Share on facebook
بەربژێكی ئافرەت بۆپەرلەمانی كوردستان باسی كارو بەرنامەكانی خۆی دەكات
دووشەممە, 24 ئەیلول 2018 07:35

 

 

 

لەنێو لیست و بەربژێەكان بۆپەرلەمانی كوردستان ژمارەیەك لە ئافرەتانیش خۆیان بەربژێركردووە بۆئەوەی بەقسەی خۆیان بتوان بەرگری لەمافی ئافرەت بكەن و بتوان ئەوپرۆژە یاسایانە دەربچوێنن كە خزمەتی ئافرەتان دەكەن ، بەربژێكی ئافرەت بۆپەرلەمانی كوردستان هۆڤین شیمال هەركی كاندیدی یەكێتی نیشتیمانی كوردستان لەسەرلیستی 105 ،لە دیمانەێكی تایبەتی هەفتەنامەی زاری كرمانجیدا ، وەڵامی چەندپرسیارێك دەداتەوە .

هەڤپەیڤین: محەمەد باڵەك

*تۆ وەك تاكەئافرەتێك لەنێو هۆزی هەركی لە سەر لیستی یەكێتی خۆت كاندید كردووە ئایا هیچ بەر بەستێكت بۆ دروست نەكرا؟

- هیچ بەربەستێكیان بۆدروست نەكردووم، بەڵكو هاوكارو پاڵپشتم بوون بۆ ئەم پرسە تیمەكانم بەشەوو رۆژ كارم لەگەڵ دەكەن، بەڵام بەداخەوە ئەوەی نیگەرانی كردم ئەویە كە پۆ ستەرەكانمیان دراندوون پۆ ستەری تریان لەسەر پۆستەری من داوە، ئەگینا وەك بەر بەست هیچ كێشەو ئاریشەم بۆ دروست نەبووە.

*بەرنامەتان چیە بۆ بەرەنگار بووەنەوەی توندو تیژی دژی ئافرەتان؟

- هەوڵ ئەدەین ئافرەت لەكۆمەڵگای داخراوەوە بهێنینە كۆ مەڵگای كراوە، دەبێ ئافرەت بۆی روون بكرێتەوە كە ئازادی‌و مافی ئافرەت چیە، وە هەوڵ دەدوین رێنیشاندەری ئەو ئافرەتانەش بین كە بەهەڵە لە مافی ئافرەت گەیشتوون، وە كار دەكەین بۆ گەیاندنی ئەو ئەركانەی لەسەر شانمانە وەك ئافرەت بیگەیێنن بەخەڵك ‌و ئەو یەكسانەیەی نێوان پیاو ئافرەت نەهێڵین نە مافەكانی ئێمە نەمافەكانی بەرامبەرمان بخورێت.

*ژمارەیێكی زۆری دەرچووی زانكۆو پەیمانگا هەن دانەمەزراون، چیتان لەبەر نامەدایە بۆ ئەوان؟

- بەرنامەو پرۆگرامی ئێمە بەگشتی بریتیە لە هەلی كارو دامەزراندن، لە بانگەشەی هەڵبژاردنیش ئەمەمان بڵاو كردۆتەوە، هەوڵ دەدەین ئەم پڕۆژانەی وەستاون سەر لەنوێ بكەونەوە كارو خەڵكی بێ كار دابمەزرێن.

* چیتان لەبەرنامە دایە بۆ بریندارانی شەری داعش و كەس‌وكاری شەهیدان؟

- ئێمە هەموومان قەرزاری پێشمەرگەو كەس‌وكاری شەهیدانین، بۆیە یەكێك لە كارەكانم خزمەتكردنە بە برینداران ‌و كەس‌و كاری شەهیدان، هەوڵی باشكردنی بژێوی ژیانی كەس‌و كاری شەهیدان‌و كەم ئەندامان‌و هێزی ناوەخۆ‌و پاسەوانەكان دەكەم.

* چی دەكەن بۆ بەرنگار بوونەوەی گەندەڵی؟

- نكۆڵی لەوە ناكرێت كە گەندەڵی لەسەرجەم دام‌و دەزگاكانی كوردستان هەیە، روو بەرووی هەر گەندەڵێك دەبمەوە لەكوردستان بكرێت، بە جددی كار دەكەین لە سەر نەهێشتنی گەندەڵی لە كوردستان.

* پرۆژەتان چیە بۆ نەهێشتنی كاركردنی مناڵانی تەمەن خوار هەژدەساڵی؟

- هەوڵ ئەدەین ئەم دیاردەیە كەم بكەینەوە، بەدواداچوون بكەین بۆ خێزانی ئەم مناڵانەی كەوا لە سەر شەقامەكان كاردەكەن تابتوانین یارمەتی دەریان بین، چونكە مندااَ دەبێ بخوێنی، فێری مۆسیقا و تۆپی پێ و داهێنان بێت، نەك لەسەر شەقامەكان كار بكات.

*رۆژانە سنورەكانی هەرێمی كوردستان بۆمباران دەكرێن چۆن كار بۆ وەستانی ئەم بۆمبارانانە دەكەن؟

- هەوڵی ئەوە ئەدەین كە نەهێڵین چیتر نەیارانی كورد خاكی پیرۆزی كوردستان ببەزێنن، چونكە ئەم خاكە قوربانی بۆ دراوە و خوێنی لەپێناوی رژاوە، بۆیە بەهەموو هێزمان بەرگری لەخاكی پیرۆزی كوردستان دەكەین.

* چی دەكەن بۆ بوژانەوەی كەرتی كوشتوكاڵ؟

هەوڵ ئەدەین بەرهەمی خۆماڵی زیاتر بەرەو بۆژانەوە بچێت، جوتیارەكان هان ئەدەین بۆ زیادكردنی بەروبوومی خۆماڵی‌و رێگری لەهاتنی بەرهەمە بیانیەكان دەكەین لەكاتی بوونی بەرهەمی خۆمانەدا.

پرۆفایل:

هۆڤین شیمال ناسراو بە هۆنی هەركی، لە ساڵی 1991 لە ئێران  ئۆردۆگای زێوە دایك بووە، قۆناغی سەرەتایی لەهەولێر و قۆناغی ئامادەیی لە سۆران و هەولێر تەواو كردووە، لەبەشی راگەیاندنی سەربازی كاری كردووەو خاوەنی كتێبیكە بە ناونیشانی هۆزی هەركی لەبناری چیا بۆ پێدەشتەكانی شارو چەند رۆمانێك.