كورەگەنجەكەی رواندز بووە سومبلی قوربانی لە پێناو میوان
سێ شەممە, 26 حوزەیران 2018 06:37


ZKW: لەبەیانی سێیەم رۆژی جەژنی رەمەزان كە زۆربەی خەڵكی خەریكی جەژنانەو دڵخۆشی بوون رووداوێك روویدا كەبووە هۆی گیان لەدەستدانی دوومرۆڤ ئەو خێزانە عەرەبەی بەمەبەستی بەسەر بردنی كاتێكی خۆش روویان لەكوردستان و شوێنە گەشتیاریەكانی رواندز كردبوو ، بۆئەوەی ساتەكانی جەژن دوور لەگەرمای بەغدا بەسەر ببەن،  بەڵام شەپۆلەكانی رووبار شینیان پێ‌ بوو بۆ دوو خێزان و دوونەتەوە، دوای ئەوەی ئافرەتێكی گەشتیاری عەرەب بەمەبەستی خۆفێنك كردنەوە زیاتر لە رووبار نزیك دەبێتەوە ، لە گوندی بەرسیرینی سەر بە قەزای رواندز، ئیدی بەهێزی شەپۆلی رووبار زەهرا هاشمی تەمەن سی وهەشت ساڵە بۆلای خۆی ڕادەكێشێت و نوقمی دەكات،  لەتاو هاوار و قیژەی ئەم ئافرەتە هیچێك لە كەس و كارەكەی بە هانایەوە ناچن و ڕزگاری بكەن ، تا كورە گەنجێكی كورد كە خاوەنی كەپری گەشتیاری بوو لەو شوێنە گەشتیاریە بە هەستێكی كوردانەوە خۆی فرێدەداتە ناو رووبار بۆ ڕزگاركردنی گیانی ئەم ئافرەتە عەرەبە، لەگەڵ گەیشتنی بۆ لای ئافرەتەكە لە تاو گیانی خۆی زۆر بەهێزەوە دەستی كوڕە گەنجەكە دەگرێت و ئەویش لە گەڵ خۆی دەباتە ژێرئاوەوە، كە دواجار بەگیان لەدەستدانی هەردووكیان كۆتایی بەم رووداوە هات ، ئەم رووداوە بووە گەرمترین هەواڵی هەفتە بە جۆرێك راگەیاندنەكان و تۆرەكۆمەڵایەتیەكان پڕبوون لە نووسین و وێنەی جەبار عوسمان كە هەموویان گوزارشت بوون لە مەردایەتی و بوێری ئەم گەنجە كە چۆن لە پێناو ڕزگاركردنی گیانی مرۆڤێكی تری غێرنەتەوەكەی گیانی خۆی كردە قوربانی، زاری كرمانجی لەم بارەیەوە ئەم راپۆرتەی ئامادەكردووە كە ئاخۆ هاووڵاتیان چۆن لەم هەڵوێستەی جەبار عوسمان دەڕوانن و بۆچوونیان چۆنە.
ئامادەكردنی : محەممەد مە حموود
لەسەرەتاداعوسمان سعیدی باوكی كە ساڵیك پێش ئێستاش كورێكی تری بەهۆی رووادوێكەوە گیانی لەدەستدابوو كەچی ئەم جارەیان خەمەكەی گرانتر دەبێت و كوڕەگەنجە نۆزدە بەهاریەكەیشی بە هۆی ڕزگاركردنی گیانی كەسێكی تر ئەویش گیان لەدەستدەدات ، بەم جۆرە باس لەو چركە ساتە دەكات كە خۆی و جەباری كوری لەدەستپێكی سێیەم رۆژی جەژنی رەمەزان چۆن جەباری كوڕی لەخەو هەستاوەو چیكردوە باوكی دەڵێت : كاتژمێر هەشت و نیوكوڕەكەم لە خەوهەستا بەیەكەوە نانی بەیانیمان خوارد، دواتر من دانیشتم ئەو چووە خوارەوە ،كاتێك گەیشتمە عەرەبەكان گووتیان كوڕی تۆ بۆڕزگاركردنی ئەو ژنەی ئێمە خۆی هاوێشتە رووبارو هەردووكیان بزربوون ، باوكی دەڵێت ،  منیش بە پێیان غارمدایە دەم رووباركەسم نەبینی ،ئەوە بوو ئەو كارەساتە روویادا لە پێناو ئەو خێرەی كە كوڕەكەم  دەیوویست بیكات  ژیانی ئەو ئافرەتە ڕزگار بكات كە بێگانەیەو عەرەبە خۆی كردە قوربانی .
