Share on facebook
ژیان نامەی شەهیدانی بنەماڵەی عوسمان یوسف شێخ زادە
یەک شەممە, 17 کانونی یەکەم 2017 14:23

سوبحان شكۆ- سۆران
داعش, ئەو هێزە بەناو ئیسلامەی هێرشی بۆسەر ناوچەكانی باشووری كوردستان هێنا و لە سەرەتادا ئەم هێزە داگیر كارە توانی چەند ناوچەیەك داگیر بكات و بۆ ماوەیەك فەرمان رەوایی خۆی تیادا ئەنجام بدات, ئەمەش بە هۆكاری هاتی ئەم هێزە داگیر كارە بە شێوەیەكی چاوەروان نەكرا بۆ سەر ناوچەكانی هەرێمی كوردستان و نەبوونی ئامادەكاری تەواوی هێزی پێشمەرگەی كوردستان بۆ هێزێكی وا ترسناك و سامناك كە هاوشێوەی نەبێت لە جیهان, بەڵام هێزی پێشمەرگەی كوردستان دوای ماوەیەكی كەم و خۆرێك خستنەوەیان رووبەرووی ئەم هێزە داگیر كارە بوونەوە و توانیان ئەم هێزە ئەفسانەیە تێك بشكێن و ناچار بە پاشەكشەیان بكەن لە ناوچەكانی هەرێمی كوردستان, بە هەزارانیان لێ‌ بكوژن و سەدان لاشەیان لێ بەجێ‌ بمێنێت و سەدانی تر بە دیل بكەوێتە دەستیان, شەهیدانی بنەماڵەی عوسمان یوسف شێخ زادە ئەو قارەمان و دلێرانە بوون كە هەمیشە لە سەنگەرەكانی پێشەوەی بەرگری بوون و پاراستنی خاك و نیشتیمان بە پاراستنی ژیان و گەورەیی مرۆڤی كورد و هەرێمی كورستانیان دەزانی.
بنەماڵەی عوسمان یوسف شێخ زادە ژیانی پر لە سەروەری و نەبەردی و قارەمانیەتی كوڕەكانیان بۆ زاری كرمانجی باس دەكەن,
(ئەحمەد, نەجات, مەولوود) ئەو كورانەی عوسمان یوسف شێخ زادەن كە هەر یەكێك لەمان لەپاڵا ناوەكانیان شێخ زادە پاشگریانە, ئەحمەد شێخ زادە لە ساڵی 1961 و نەجات شێخ زادە لە ساڵی 1962 و مەولوود شێخ زادە لە ساڵی 1963 لە گوندی ئالانەی سنووری ناحیەی سیدەكان چاو بە دنیا هەڵدێنن, ئەحمەد و مەولوود لە ساڵی 1980 دەبن بە پێشمەرگە لەگەڵا شەهید محیەددین شێخ زادە لە هێزی بارزان و دواتریش لە ساڵی 1981 نەجاتی برایان هاوشێوەی ئەوان دەبێتە پێشمەرگە, لەكاتی شەڕی 8 ساڵەی نێوان عێراق و ئێران لە ساڵی 1985 ئاوارەی ناوچەی خواكورك دەبن تاكو ساڵی 1988 لە خواكورك دەمێننەوە.
ئەحمەد لە ساڵی 1986 بەدەست مەفرەزە تایبەتەكانی ڕژێمی بەعس دیل دەبێت, لە گەڵا دوو لە براكانی خۆی دەبرێن بۆ شاری كەركووك بۆ ماوەی 18 رۆژ بەڵام بەهۆی شەری نێوان عێراق و ئێران و گرتنەوەی شاری فاو بەر لێخۆشبوونی گشتی دەكەون بە بریاری سەدام حوسێن.
