Share on facebook
نوێترین زانیاری لەسەر رووداوەكەی ئەمرۆی گوندی گەرەوان
پێنج شەممە, 09 ئاب 2018 19:24

زاری كرمانجی – رواندز :

دوای ئەوەی ئەمرۆ پێنج شەممە بەهۆی كێشەێكی كۆمەڵایەتی كەسێ‌ ساڵ پێش ئێستا روویدابوو ، ئەمرۆ لە گوندی گەرەوانی خوارووی سنووری قەزای رواندز دووبنەماڵەی نزیك لەیەكتر دەبێتەوە كێشەیان بەوهۆیەوە تائێستا دووهاووڵاتی كوژراون و برینداریش هەن لەم رووداوە ،  رزگار شیخۆ موختاری گوندی گەرەوان لەسەر ئەم رووداوە بۆزاری كرمانجی گووتی " ئەمرۆپێنج شەممە 9-8-2018  لەگوندی گەرەوانی خوارووی سەربەقەزای رواندز بەهۆی كێشەێكی كۆمەڵایەتی دووهاووڵاتی گوندەكە كوژراون و دووانی تریش برینداربوون ، حكومەتیش تائێستا نەهاتووە بەدەم ئەم كێشەیەوە، رزگار شێخۆ گووتیشی لەبەیانییەوە بەهۆی دروستبوونی ئەو كێشەیەوە لایەنی پەیوەندیدارمان ئاگادار كردۆتەوە و تائێستاش دوو كوژراو دووبریندار هەنە ، كوژراوەكان و بریندارەكان هی بنەماڵەیەكن و هی لایەنی بەرامبەر دیارنییە ئاخۆ كوژراو برینداریان هەیە یانا ، كوژراوەكان بەناوەكانی نەوزاد مامە شێخە وشێروان عزیز قادرن، هەردووكیان خێزاندارن، نەوزاد خاوەنی پێنج منداڵەو شێروانیش خاوەنی دوومنداڵە، موختاری گوندی گەرەوانی خواروو گووتیشی " ئێستا ئەوان لە شاخن لە پشتی گوند چاوەڕێن لایەنی پەیوەندیدار بێت چارەسەری ئەم كێشەیە بكات ، تەرمی كوژراوەكان بەخاكسپێردراون و بریندارێكش لەو بریندارانە برینەكەی سەختە .

هەربۆهەمان مەبەست زاری كرمانجی قسەی یەكێك لە خزمەنزیكەكانی هەردووبنەماڵەی وەرگرت ئەو كەسە نەیویست ئاماژە بەناوی بكرێت بۆ زاری كرمانجی راستی رووداوەكەی بەم جۆرە باسكرد" سێ ساڵ پێش ئێستا بەهۆی رووداوێكی هاتوچۆ كە روویدا لەنێوان ئەم دووبنەماڵەیە كە هەردوو لا خزمی یەكترن ،ئەو كات كەسێك گیانی لەدەستداو یەكێكیش بریندار بوو، ئەمرۆش كە ئەم رووداوە روویدا بۆهەمان مەبەست دەگەرێتەوە ، كوژراو بریندارەكان دانیشتووی گوندی گەرەوانی خواروون و لایەنی بنەماڵەكەی تریش لە سۆران دادەنیشن .

راید سەعدون نەبی، بەرپرسی ڕاگەیاندنی بەڕێوەبەرایەتی پۆلیسی سۆران، بەزاری كرمانجی رایگەیاند ئەمرۆ 9/8/2018 كاتژمێر دوانزەپۆلیسی رەواندز ئاگاداركراونەتەوە بە بوونی زامدارێك بە ناوی (ن ش ق) لە دایك بووی ساڵی ١٩٨١ پیشە( پ م) لە یەكەی حەفتا دوای گەیشتنی تیمی پۆلیسی رەواندز بۆ نەخوشخانە زامداری سەرەوە ناوی ئەم كەسانەی داوە كە بوونەتە هۆی زامدار كردنی، بەڵام دواتر لەبەر سەختی برینەكەی گیانی لە دەست دا ، دواتر پۆلیس و ئاسایش رۆیشتن بۆشوینی رووداو لەگوندی گەرەوانی سەرووی سەر بە قەزای رەواندز، دیاربوو كێشەكە بەردەوام بوو بەڵام كەمێك كۆنترۆڵ كرا، دواتر بەهۆی جوگرافیای شوێنەكەو  وە سەختی ناوچەكە كێشەكە تەشەنەی سەند، لە ئەنجامی بەردەوامی كێشەكە كوژراوێكی تر زیاد بوو، بە ناوی ( ش ع ق ) لە دایك بووی ساڵی  ١٩٨١ پیشەی پۆلیسی فریاكەوتنی رانیە، راید سەعدوون گووتیشی "  هۆكاری ئەم كێشە دەگەریتەوە بو ساڵێك بەر لەئێستا ئەم دوو بنەماڵەیە بە شەر هاتبوون،بۆیە دوسیەی لیكوڵینەوە ئەو كات كراوەتەوە لە پۆلیسی رەواندز وە فەرمانی دەست گیركردن بۆ كوژراوی ئەمرۆ.( ن ش ق ) بەڵام بە هۆی دیار نەبوونی شوێنی نیشتەجێ بوونی دەست گیر نەكرابوو، ئەمرۆ لە گوندی گەرەوان (ح. ع.) خۆیو كوڕەكانی (ب. و. ك) هەڵسان بە كووشتنی (ن ش ق و ش ع ق.)   دادوەر فەرمانی گرتنی بۆ( ح ع.)  كورەكانی بەناوی (ب ح. و ك ح ) دەركردووە،  تاكو ئێستا كێشەكە بەردەوامە وە هێزەكانی پۆلیس و ئاسایش لە شوێنی رووداوەكەن لە زانیاری زیاتر ئاگادارتان دەكەینەوە.