بەرێوەبەرایەتی بەرگری شارستانی سۆران بەم جۆرە باسی ساتی روودانەكە دەكات ودەڵێت:  لە شوێنێكی گەشتیاری سنووری قەزای رواندز، گەنجێكی كوردی شاری رواندز  لەپێناو رزگاركردنی ئافرەتێكی عەرەب لە رووبارێكی ناوچەكە خۆی و ئافرەتەكە گیانیان لەدەستدا.
عەمید عیماد رێكانی، بەرێوەبەری بەرگری شارستانی سۆران بە زاری كرمانجی ڕاگەیاند: ئاگادار كراینەوە بە بوونی ڕووداوێكی خنكان كە تیایدا ئافرەتێكی عەرەب كە خەڵكی بەغدایە بە مەبەستی گەشتوگوزار لەگەڵ خێزانەكەیاندا سەردانی یەكێك لە ناوچە گەشتیارییەكانی رواندزیان كردبوو لە گوندی بەرسرین، لە رووباری ناوچەكە گیر دەخوات هاوكات گەنجێكی كورد كە خەڵكی هەمان شوێنە(بەرسیرین) بەمەبەستی ڕزگار كردنی ئەو ئافرەتە خۆی هەڵدەداتە نێو رووبارەكە و لە ئەنجامدا هەردووكیان گیان لەدەست دەدەن و دەخنكێن".
ناوبراو گووتیشی: "ئافرەتەكە ناوی (زەهرا هاشم) ە و گەنجەكەش ناوی (جەبار عوسمان) لەدایك بووی 1999 یە.
زاری كرمانجی زانییویەتی، كاتێك ئەم ئافرەتە ویستوویەتی بچێتە نێو رووبارەكە چەندین جار لەلایەن خەڵكی دەورووبەری شوێنەكە ئاگادار كراوەتەوە كە رووبارەكە قوڵە و شیاوی نزیك بوونەوە نیە، بەڵام ئافرەتەكە گوێ بەمە نادات و لە ئەنجامدا بووە هۆكاری گیان لەدەستدانی خۆی و گەنجێكی كوردی ناوچەكە.

سەرۆك مسعودبارزانی لەپەیامێكی هاوخەمیدا بۆ گیان لەدەستدانی جەبار دڵگران بوونی  خۆی ڕدەگێنێت و لە پە یامێكدا دەڵێت :
بەناوی خودای بەخشندەی میهرەبان
زۆر خەمبارین بە بیستنی هەواڵی گیان لەدەستدانی هاووڵاتی(جەبار عوسمان) كە لە پێناو رزگاركردنی گیانی هاووڵاتییەكی گەشتیاری عەرەب خۆی كردە قوربانی و لە ڕووباری چۆمان لە نزیك گوندی ''بەرسیرین'' خنكا.
بەم بۆنەیەوە سەرەخۆشی لە خانەوادە و كەسوكاری ئەو گەنجە فیداكارەی گەلەكەمان دەكەم، گیان لە دەستدانی ئەو گەنجە نمونەی ڕۆحی مرۆڤدۆستی و فیداكاری مرۆڤی كوردە، ئەمە رووداوێكی كەم وێنەیە و نیشانەیەكی ڕوونە بۆ كولتوریی بەرزی گەلی كوردستان، بۆ رێزگرتن لە میوان و یارمەتیدانی خەڵكی لێقەوماو سیمبوڵی مرۆڤسالاری كورد.
