Share on facebook
بەرێوەبەری بنكەی گەشتووگوزاری رواندز: نۆژەنكردنەوەی بێخال وای كردوە كە زۆرترین رێژەی گەشتیار لە خۆ بگری
شەممە, 01 ئەیلول 2018 18:26

 

 

 

لەرۆژانی جەژنی قوربان گەشتیارێكی زۆر بەمەبەستی بەسەربردنی كاتێكی خۆش روویان لە هاوینەهەوارو شوێنە گەشتیاریەكانی سنووری قەزای رواندزكردووە ، وەك بەرێوەبەری بنكەی گەشتووگوزاری رواندز چیایی محەممەد حەسەن لەم دیمانە تایبەتیەی زاری كرمانجی ئاماژەی بۆدەكات لەسەر هاتنی رێژەی گەشتیاران و دەڵێت لە چوار رۆژی جەژن نزیكەی چل هەزار گەشتیار روویان لە سنووری رواندز كردوە ، چیایی محەممەد حەسەن بەم جۆرە وەڵامی پرسیارەكانی داینەوە .

دیمانە : محەممەد مەحموود – رواندز

ژمارەی گەشتیاران چەند بووە كەهاتوونەتە ناوچە گەشتیاریەكانی سنووری رواندز؟

لە یەكەم رۆژی جەژن تا كۆتا رۆژی جەژن نزیكەی ٤٠ هەزار گەشتیار سەردانی سەیرانگا و شوێنە گەشتیاریەكان

ی سنور

ی قەزای رواندزیان كردوە بە تایبەت بێخال و هەوارگەی پانكی گەشتیاری و ناحیەی وەرتێ

بە شێوەیەك كە تەواوی موتیل و هوتێل و خانوە گەشتیایەكەنی ناو رواندز پڕ بوبوون لە گەشتیار وە جولەیەكی بازرگانی باش لە بازاری رواندز دروست بوبوو.

زیاتر گەشتیاران لەكوێ هاتبوون؟

زۆرترین گەشتیاری رووی لە سنوری ئێمە كردوە هی باشور و ناوەراستی عێراق بونە، كە بەشێوەی گروپات و سەیارەی تایبەتی خۆیان هاتوون

وە خەڵكی هەرێمیش لە هەموو پارێزگاكان سەردانی ئەم سنورەیان كردوە، بەڵام رێژەی هەرە زۆری گەشتیاری عەرەبی باشور و ناوەراستی عێراقن.

گەشتیارەكان شەوماونەتەوە ؟

بەڵێ خەڵكێكی زۆر ماوەتەوە بۆ چوار شەو یاخود زیاتر بە جۆرێك زۆربەی شوێنەكان پڕ بووبون لە گەشتیار.

كێشەی شوێنیان نەبووە بۆمانەوەی گەشتیاران؟

كێشەیەكی وامان نەبوە لە رووی مانەوە ، چونكە ئێمە لە پال هوتێل و موتێل چەندین خانوی ئامادەكراوی گەشتیاریشمان هەیە.

بێخاڵ لەدوای دەستكاریكردن و فراوانكردنی ئێستا گەشتیاری زیاتر لەخۆ دەگرێت ؟

بەڵێ نۆژەنكردنەوەی بێخال وای كردوە كە زۆرترین رێژەی گەشتیار لە خۆ بگری ،ژمارەی چێشتخانەكان و گەراج و كەپر و شوێنی حەوانەوی گەشتیاران بۆتە دوو بەرامبەری جاران.

بەراورد بەجەژنی رەمەزان رێژەیی هاتنی گەشتیاران زیاتر بوو یان كەمتر؟

ڕێژەی هاتنی گەشتیاران لەو جەژنە زیاتر بوو لە چاو جەژنی رەمەزان ، چونكە پشو بوو لە ناوەندەكانی خوێندن وە رێگای پردێ كرایەوە وە كەفیل لەسەر هاتنی گەشتیاران هەڵگیرا ،خەلكێكێ زۆریش بە ئۆتۆمبێلی تایبەتی خۆی هاتوە بۆ ناو هەرێم.

زیاتر گەشتیاران روویان لەكوێ دەكرد؟

زۆرترین گەشتیار لە سنوری ئێمە رویان لە بێخال و هەوارگەی پانك و سەیرانگاكانی ناحیەی وەرتیان كردوە.

نرخەكان بەرزنەبووبونەوە لەشوێنە گەشتیاریەكان یان وەك خۆیان بوون ؟

نرخەكان وەك پێشو بووە.

چاودێری شوێنەكانتان دەكردلەرووی نرخ و خزمەتگوزاریەوە؟

ئێمە بە هاوكاری لەگەڵ لیژنەكانی بەرێوبەرایەتی گەشت و گوزاری سۆران بەردەوام رۆژانە سەردانی شوێنە گەشتیاریەكانمان كردوە وە چاودێری نرخ و پاك و خاوێنی شوێنە گەشتیاریەكانمان كردوە.

بازاڕ كراوەبوو بۆئەوەی گەشتیاران بتووانن پێدوایستی دابین بكەن ؟

لە رێگای لیژنەی ئابوری قائیمقامیەت بەردەوام لەسەر هێل بوینە بۆ ئەوەی هەمو پێداویستیەكانی گەشتیاران لە بازاری رواندز فەراهەم بكرێ وە دوكان و فرۆشگا پێویستەكان بە درێژای رۆژانی جەژن كراوە بوونە.

كردنەوەی ڕێگای هەولێر كەركووك بەرلەجەژن كاریگەری هەبوو بۆبەرزبوونەوەی ڕێژەی گەشتیاران ؟

بە دڵنیایەوە ئەو رێژە زۆرەی هاتنی گەشتیارهۆكاری سەرەكی كرانەوەی رێگای هەولێر كەركوك بوە، لەگەڵ  ئەو كار ئاسانیەی حكومەتی هەرێم كردویەتی بۆ هاتنی گەشتیاران لە بازگە و هەڵگرتنی كەفیل لەسەر گەشتیاران.