Share on facebook
كۆمپانیایەك، هاوكاری بەسەر منداڵان دابەش دەكات
چوار شەممە, 16 ئایار 2018 11:39

ZKW: لە پێشوازی مانگی ڕەمەزاندا رێكخراوی وار بۆ پاراستنی ژینگە، بە سپۆنسەری كۆمپانیایی (ستارفیش) و بەهەماهەنگی نەخۆشخانەی لەدایكبوون و منداڵانی سۆران،پڕۆژەیەكی خێرخوازیان راگەیاندرا.

باپیر رزگار هەسنانی، بریكاری سەرەكی كۆمپانیایی (ستارفیش) لقی سۆران، راگەیاند "دوێنێ‌  سێشەممە 15-5-2018 لە رێوڕسمێكی شایستەدا لە هۆڵی نەخۆشخانەی لە دایكبوون و منداڵانی سۆران، بەئامادەبوونی بەرپرسانی ئیداری و رێكخراوەكان و پزیشك و كارمەندانی تەندروستی، لەپێشوازی مانگی رەمەزانی پیرۆزدا، رێكخراوی وار بۆ پاراستنی ژیتگە، بە سپۆنسەری كۆمپانیا كەمان (ستارفیش) لقی سۆران بۆ بەرهەمەكانی (sleepy) بە هەماهەنگی نەخۆشخانەی لەدایكبوون و منداڵانی سۆران، دوای ئەنجامدانی سمینارێكی ژینگەی بۆ مامۆستا مەحموود گەڵاڵی، دەستمان كرد بە دابەشكردنی بەرهەمەكانی (sleepy) بەسەر سەرجەم ئەو منداڵ و ئافرەتانەی لە نەخۆشخانە خەوێندرابوون، یا بۆ چارەسەری روویان لە نەخۆشخانە كرد بوو".

گووتیشی، بەدرێژایی مانگی رامەزان، هەر منداڵێك لەنەخۆشخانەی لەدایكبوون و منداڵانی سۆران، لە دایك ببێت بەرهەمەكانی (sleepy) بەسەر دابەش دەكەین، بەتایبەتیش بە لەبەرچاوگرتنی بارودۆخی ئێستای كوردستان، ئەركی هەموو كۆمانییاكە هەریەكەو بەپێی توانا خزمەت بە كۆمەڵگەو هاووڵاتییان بكات، دیارە ئێمەش وەك هەست كردنێك بە بەرپرسیاریەتی هەستاوین بە دابین كردنی بەرهەكانی كۆمپانیاكەمان بە كوالیتێكی بەرز بۆ منداڵان چاوەگەشەكانی نەخۆشخانەی لەدایكبوون و منداڵانی سۆران".

ئەوەشی خستەڕوو، ئەوە یەكەمجار نیە ئێمە ئەو خزمەتە بە هاووڵاتییان دەكەین و بەردەوامیش دەبین، وەك دیاریشە زۆربەی ئەوانەی روودەكەنە نەخۆشخانە حكوومییەكان، كەسانی كەمدەرامەت و هەژار و ئاسایین بە پێویستی دەزانین هاوكاریان بكەین".