لە خودای گەورە داواكارم ڕۆحی خوالێخۆشبوو (جەبار عوسمان) بە بەهەشتی بەرین شاد بكات و سەبرو ئارامی بە خانەوادەكەی ببەخشێت. مسعود بارزانی

قایمقامیەتی قەزای رواندز بۆكۆچی جەبار عوسمان و هەڵوێستەكەی دەڵێت :ئافرەتێكی بە رەگەز عەرەب لە كاتی گەشتكردندا دەكەوێتە ناو رووباری بەرسیرین لە سنووری قەزای رواندز. بۆ رزگاركردنی گیانی ئافرەتەكەش، گەنجێكی رواندز بەناوی "جەبار عوسمان" تەمەن 18 ساڵ خۆی هەڵدەداتە  ناو رووبار، بەڵام بە داخەوە ئەو گەنجە جوانە لە هەڵوێستێكی جوان و مرۆڤدۆستانەدا  گیانی خۆی كردە قوربانی ئافرەتێكی بە رەگەز عەرەب. لێرەوە بەناوی قایمقامیەتی قەزای رواندز پرسەو سەرخۆشی  خۆمان بە ماڵباتی ئەو گەنجە رادەگەیەنین و دڵگرانین بەو رووداوە ناخۆشە، لە خودا داواكارین دڵنەوایی بە كەسوكارەكەی ببەخشێت و جێگەی جوانەمەرگ بەهەشت بێت.

مامۆستا  بكر كاكۆ لەشاری هەولێرەوە كە دوورو نزیك جەباری نەناسیووە بەڵام بەهۆی هەڵوێستە جوانەكەی دەڵێت : مردنێكی جیاواز كاتێك گوێ بیستی ؛مردنی كاكە جەبار بووم،بەڕاستی مردنێكی جیاوازومردنێكی جوان،ئەوەی كاكە جەبار ، بۆ رزگاركردنی ئافرەتێكی نەتەوە جیاوازكردی، جێگای شانازی هەموومیللەتی كوردە،پەیامی كاكەجەبار ئەوەمان پێ دەڵێت ،كەوا مرۆڤ دەبێت لە پێناو مرۆڤایەتی بژی ،نەوەك  تەنیا بەدوای حەزوئارەزووبەرژەوەندیەتایبەتیەكانی بێت لەودونیایە، مامۆستا بەكر كاكۆ داواكارێكی لە لایەنی پەیوەندیدار هەیە و دەڵێت : داوا لە فەرمانگەی گەشت وگوزار دەكەم ،وێنەیەكی جوانی كاكە جەبار لەوشوێنە بەدیزانێكی جوان هەڵبواسن و تیایداجگە لەزمانی كوردی ،بەزمانەكانی تریش بنووسن ، شەهیدبوون لەپێناو مرۆڤایەتی،چیرۆكەكەشی لەسەر بنووسن،بۆئەوەی خەڵكانێكی بێگانە بزانن ،میللەتی كورد چەندە مرۆڤ دۆستەوحەزی لەپێكەوەژیانە،وەحەق وایە وەزارەتی شەهیدانیش ناوی تۆماربكات لەلیستی شەهیدان ومووچەیەكی شایستە بۆخانەوادەكەی دابین بكات .

هاوكار پیروسووەی وەك گەنجێك بەم جۆرە بۆچوونی خۆی دەربڕیووە، هاوكار لەقسەی هاوسەری ئەوئافرەتە دەستپێدەكات كە كاك جەبار گیانی خۆی لە پێناوی كردە قوربانی
ئەوەی بە چاوەكانم بینیم هەرگیز ناتوانم بە زمان دەریببڕم.
ئەمە قسەی هاوسەری ئەو ئافرەتە گەشتیارەبوو كە لە رووباری باڵەكایەتی دا خنكا
دوای هەوڵدانی جوانەمەرگ (جەبار عسمان) بەرسیرینی بۆ رزگاركردنی گیانی ئافرەتێكی عەرەب لە خنكان بەلام گیانی خۆشی كردە قوربانی و شەهیدبوو
ئەم هەلوێستە جوان و بوێرو مرۆڤ دۆستانانەی شەهیدی جوانەمەرگ شانازیەكی گەورەی بۆ گەلی كوردستان تۆماركرد ڕووداوەكەی بە شێوەیەك گەورەكرد كە لە ڕاگەیاندنەكان قسەی زۆری لەسەر دەكرێت، بە شێوەیەك لە تەواوی كوردستان و عێراق باس لەم هەڵویستەی شەهیدی جوانەمەرگ دەكرێ‌، ئەوەی مەبەستمە بیڵێم ئەمە هەڵوێستی تاكی كوردە لە بەرامبەر ئەو نەتەوەی كە سەدان ساڵە بە دڕندەترین شێوە ئازاری كورد و كوردستانیان داوە ن هەر لە ئەنفال و دەربەدەری و سووتاندن و زیندەبەچاڵكردن و دواجاریش نان بڕینی خەڵكی كوردستان ،
هاوكاردەشڵێت : پێویستە ڕاگەیاندنەكان و سیاسیەكانی كوردستان ئەم ڕووداوە بە هەموو دونیا رابگێنن و قسەی زیاتر لەسەر ئەم رووداوە بكەن .

