Share on facebook
نەخۆشخانەی لەدایكبوون و منداڵانی سۆران ئاسانكاری بۆ هاووڵاتییان دەكات
یەک شەممە, 09 ئەیلول 2018 19:31

زاری كرمانجی-سۆران: بەڕێوەبەرو كارمەندانی نەخۆشخانەی لەدایكبوون و منداڵانی سۆران، لە بەشی لەدایكبوون  (بیان ولادە) لە ئاسانكاری زیاتر بۆ هاووڵاتییان ده‌كه‌ن.

رێزان محەمەد، بەڕێوەبەری راگەیاندنی نەخۆشخانەی لەدایكبوون و منداڵانی سۆران، بە زاری كرمانجی راگەیاند: "وەك ئەركی هەمیشەییان كارمەندانمان بەو پەڕی دڵسۆزی و خۆنەویستیەوە لە ڕایی كردنی كارەكانی هاووڵاتیان بەردەوامن، یەكێك لەو بەشانەش تۆماری لە دایك بووانە، پێشتر لەم بەشەدا دوو ڕۆژ ناوی لە دایكبوان (بیان ولادە) تۆمار دەكرا، بەڵام بۆ زیاتر خزمەتكردنی و بەر ژەوەندی هاوڵاتییان رۆژانی تۆماركردنی لەدایكبوون زیادكران". گووتیشی: "وەك ئاسانكاریەك و زیاتر خزمەتكردن بە هاووڵاتییان، لەلایەن دكتۆرە (مهاباد دلاوەر) بەڕێوەبەری نەخۆشخانەكەمان، بڕیاریاردرا سێ ڕۆژ ناوی لە دایكبوان (بیان ولادە) واتە لە رۆژانی (یەكشەممە، دووشەممە، سێشەممە) تۆمار بكرێت، دەستخۆشیش لە خاتوو (زارا مه‌جید) بەرپرسی بەشی لەدایكبوون و كارمەندانی بەشەكە دەكەین، بۆ رایكردنی ئیش و كاری هاووڵاتییان.