Share on facebook
كەمانچەكەی موجتەبای میرزادە پێشكەشی سەید ئەحمەد رواندزی كرا
سێ شەممە, 10 تەمموز 2018 06:59


محەممەد مەحموود
دوای ئەوەی سیروان سیرینی كەمانچەكەی موجتەبای میرزادە دەكرێت و لای خۆی بۆ چەندین ساڵ دەیپارێزێت دەیكاتە دیاری هاوڕێكی خۆی .
لە مبارەیەوە سیروان سیرینی بە زاری كرمانجی رایگەیاند: " ئەو كەمانچە ناوازەییەی هونەرمەندی كورد موجتەبای میرزادەم كڕی ویستم لە ئەمریكا لە مۆزەخانەێكی تایبەت بە هونەر دایبنێم دوای دەساڵ لە گەڵ خۆم هێنایەوە ، بەپێویستم زانی وەك وەفایەك لە بەرامبەر خزمەتكردن بە بواری هونەرو مۆزیكی كوردی كەمانچەكەی هونەرمەندی مۆزیكی ژەنی بەتوانا موجتەبای میرزادە بەدیاری بدەمە هاوڕێ‌ و مامۆستای خۆشەویست سەید ئەحمەد رواندزی ، سیرینی گووتیشی ئەو كەمانچەیە ئامێرێكی ناوازە و گرانبەهای مۆزیكە و هی دەستی هونەرمەندی ناوداری كورد كۆچكردوو (موجتەبای میرزادە) بوو، كە چەندین ساڵە لەلای خۆم پاراستبوو، سیرینی گووتیشی بەرلەجەژنی رەمەزان  لە ڕێوڕەسمێكی خنجیلانەدا پێشكەشم كرد بە هونەرمەندی ئازیز مامۆستا (سەید ئەحمەد رواندزی)، ئەوەش لەپای خزمەتی زۆر و بەرز راگرتنی رۆڵی دڵسۆزانەی ‌".ئەوەشی خستە روو ، خۆم ساڵانێكی زۆر كارم لە بواری هونەریدا‌ كردووە و لە چەندین ئامێری موزیك شارەزام، هەر بۆیەش هیواخوازم ئەو بوارە بایەخی زیاتری پێ بدرێت و رێزیش لەو هونەرمەند و كەسایەتییانە بگیرێت، كە تەمەنێكە لەناو بواری هونەریدان و بوونەتە قوتابخانەیەك بۆ پێگەیاندنی چەندین هونەرمەند و موزیكژەن و گۆرانیبێژ و...هتد. دیارە مامۆستا (سەید ئەحمەد رواندزی)یش بە یەكێك لەو كەسانە دادنرێت و شایستەی ئەو رێزگرتنەیە .
سەید ئەحمەد سەید جەبار لە شاری رواندز لە ساڵی 1963 لەدایك بووە ، ساڵی 1985 پەیمانگەی هونەرەجوانەكانی موسڵی تەواوكردووە بەشی كەمان ، لەپۆلی شەشەمی سەرەتایی بەشداری لەخوولی فێربوونی مۆسیقا كردووە لەسەر ئامێری ئۆكۆردیۆن ، دواتر بۆتە ئەندامی تیپی مۆسیقای پاشای گەورە، لەسەر ئاستی كوردستان چەندین ئاوازو كۆنسێرت و كاری مۆزیكی بۆ زۆربەی هونەرمەندان كردووە، چەندپارچە مۆسیقاێكیشی لە تیڤیەكان بەشێوەی كلیپ بڵاوكردۆتەوە یەكێكە لەئەندامەكاراكانی تیپی مۆسیقای پاشای گەورەی رواندز سەید ئەحمەد هەر لەهونەردا لە خۆشنووسی دەستێكی باڵای هەیەو وێنەو تابلۆی هونەریش دەكێشێت و لە ئێستادا لەشاری هەولێر دادەنیشتێت و فەرمانبەرە لە بەرێوەبەرایەتی گشتی رۆشنبیری و هونەری هەولێر .