دەستەی گشتی گەشت و گوزاری هەرێمی كوردستان بۆئەم هەڵوێستە جوانەی جەباری جوانە مەرگ ئەم كارەی لەسەرەتادا بۆدەكات ، دەستەی گشتی گەشت و گوزاری هەرێمی كوردستان بریار دەدات كە هۆڵی سەنتەری ڕاهێنانی گەشتیاری لە شاری هەولێر وەك ڕێزگرتنێك  بەناوی (جەبار عوسمان ) بكات و بیكاتە سومبلی قوربانی میوانداری.

كمال خودادە لەبەرێوەبەرایەتی گەشت و گوزاری سۆران دەڵێت : بابزانین عە رە ب بۆ ئە م هە ڵویستە و جوامێریە چ دە ڵێن كاتێك بێ ڕێزیك بە رامبەریان دە كرێت ئە وجا گە رهۆكارەكەشی نادیار بێت لە هە رشوێنێكی كوردستان گشت دونیا تێدە گەینن كورد میوان دۆست نینە و تە عدا لە خەڵكی دەكە ن ودە گە رێنە وە شاری خویان هە ڕە شە و گوڕەشە دەكەن ، كورد گشت كاتێك هە ڵوێستی جوامێرانە و بە غیرە تی هە بووە ئە مە ی ئە م گە نجە كردی گشت عە رە بێك نایكات و ئە وە ش دە سە لمێنێت گشت رووداوەكانی پێشی ئە وان تیدا خە تابار بووینە، روحت شادبێت جێگات بە هە شت بێت كاك (جەبار سعید)بۆ ئە وە ی ژ یانی ئافرە تێكی گە شتیاری عە رە ب ڕزگاربكات گیانی خۆی كردە قوربانی كوا لە ناوگشت عە رەب كە سێك هە یە وابكات.

مامۆستا خلیل رسول بەڕێوەبەری دواناوەندی رواندزی كوڕان كە ساڵێك پێش ئێستا جەبار عوسمان قوتابی ئەو بووە لە قوتابخانەكەی بۆزاری كرمانجی  دەڵێت : سەبارەت  بە كاك  جەبار بە ڵێ  ئەو تا ساڵێك پێش ئێستا قوتابی  من  بوو  بە ڵام  لە ئاستی  زانستی  زۆر  باش  نە بوو بە ڵام  لە رووی  ئە دە ب  قوتابێكی  گوێ  ڕایە ڵ  بوو،  من  بە شێوەیكی  هێمن  و لە سە ر خۆ دەمبینی ، بۆیە لای من  خۆشە ویست بوو،  ئە وە ی  من باس  دە كە م  ساڵی ڕابردوو  بوو  واتا  ساڵی خوێندنی  ٢٠١٦ -٢٠١٧ دڵگران بووم بە هەواڵی خنكانی .
مامۆستا دەوەن سەدیق كە مامۆستای بووە لەقوتابخانەكەی دەڵێت : ماوەیەك پێش ئێستا گوتم جەبار پار كە برات بە كارەساتی ماتۆر كۆچی دوای كرد خوا لێی خۆش بێ وامزانی تۆبووی زۆرم پێ ناخۆش بوو ،گوتی ناوەڵا اوستاز ،گووتم انشاللە لێت بەدوور بی برام،ئێستا زۆر خەفەتبار بووم بە هەواڵی كۆچی دوایت خوای گەورە بە رەحم و بەزەی خۆی لێت خۆشبێ و بە بەهەشتی خۆیت شاد بكات .
