تشرینی دووەم 2017 14:49

ZKW : كامیار سالح- : رەوتی وەرزش لە رواندوز و پێشكەوتنی تیپەكانی میللی بە ئاستێكی باش و بەرچاو تێدەپەرن.
نەوزاد سمكۆ راهێنەری تیپی وەرزشی كانییەقور سەبارەت دامەزراندن و ئاستی تیپی لاوانی كانییەقور گووتی: دامەزراندنەوەی تیپی وەرزشی كانییەقور لە سەر بنچینەی تیپە كۆنەكە بووە، لە مانگی 7ی ئەمساڵ ئێمە كۆمەڵێك لە وەرزشوانانی كانییەقور تیپێكی تۆكمەمان دامەزراندووە و بەشداری كردانمان لە خولی پلە دووەكان، توانیمان بە بڕیاری لیژنەی تیپە میللەكانی رواندز سەركەوین بۆ پلە یەكی رواندز و لە وەرزی داهاتوودا بەشداری خولی پلە یەكەكانی تیپە میللییەكانی رواندز دەكەین.
لە درێژەی قسەكانیدا گووتی: لە جامی رواندز بەشداریمان كرد بەڵام سەركەوتوو نەبووین، لە بارەی دامەزراندنی لیژنەی تیپە مللییەكانی رواندزیش، ئەو راهێنەرە گووتی" لیژنەی تیپە میللییەكانی ڕواندز توانی تیپەكان بخاتە ژێر چەترێكی برایانەو نامیلكە و ڕێنمایی بەسەر تیپەكان دابەش بكات، دەستخۆشیان لێ دەكەین و هیوادارین دەستەی ناوبژیوانانی ڕواندز بتوانن، زیاتر یاساكان پەیڕەو بكەن، جیاوازی لە نێوان تیپەكان نەكرێت.
هەروەها گووتی: لە ئێستاوە تیپەكەمان بۆ خولی داهاتوو ئامادە دەكەین، لە ڕابردوو یاریزانەكانمان ئاستێكی باشیان پێشكەش كردووە و ئومێد دەكەین بۆ وەرزی داهاتووی لە خولی پلە یەكەكان پێكهاتەكامان بەهێزتر بكەین و ئەنجامی باشمان هەبێت.
ئەو رۆلی كاریگەری هاندەرانی تیپەكەی فەرامووش ناكات و دەڵێت‌" بە پاڵپشتی هاندەرە خۆشەویستەكانمان لە خزمەتكردن و هەوڵدان بۆ دڵخۆشكردنیان بەردەوام دەبین، بەتایبەتی تاكە تیپی سنووری ئیدارەی ڕواندزین، زۆرترین هاندەرمان هەیە و لەكاتی یارییەكانماندا، هاتنی جەماوەر لە دەرەوەی شار بۆ بینینی یارییەكەمان ئامادە دەبن و هێزێكی زیاتر بە ئێمە دەدەن.
لە وڵامی دوا پرسیاردا سەبارەت بەگۆڕانكاری تیپەكەیان، ڕاهێنەری تیپی وەرزشی كانییەقوڕ گووتی"نیازمان وانیە گۆڕانكاری لە ستافی تیپەكەمان بكەین.