Share on facebook
راپۆرتێك لەسەر گرفتی ئاو لە خەلیفان
دووشەممە, 06 ئاب 2018 08:10

راپۆرت - چیا عەلی عومەر : بەمەبەستی ئاگاداربوون  لە گرفتی كەم ئاوی لە هەندێ‌ لە گەرەكانی ناحیەی خەلیفان زاری كرمانجی بە پێویستی زانی بەدووادچوونێك لەسەر ئەم بابەتە بكات لە ناو سەنتەری ناحیەی خەلیفان ، بەر لەوەی بگەینە لای بەرێوەبەری فەرمانگەی ئاوی خەلیفان خواست و داواكاری هاووڵاتیان گوێبیست بووین لەسەر كێشەی ئاو، لە رووی پاكو خاوێنی گرفتی كەمی لەم وەرزەدا بۆیە لە سەرەتای راپۆرتەكەماندا لە قسەی هاووڵاتیانەوە دەستمان پێكردوو ئەوان بۆمان دووان و باسی كێشەی ئاویان بۆكردین .

پشتیوان عەبدوڵڵا دانیشتووی گەرەكی ئازادی گووتی " ئێمە كێشەی كەم ئاومان هەیە و ئاوەكەمان پیسە ، خۆم و خانەوادەكەم تووشی نەخۆشی هاتووین ، ئەو ئاوەی بۆمان دێت لەرێگای تانكییەوە ، ئەویش رۆژانە كاتەكەی دیار نییە جاری واهەیە كاتژمێر 3ێ‌ یان 4 ی شەو بۆمان دێت ، بۆیە لەرێگای زاری كرمانجییەوە داواكارین ئەو كێشەمان بۆچارەسەر بكرێت .

هاووڵاتی عومەر خەلانی دانیشتووی گەرەكی خەبات سەبارەت بە كێشەی ئاو بۆمان دواو گووتی " ئێمە گرفتی كەمی ئاومان هەیە و ئەو ئاوەی دابەشدەكرێت ، بەشمان ناكات بۆیە ناچاردەبین بە پارەی خۆمان ئاو بكڕین

بۆبەدواداچوونی كێشەی كەم لە ناحیەی خەلیقان و وەڵامی لایەنی پەیوەندیدار لەسەر ئەم پرسە سەردانی فەرمانگەی ئاوی خەلیفان كردوو گرفتی هاووڵاتیان و چەند پرسیارێكی تری پەیوەست بەئاومان  رووبەرووی بەرێوەبەری ئەو فەرمانگەیە دلێر رەشید حمدەمین كردوو ئەویش بەم جۆرە وەڵامی داینەوە " سەرەتا لە گلەی هاووڵاتیانەوە دەست پێدەكەین ، دەربارەی پیسی ئاو ئەو بەرێوەبەرە گووتی " نەخێر ئاوەكە زۆر پاكو سازگارە ، راستە كێشەی كەم ئاوی هەیە بەڵام كێشەكە دەگرێتەوە بۆئەو قەیرانەی كە رووی لە هەرێمی كوردستان كردووە ، لە داهاتووئەم گرفتە چارەسەر دەكەین .

دەربارەی ئەو گەرەكەی كێشەی كەمی ئاویان هەیە، راستە ئەوان كێشەی كەم ئاویان هەیە ، بەڵام ئێمە ئەوان دڵنیا دەكەینەوە كە لە داهاتوودا كێشەكە بن بڕبكەین و داواكەیان جێ‌ بە جێ دەكەین .

* خەلیقان كێشەی كەم ئاوی هەیە ؟

بۆ كێشەی كەم ئاوی ناڵێین سەدا سەد كێشەی نییە ، بەڵام دەكرێ‌ بڵێین خەلیفان سەدا هەشتا لەچاو شوێنەكانی تر باشترە ، چوونكە ئاوی خەلیفان ئاوێكی سازگارو باشە وە لەرووی دابەشكردنی ئاوەوە خەلیفان زۆرباشە ، تەنها هەندێ‌ بابەت هەیە لەئاو تا ئێستا نەمان تووانییەوە بەهۆی قەیرانی دارایی كە لەساڵی 2014 درووست بوو دووگەڕەك لە خەلیفان نەتووانراوە تۆری ئاویان بۆ بچێت كە ئەوانیش گەرەكاكانی شۆڕش و برایەتین ، لە هەوڵداین ئەو گرفتەش لەماوەیەكی كورتدا چارەسەر بكەین .

* ئێوە توانیووتانە رێگری بكەن لە زیاد بەكار هێنانی ئاو ؟

بەرێوەبەری فەرمانگەی ئاو دەڵێت " ئێمە وەكو فەرمانگەی ئاوی خەلیفان ئەو رێگرییەی كە لە زیاد بەكارهێنان و زیادەرۆیی ئاو كە كاردەكاتە سەر تۆرەكانی ئاو هەرئەوەمانكردووە بەو سیستەمەی لەبەر دەستماندایە ، ئاو بەیەكسانی بەسەر هاووڵاتیان دابەشدەكەین ، نزیكەی كاتژمێرو نیوێك ئاو بۆماڵان دابەشدەكەین و لەو كاتەی كە ئاوەكە دابەشدەكەین تەنها ئەوكاتە دەتووانین رێگری بكەین لە بەكارهێنانی ئاو .

* ئایە كەستان سزاداوە لەسەر ئەم بابەتە؟

بەڵێ‌ سزادان هەبووە لەسەر سەرپێچیكردنی بەكار هێنانی ئاو بۆئەمەش دەتووانن بە دواداچوون بكەن لە ناحیە و بنكەی پۆلیسی خەلیفان ، وە ئەوەی سەرپێچی كردبێت بۆسەر تۆرەكانی ئاو سزاكەی وەرگرتووە .

* ئایە لێپَچینەوە لەگەڵ ئەو كەسانە دەكەن كە ئاوی گشتی بۆ ئاودانی باخچەو داروبارو چێشتخانەكان بەكار دەهێنن ؟

ئێمە كەسمان نەبینیووە ئەو سەر پێچیە بكات، بەڵام ئەگەر كەسێك دارێكی لەناو ماڵی خۆیدا هەبێت و ئاوی بدات ئاساییە ، بەڵام باخێك یانە سەوزایەك ناتوانێت بەئاوی گشتی ئاوی بدات ، چوونكە ئێمە هەر ئەوەندە ئاو دابەشدەكەین كە ئاماژەمانە بۆكرد ئەوەش تەنها بەشی كاروبارەكانی ماڵەوە دەكات .

* زیاد بەكارهێنانی ئاو لە ئێستادا لە چاو ڕابردوو بۆچ هۆكارێك دەگەرێتەوە ؟

زیاد بەكارهێنانی ئاو دەگەرێتەوە بۆئەوەی كە لەو سەردەمەی تەكەنە لۆجیادا بە بەراورد لە گەڵ پێشتر بە بەر دەوامی لە پێشكەوتن دایە ، بۆنموونە جل شۆری ئۆتۆماتیكی ئاوێكی یەكجار زۆر خەرج دەكات كە پێشتر ئەو جۆرە ئامێرە لەماڵان نەبوو بۆیە ئاو كەمتر بەكار دەهێندرا بە بەراورد لەگەڵ ئێستا .