هۆزێكی عەرەبی بەسرە بەمەبەستی سەرەخۆشی و هاوخەمیان سەردانی خانەوادەی جەبار عوسمان یانكرد، رۆژی چوارشەممە 20-6-2018 ژمارەیەك لە شێخ و كەسایەتی و ڕیش سپیانی هۆزە عەرەبەكانی بەسرە لە خانەوادەی ئەو ئافرەتەی كە لە رووباری بەرسیرین خنكا. بۆ سەرەخۆشی كردن لە بنەماڵەی "جبار عوسمان" سەردانی گوندی بەرسیرینیان كرد. ژمارەیەكی زۆر لە بەرپرسانی ئیداری و سەربازی و ئەمنی و كەسایەتی و پیاوانی ئایینی و نوێنەرانی حزبی و لایەنەكان و رێكخراوەكانی مەدەنی و دەزگایەكانی راگەیاندن و ژمارەیەكی زۆر لە كەسوكارو ماڵباتی " جبار عوسمان" لە گوندی بەرسیرین پێشوازیان لێكرا، دواتر لە كەشێكی برایانەو مرۆڤدۆستانەو میواندۆستی نێوەڕۆخوانێك لەلایەن ماڵباتی شەهید جبار بۆ میوانان ئامادەكرابوو. دواتریش هەردوولا سەردانی شوێنی رووداوەكەیان كردوو پەیامی ئاشتی و تەبایی و پێكەوەژیانیان بۆ یەكتر دووپات كردەوە.
لەكۆتایشدا بنەماڵەی كۆچكردوو لەپەیامێكی سوپاس گوزاریدا بۆتێكڕای خەڵكی كوردستان لەبەرامبەر هاوخەمی و هاوسۆزیان بۆگیان لەدەستدانی كوڕەكەیان دەڵێن .
بە ناوی خانە وادە ی جوانە مە رگ (كاكە جبار عوسمان سیرینی) كە لە پیناو ڕزگاركردنی گیانی ئافرە تێكی نە تە وە ی عە رە بی عێراقی گیانی خۆی كردە قوربانی , بە پێویستی دە زانین سوپاس و پێزانینی خۆمان ئاڕاستە ی ئە و بە رێزانە ی خوارە وە بكە ین:
جەنابی سە رۆك مسعود بارزانی و نوێنە ری بە رێزیان و ئە ندامانی ئە نجومە نی نوێنە رانی عێراق و پە رلە مانتارانی كوردستان و ئە ندامانی ئە نجومە نی پارێزگا ، بە رپرسان و كارمە ندانی حكومی و سە رجە م لایە نە كانی سیاسی كوردستان و فە رماندە و پێشمە رگە و كە سایە تی ئایینی و كۆمە ڵایە تی و سە رۆك هۆزە كانی دە ڤە رە كە و هاوكات كە سایە تیە كانی ڕۆشنبیر و سیاسی عێراقی و سە رۆك عە شیرە تە كانی عێراقی و ریكخراوە كانی مە دە نی و تێكڕای پیكەهاتە كانی كوردستان و خزم و دۆست و هاووڵاتیانی خۆشە ویست لە سە رتاسە ری كوردستان دە كە ین ، كە ئامادە ی مە ڕاسیمی پرسە كە مان بون ،  بە شداری و هاوخە می خۆیان دە ربڕی بە نامە یان تێل یان لە سۆشیال میدیاكان و را گە یاندنە كانی  كوردی و عە رە بی،  بە دڵنیایەوە  بە شداریكردن و دە ربڕینی هاوخەمی و هاوسۆزی گشت لایە كتان بووە مایە ی دڵنە وایی و سوك كردنی ئە و كۆستە گە ورە یە ی كە بە سە رمانداهات و لە یە زدانی مە زن ودلۆڤان داواكارین كە جە زای چاكە تان بداتە وە و خوالێخۆشبو (شەهید كاكە جبار عوسمان سیرینی  بە بە هە شتی فراوان شاد بكات ان شا اللە .
انا للە و انا الیە راجعون
عوسمان سعید سیرینی
باوكی مرحوم ( جەبار سیرینی)