دوای گەرانەوەیان بۆ ناوچەی خواكورك ئەم سێ‌ برا شەهیدە لە ناوچەكە بەردەوام دەبن لە پێشمەرگایەتی لە ساڵی 1988 لە داستانی خواكورك بەژداری دەكەن, ئەحمەد لە هەمان داستان بریندار دەبێت و هەر لە ساڵی 1988 بە خانەوادەوە ئاوارەی وڵاتی ئێران دەبن و لە شاری شنۆی رۆژهەڵاتی كوردستان نیشتەجێ‌ دەبن, نەجات لە ساڵی 1989 ژیانی هاوسەرگیری پێك دێنێت و بە هۆكاری جیا جیا نابێتە خاوەنی هیچ منداڵێك و دواتریش لە ساڵی 1993 مەولوودی برا بچوكی ژیانی هاوسەرگیری پێك دێنێت و جیا لە براكەی دەبێتە خاوەنی 7 منداڵا, ئەحمەدی برا گەورەشیان لە ساڵی 2003 ژیانی هاوسەرگیری پێكدێنێت بەڵام ئەویش هاوشێوەی نەجاتی برای بە هۆكاری جیا جیا نابێتە خاوەنی هیچ منداڵێك.
سێ‌ قارەمانەكەی نیشتیمان لە راپەرینی بەهاری 1991 بەژداری دەكەن و لە چەندین رووبەروو بوونەوەی تر بەژداری كارایان دەبێت و جارێكیش شەهید مەولوود لە قەزای چۆمان بریندار دەكرێت, ئەحمەد لە ساڵی 1997 بە هۆكاری كاری سیاسی لە لایەن ئیتڵاحاتی ئێران زیندانی دەكرێت و هەر لە هەمان ساڵا لەگەڵا خانەوادەكانیان بە یەك جاری دەگەرێنەوە باشووری كوردستان و ئەحمەد و مەولوود دەچنە نێو هێزی 10ی پارتی زانی لە دەڤەری سیدەكان تا ساڵی 1999 لە وێوە دەچنە نێو فەرماندەی هەڵگورد سوپای6 هێزی سۆران, هەرچی شەهید نەجاتیشە دەچێتە سوپای بارزان و بەژداری چەندین رووبەروو بوونەوە دەكات تاكو ساڵی 2007 لە سوپای بارزان دەبێت و ئینجا دەچێتە فەرماند هەڵگورد.
ساڵی 2014 لە كاتی هاتنی هێزی بەناو دەوڵەتی ئیسلامی(تیرۆرستانی داعش) بۆ ناوچەكانی هەرێمی كوردستان, هەر یەكە لە ئەحمەد و نەجات و مەولوود لە ریزەكانی هێزی پێشمەرگەی كوردستان رووبەرووی ئەو هێزە داگیر كارە دەبنەوە و چەندین قارەمانیەتی و نەبەردی تۆمار دەكەن, ئەوەبوو لە 25ی 10ی 2014 هەرسێ‌ برا لە تەك یەكتر بە ئۆتۆمبێلێكی بۆمرێژ كراوی داعش لە جۆری فۆرد لە كاتی ئازاد كردنی ناحیەی زوومار لە گوندی گوڤر شەهید دەكرێن.
بنەماڵەی شەهیدانی عوسمان یوسف شێخ زادە لە كۆتایی گوتیان:" ڕۆڵەكانمان لە پێناو ئامانجێك شەهید بوون كە هەمیشە بۆ خانەوادەكەمان جێگەی شانازین و هەر ئەم شانازیەش وای كرد خاتوو عائیشەی دایكمان بە دایكی شەهیدانی كوردستان بناسرێت و ئەم نازناوە ب بەخشرێت بەم خاتوونەی بنەماڵەكەمان, ئەحمەد و نەجات و مەولوود هەر ڕۆڵەی ئێمە نەبوون و بەڵكو كوری تاك بە تاكی خانەوادەی نیشتیمان پەروەر و خاك پارێزی ئەم كوردستانە زوڵم لێكراوەن, هیوا دەخوازین ڕۆژێك لە ڕۆژان گەلی كورد بە ئامانجی لە بن نەهاتووی دەوڵەت بوونی بگات و تاك بە تاكی بنەماڵەكەشمان گیان لەدەستن بۆ رووبەروو بوونەوەی هەر هێزێكی داگیر كەر كە بیەوێت قاچی بخاتە نێو نیشتیمانە پیرۆزەكەمان و ئامادەین بە گیانی خۆمان لە پێناو كوردستان بجەنگین و خۆمان فیدای كوردستان بكەین.