گەنجێكی سۆران فڕۆكەی (ئێف 16) دروست دەكات
چوار شەممە, 12 ئەیلول 2018 21:56

زاری كرمانجی-دیانا: كوڕەگەنجێكی دەڤەری باڵەكایەتی دانیشتووی شاری سۆران، لە بارچە تەقەمەنییەكان و چەند كەرستەیەك، هاوشێوەی فڕۆكەی (ئێف 16) و چەند فڕۆكەیەكی دیكەی جەنگی دروست دەكات.

خالید حەمەد عەبدولڕەحمان، دانیشتووی شارۆچكەی دیانا، لەشاری سۆران،رایگەیاند: " پیشەم دوكاندارەو لە كاری دەستڕەنگینی و پیشەوەریش تا راددەیەك شارەزایم هەیە، بۆ ئەم مەبەستە ئەوكاتانەی كە بوارم بۆ دەڕخسێت دەمەوێت شتێك دروست بكەم و هەرگیز كاتەكانم بە فیڕۆ نەدەم، وەك دیاریشە فڕۆكەی (ئێف 16)ی جەنگی ناوبانگی زۆری دەركردووە لە جیهان، هەربۆیە بیرم لەوەكردەوە كە بە فیشەك و پارچە تەقەمەنییەكان، ئەگەرچی بە قەبارەش بچوك بێت، هاوشێوەی ئەو جۆرە فڕۆكەو چەند جۆرە فڕۆكەیەكی دی جەنگی دروست بكەم".

ئەو كوڕە گەنجە ئەوەش دەخاتەروو: "ئەم كارەم زۆر بەلام ئاساییە، چونكە ئەگەر بوار هەبێت و كەل و پەلی پێویستم لەبەر دەست بێت، دەتوانم شتی زیاتری دەگمەن و سەرەنج راكێش دروست بكە و بەهیوام لە داهاتوودا پڕۆژەی نوێم هەبێت.