ژیاننامەی شەهید هاشم عزیز مێروزی
چوار شەممە, 12 ئەیلول 2018 08:12



بەرەڤان شاكر سلێمان لاچ- سۆران.

هاشم كوری گەورەی عزیز ئەحمەدە، لە پایزی ساڵی ١٩٢٥ لە گوندی مێروزی سەر بە عەشیرەتی مزوری لە دەڤەری بارزان لە دایك بووە، وەك هەر لاوێكی تری كوردستان سەرەتای ژیانی لاویەتی خۆی بە كشتوكاڵ و ئاژەڵداری بەرێ كردووە، لە ژێر كاریگەری و هەستی بەرزی نەتەوەی دوای دەست پێكردنی شۆرشی دووەمی بارزان بە سەركردایەتی بارزانی نەمر، هاشم مێروزی لە ساڵی ١٩٤٥ پەیوەندی بە رێزەكانی شوڕەشەوە دەكات و چەكی شەڕەف لە شان دەكات. كەسایەتی ‌هاشم مێروزی و جوامێری و مەردایەتی و ئازایەتی وای كردبوو هەر زوو ‌هاشم مێروزی ببێت بە كەسێكی خوشەویست لای پێشمەرگەكان و بارزانی نەمر،هاشم مێروزی كەسێكی نزیك بارزانی نەمر دەبێت و بڕوا پێكراوی بارزانی بووە، دوای گوڕانكاریەكان و بە جێ نە گەیاندنی بەڵێنەكان لە لایان حكۆمەتی عێراق و تێكچونی پەیوەندیەكانی نێوان شوڕەش و حكۆمەتی عێراق، شورەشی ئەیلول بە سەركردایەتی بارزانی نەمر دەست پێكرد هاشم مێروزی پەیوەندی بە بارزانی نەمر دەكات و بە فەرمانی بارزانی نەمر دەبێتە جێگری بەرپرسی فەرماندەی پێشمەرگەی شۆڕەش لە دەڤەری بەرواریا، هەر زوو بە هوی جوامێری و مەردایەتی و ئازایەتی جێ پەنجەی خۆی لە دەڤەری بەرواریا دەكاتەوە و دەبێتە نوێنەری بارزانی نەمر لە دەڤەری بەرواریا، هاشم مێروزی وەك هەڵویەكی كوردستان لە هەر ناوچەیەكی بەرواریا  شەڕ دەستی پێكردبا بەشداریەكی كارای دەكرد و بە خۆی و بڕنویە دارشوشەكەی دۆڵ و نەهالی پڕ دەكرد لە دەنگی سەركەوتن.

لە ساڵی ١٩٦٥ لەسەر فەرمانی بارزانی بە مەبەستی كاروباری شۆرش دەچێتە شاری ڕانیە و لەوێ دەبێتە نوینەری بارزانی نەمر،  هەر وەك پێشمەرگەكانی دەڵێن'' هاشم مێروزی كەسێكی كۆمەڵایەتی و سادە و ڕۆح سوك و دەم بە خەندە بوو، هەردەم دەستێك پەشمبەرگویزی كوردەواری بەژنە بەرزەكەی هاشمی داپوشی بوو، تاخمێك فیشەك و بڕنویەكی لە شان بوو، وەك هەڵویەك كەوا هێرش بكرێتە سەر هێلانەكای ئامادە بوو بۆ بەرگری كردن لە كوردستان، بۆ هاشم مێروزی جیاوازی نەبوو لە كوێ یە بۆ ئەو گرنگ بۆ بتوانێت گورزی گەورە لە دوژمن بدات، نەهێلێت كوردستان داگیر بكەن، خزمەت بە نیشتمان بكات و كوردستان لە دوژمنان بپارێزێت، ئەو بەشداری زۆر داستانی گەورەی كردووە وەك(عەین زالە، بارزان، سێمێل، زاویتە...هتد)''.

