Share on facebook
ناوەندی وەرزش و لاوانی سۆران، یاری تایكواندۆ دەخاتەوە بەر بیر و هزی ئارەزوومەندان و یاریزانانی هونەرە جەنگییەكان
دووشەممە, 06 ئاب 2018 09:06

زاری كرمانجی – جەلال سەعید: ناوەندی وەرزش و لاوانی سۆران بەهاوكاری یەكێتی تایكواندۆی كوردستان لقی هەولێر خولێكی ناوبژیوانی یاری تایكواندۆی بە بەشداری 50 وەرزشكارو وەرزشوانی یاری تایكواندۆ كردەوە.

خولەكە بەسەرپەرشتی مامۆستا زێبار سەباح بۆ ماوەی یەك رۆژی درێژەی هەبوو تێدا شێواز و یاساكانی یاری تایكواندۆ و گۆرانكارییەكانی نوێی ئەو یارییە باسكران، كۆمەلێك راهێنەرو یاریزانی كور و كچی سۆران  ئاكرێ و هەولێر بەشداریان لە خولی ناوبژیوانی كردبوو.

وانە بێژی خولی ناوبژیوانی مامۆستا زێبار سەباح لە ئاخافتنێكدا گووتی: ئامانج لە كردنەوەی خولی ناوبژیوانی ئامادەكردنی راهێنەر و وەرزشكارانی یاری تایكواندۆیە بۆ بەرێوەبردنی یاری و خولەكانی تایكواندۆیە لە دەڤەری سۆران و كوردستان، ئاشناكردنی یاسا و شێوازەكانی نۆێی یاری تایكوادۆشە بە بەشداربوان

نمایشێكی تایكواندۆ لەلایەن كور و كچانی ناوەندی وەرزش و لاوانی سۆران بەرێوە چوو، نمایشەكە كۆمەلێك هونەرەكانی تایكواندۆی لە خۆ گرت وەك بەرگریكردن و هێرشكردن لە پێناو خۆپاراستن لە وەشانەكانی دەست و قاچی ركابەرانی رووبەروویان دەبنەوە چ لە كاتی یارییەكاندا چ لە كاتی پێویست بۆ خۆپاراستن لە هەر لێدانێكی كوشندە.

شەهلا ساڵح مامۆستای زانكۆ و بەشداربوو لە خولەكە گۆوتی: هیوادارم ئەو جۆرە خولانە زیاتر بكرێنەوە تاكو ئافرەت و كچان و كۆرانی دەڤەری سۆران لە بری ئەوەی خۆیان بە هەندی شتی تر سەرقاڵ بكەن، بێن بەشداری لە خولەكانی لەو جۆرە بكەن و بێنە نێو یاری تایكواندۆ بۆ ئەوەی سوودی وەرزشی و فێربوونی تەكتیك و تەكتنیكی نوێ لە یارییەكە وەر بگرم.

دابەشكردنی بروانامەی خولەكەو پێدانی سەركەوتنی دانە یەك و دووی یاری تایكواندو بە كور و كچانی بەشداربوو بەشی كۆتایی خولەكە نمایشەكەی پێك دەهێنا.

خەبات ساڵح بەرێوەبەری ناوەندی وەرزش ولاوانی سۆران لە لێدوانێكدا گووتی: ساڵانێكە یاری تایكواندۆ لە سۆران پشت گوێ خستراوە، ئیمەش وەك ناوەندی وەرزش و لاوانی سۆران هەولماندا بە چەند چالاكییەك یاری تایكواندۆ جارێكی تر لە زیندوو بكەینەوە، لە دریژەی قسەكانیدا ئاماژەی بە رۆلی كچان و ئافرەتان كرد لە نێو بواری وەرزشدا و داوای هاتنی زیاتری ئافرەتانی كرد بۆ نێو بواری وەرزش بە گشتی.

یاری تایكواندۆ یەكێكە لەو یارییە جەنگییە وەرزشیانەی دەڤەری سۆران كە ئاشنایەتیەكی تەواوی لە سەر ئەو یارییە و یارییەكانی دیكەی هونەرە جەنگییەكان هەیە.

هەلالە ساڵح كچە بەشداربوێكی وەرزشكاری تایكواندۆ گووتی: سوودێكی باشم لەو خولە وەرگرت و ئاشنای كردم بە یاسا و شێوازە نوێیەكانی یاری تایكواندۆ و زۆە خۆشحالیش بوون بە نمایشكە.

یارییەكانی هونەرە جەنگییەكان لە ساڵی 1991 لە سۆران و دیانا پەرەی سەند وەك یاری تایكواندۆ و كۆنفۆ و كاراتێ‌، كۆمەلێك فێرگە و شوێنی تایبەتیشی هەبوو بۆ مەشق و راهێنانی ئارەزوومەندانی، چەندین چالاكی هەمە جۆریش لە دەڤەری سۆران رێكخران و لە چەند شارو شارۆچكەیەكی دیكەی كوردستانیش ئەنجامدران