Share on facebook
بەڕێوەبەری پەروەردەی چۆمان دەگۆڕدرێت
چوار شەممە, 12 ئەیلول 2018 21:45

زاری كرمانجی: بەڕێوەبەرایەتی گشتی پەروەردەی هەولێر، بڕیاری گۆڕانكاری لە پۆستی سێ بەڕێوەبەری پەروەردەی سنووری پارێزگای هەولێر دەدات، لەناویشیاندا یەكێكیان بەڕێوەبەری پەروەردەی چۆمانە.

لە نوسراوێكی بەڕێوەبەرایەتی گشتی پەروەردەی هەولێر،  ئاماژە بەوەكراوە، كە هەریەك لە بەڕێوەبەری پەروەردەكانی (مەخمور، خەبات، چۆمان) لەبەرئەوەی ماوەی (4) چوار ساڵ، خزمەتیان تەواوكردووەو گۆڕانكاری لەو پۆستانە دەكرێت، هەركەسێك مەرجەكانی تێدا بەدی دەكرێت، مافی پێشكەش كردنی هەیە".

ئاماژەش بەوەش دراوە كە پێویستە ئەو كەسەی كە داواكاری پێشكەش دەكات، لە بڕوانامەی بەكالۆریۆس كەمتری نەبێت، هەروەها خزمەتی كرداریی (10) ساڵ كەمتر نەبێت و لەرووی جەستەوە لەش ساغ و تەندروست بێت و هیچ جۆرە سزایەكی ئاراستە نەكرابێت.