دوای ئەوەی هاشم مێروزی لە چەندین شەڕدا گورزی گەورە لە سوپای عێراق دەدات ، حكومەتی عێراق بڕیاری كوشتنی هاشم دەردەكات  و بەو مەبەستەش ژمارەیەكی زۆری سەرباز بە فەرماندایەتی(سەعید حەمۆ)دەنێرنە گوندی پراڤی لە دەڤەری بەرواریا، دوای شەڕێكی دەستە و یەخە شكەست بەو پلانەی حكۆمەتی عێراق دەهێنن، هاشم مێروزی و هەڤاڵانی لەو پلانە رزگار دەبێت، هەر وەك سەعید حەمۆ لە كتێبی بیرەوەریەكانیدا نوسیویەتی''من چەندین ساڵ فەرماندەی سەربازی بوویمە، لە چەندین خولی بەرزی سەربازی راهێنانم كردووە، بەڵام هاشم مێروزی لە شەڕی گوندی پراڤی گورزێكی گەورەی لە ئیمە دا، بوویە لە هەر كوێ بی بینم سڵاوی سەربازی بۆ دەكەم لە هەمبەر ئەو لێهاتوویەیدا.

ئەیوب هاشم كوری گەورەی هاشم مێروزی دەڵێت'' باوكمان گەورەترین فێرگە بوویە بۆ ئێمە، هەر لە تەمەنی لاویەوە من و براكانم پەیوەندیمان بە شورەش كردووە ئەمەش لەبەر ئەوەی لە ژێر كاریگەری باوكمان كەوتبووینە ژێر هەستی بەرزی نەتەوەیدا، باوكمان جیاوازی نەدەكرد لە نیوان من و براكانم لەگەڵ پێشمەرگەكانی تر ئەو زۆر جوامێر و ئازا و چاونەترس بوو، نموونەی ئازایەتی بوو''.

لە ساڵی ١٩٦٥ لەسەر فەرمانی بارزانی نەمر هاشم مێروزی دەبێتە فەرماندەی هێزی پێشمەرگەی شۆڕەش لە دەڤەری مزوری باڵا، هێزەكەی هاشم مێروزی لەسەر فەرمانی بارزانی نەمر، دەبوایە خۆی بگەینیتە ناوچەی ئەتروش لەوێ هێزێكی زۆری سەربازی عێراقی بە تانك و فرۆكە هێرشیان كردە سەر سەری ئەتروش، هێزەكەی هاشم مێروزی ئێوارەی هەمان رۆژ دەگەنە ناوچەكە و رێگە نادەن دوژمن چیتر بچیتە پێشەوە و بەوەش رازی نەبوون بەڵكو تا بەرەبەیان تەواوی سەربازە عێراقیەكانیان راونان و توانیان داستانێكیی تر تومار بكەن، لەم داستانە مەزنەدا هاشم مێروزی بە سەختی بریندار دەبێت و تاكو نیوەری رۆژی دواتر دڵە گەورەكەی هەلۆی چیایەكانی كوردستان لە كار دەكەوێت و دەگات بە كاروانی شەهیدان تەرمەكەی لە گورستانی گوندی حەسەنەكا دەنێژرێت و دوای ٤٥ ساڵ خیزانەكەی گۆری شەهیدی فەرماندە دەدوزنەوە.

لە كوتایدا بنەماڵەی شەهید هاشم مێروزی وتیان"ئێمە سەربەرزین بەو خەبات و ماندوبونەی شەهید هاشم و بنەماڵەكەمان، هاشم مێروزی تاكە شەهیدی بنەماڵەكەمان نیە بەڵكۆ دوو كوری هاشم مێروزی بە ناوەكانی حسێن و سادق شەهیدی رێگای رزگاری كوردستانن، خۆمان بە خۆشحاڵ دەزانین كەوا بەرهەمی

رەنج و مندووبوون و خوێنی شەهیدانمان بە فیڕو نەچوویە وئازادی و ئاوەدانی و خۆشگوزەرانی لێ بەرهەم هاتووە، هیوا خوازین كوردستان هەر گەشاوە بێت و وڵات ئاوەان بێت''.