Share on facebook
دەست بەسەر ماتۆڕسكیلەكان دەگیرێت
دووشەممە, 11 حوزەیران 2018 18:47


زاری كرمانجی-سۆران: بەڕێوەبەرایەتی هاتووچۆی سۆران، هەڵمەتی دەستبەسەر داگرتنی ئەو ماتۆڕسكیلانەی بێ‌ مۆڵەتن و بوونەتە هۆی بێزاری خەڵكی دەست پێكردووەو هەڵمەتەكەش بەردەوامی دەبێت.
راید دلاوەر لەتیف، راگەیاندنی بەڕێوەبەرایەتی پۆلیسی هاتووچۆی سۆران، بەزاری كرمانجی رایگەیاند " بەمەبەستی رێكخستن و بەدواداچوونی داواكاری هاووڵاتییان، بەشی پۆلیسی هاتووچۆی ناو شاری سۆران، هەڵمەتی دەستبەسەر داگرتنی ئەو ماتۆڕسكیلانەی دەست پێكردووە، كە بێ‌ مۆڵەتن و بوونەتە هۆی بێزار كردنی هاووڵاتییان و بەردەوامیش دەبین لەو هەڵمەتە".
راگەیاندنی بەڕێوەبەرایەتی پۆلیسی هاتووچۆی سۆران داواكاریش بوو لە خاوەنی ئەو جۆە ماتۆڕسكیلانە، پابەندی رێنمایی و یاساكانی هاتوو چۆبن و چیتر سەر پێچی ئەنجام نەدەن و نەبنە هۆی بێزاری خەڵكی ئەگەرنا بە پێچەوانەوە رووبەڕووی یاسا دەكرێنەوەو دەستیش بەسەر ماتۆڕسكیلاكانیان دەگیرێت.