Share on facebook
بە هێزی لاوان و بە ئەقڵی گەورەکان با ڕێڕەوی خەبات و تێکۆشان وەک ھەمیشە بەردەوام بێت
شەممە, 17 شوبات 2018 07:52


‎ئەوکاتەی کوردستان بە بارودۆخێکی سەختی مێژویدا گوزەری دەکرد ڕژێمە یەک لە دوایی یەکەکانی عێراق  هیچ باوڕێکیان بە مەدەنیەت و دیموکراسیەت و ئازادی نەبوو بەڵام لەوساوە وە پێشتریش کوردستانیان دەیان ویست هەنگاو بۆ ئازادی و کۆمەڵگای مەدەنی بهاوێژن  چونکە ئەم خەونە دەمێک بوو لە زەهنی کوردا گەڵاڵە ببوو

‎پارتی دیموکراتی کوردستان ئەم  خواستی کۆمەڵگا و گەلی کوردستان دەهێنێتە دی ڕێخراوی قوتابیان و ڕێخراوی لاوان دادەمەزرێنێ  بۆ ئەوەی کۆمەڵگایەکی مەدەنی نیشانی هەموو دونیا بدات پێیان بڵێ کورد عەوداڵی ئازادی و دیموکراسیەتە و زانست و ھەولدانە بۆ پێشخستن.

‎لەم سەردەمە مێژویەش دا لاوان دەبنە شوڕای پۆڵاین بۆ شۆڕش و پاراستنی خاک ، زمان ، کلتور ، ئەدەب ...
‎بەبێ جیاوازی بیر و بۆچون هەموویان قەڵغانی پارێزگاری بوون لە نیشتیمان دوور لە ململانێ دژایەتی کردنی یەکتر

‎لە ساڵی 1953 وە یەکێتی لاوان دەست بە خەبات و تێکۆشان دەکات دەبێتە وەرچەرخانێکی مێژووی وە تاکو ئیستاش  بەردەوامە ، بەڵام ڕون و ئاشکرایە ئەم ڕێخراوە لە قۆناغە جیا جیاکاندا ڕوو بە ڕووی گرفت و تەنگەژە و گرفت بۆتەوە
‎ دیارە ئەمەش بەهۆیی ئەم باروودۆخەی ئابووری و سیاسیەی  کە لە ئارادایە  بۆیە ھەولێک ھەیە بۆ ئەوەی لاوان بە گروتینتر بێنە کایەکانەوە کە ئەمەش  وەک دیارە کە یەکەم ھەنگاو بە بە ستنی کۆنگرەی لاوان دەست  پێدەکات،  کە ئەمەش تەکانێک بەم ڕێخراوە دەدات وادەکات لاوان زێدەتر دەهێنێتە پێشەوە گروتینێک بە مانای کەلیمە بە ڕێخراوەکە دەبەخشێت  ، بۆیە  ئەرکی سەرشانی هەموومانە جارێکی تر بەو پەری هێز و تواناوە  بە بیر و ئایدیای رێبازیی کوردایەتی وبارزانی نەمر وەک ھەمیشە کار بکەین بۆ بەرە و پێش بردنی دۆزی لاوان و ئەو ئامانجەی  کە لاوانی لە پێناو دامەزراوە

‎دەبێت لاوان لە ئێستادا لە ھەموو کات وشیارانەتر بۆ نیشتیمان بیربکەنەوە چونکە  بیری نیشتیمان پەروەری لە زەهنی لاواندا دەبێتە مایەیی بوونی ئینتیمابوونێکی بەھێزتر بۆ نیشتیمان.

‎ لەم ڕێگەیشدا دەتوانین جیاوازیەکان کاڵ بکەینەوە و هەوڵی یەکریزی و تەبایی و ئاشتەوای ناوماڵی کورد  بدەین بۆ ئەوەی ئەوەی ئەو هەڵانەی کە لە ڕابردوو رویان داوە دووبارەی نەکەنەنەوە و ببێتە دەرسێکیش بۆ داهاتوو .

‎ نیشتیمان و خاک لە سەروی هەموو شتێکەوە بن وە خیانەت کردن لە نیشتمان قێزەونترین شت نیشان بدرێت
‎تا ئەوەببێتە بنەمایێکی  ئەخڵاقی بۆ نەوەکانی داهاتوو ..

‎ لەم ڕۆژەدا پیرۆزبایی لە تەواوی  لاوانی کوردستان و جیھان بە گشتی و لاوانی سۆران بەتایبەت دەکەم بەو هیوای لاوان هەر بە پێشەنگ بمێننەوە   وە با لەم یادە پیرۆزەدا لاوان ببنە هەوێنی یەکریزی و پاراستنی نیشتیمان

‎دەریاز عەلی گوانی