Share on facebook
ئاسیا مەغدید بەرپرسی ئەنجومەنی ئافرەتانی قەزای رواندزلەدیمانەێكی زاری كرمانجیدا
دووشەممە, 08 تشرینی یەکەم 2018 06:58

 

 

 

لەدیمانەێكی تایبەتی هەفتەنامەی زاری كانجی بەرپرسی ئەنجومەنی ئافرەتانی قەزای رواندزتیشك دەخاتە سەرچەند بابەتێكی پەیوەست بە كێشەو گرفتەكانی ئافرەتان و كاری رێكخراوی و چەندپرسیارێكی تایبەت بەژیانی خۆی، ئاسیا مەغدید حەسەن لە 21/3/1977 لەقەزای رواندز لە دایك بووە، تا قۆناغی 12 ی ئامادەیم خوێندووە، لەساڵی 1997 هاوسەرگیری كردوە ئێستا خاوەنی چوار منداڵە دوو كوڕ و دوو كچ، لەسالی 1994 پەیوەندیم بە ریزەكانی یەكێتی ئافرەتانی كوردستان كردووە هەتاكو ساڵی 2003 لە ساڵی 2003 وەكوبەرپرسی ناوچەی رواندزی  یەكێتی ئافرتانی كوردستان دەست بەكار بووە، ئیستا بەرپرسی ئەنجومەنی ئافرەتانی قەزای رواندزە.

دیمانە :  عەبدوڵڵاماویلی – رواندز

چۆن بوو بڕیارت دا لە ناو یه كێتی ئافرەتان كاربكەی؟

سەرەتای بیروكەی هاتنە ناوكاری رێكخراوەی ئافرەتان بەشێكی زۆر دەگەرێتەوە بو بنە مالە كەم كە باوكم و مام و براكەم كە ئەوان لە ریزەكانی پێشمەرگەیی خەباتیان دەكردبویە منیش بریارم دا شان بەشانی باوكم و بنە مالەكەم خزمەت بكەم چونكە پێم وایە رێكخراوی یەكێتی ئافرەتان دەتوانی خزمەتێكی زۆر باش پێشكەش بەدوزی ئافرەت بكا لە كوردستان.

لە ئێستادا كێشەكانی ئافرەتان زیاتر چین؟

گرانە بتوانین لێرەدا باسی هەموو كیشە و گرفتەكانی ئافرەتان بكەین، بەڵام بەگشتی كێشەكانی ئافرەتان لەكوردستان توندو تیژیە كە زۆر جار بەهوی كلتورو كومەڵگاو هەندئ جاریش ئافرەت خودی خۆی هۆكارە بۆ ئەنجام دانی توندوتیژی بەرامبەر بەخۆی وە تەكنە لۆژیاو ئینتەرنێتیش بەدورنین بۆ دروست كردنی كێشە بۆ ئافرتان ، بەهۆی خراپ بەكار هێنانی لەلایەن هەندێك كەس كە بەداخەوە زۆر جار كارەساتی جەرگ بری بە دوای خۆی هێناوە، ئەمەش دەگەرێتەوە بۆناهۆشیاری ئەو كەسانەی كەخراپ بەكاری دەهێنن.

ساڵ بە ساڵ كێشەی ئافرەتان لەم سنوورە كەمی كردووە یان ڕووی لە زیادبوونە؟

ناتوانم بەدیاری كراوی بڵێَم بەڵام بەپێی ئەو ئامارانەی ساڵانە تۆمار دەكرێن ، دەگۆرێن بەڵام ئێمە هەموو كات لە هەوڵی كەم كردنەوە و رێگرتنین لە روودانی توندو تیژی دژی ئافرەتان وەبەردەوامیش دەبین.

ئاستی ڕۆشنبیری پیاوانی ڕواندز چۆنە دەبینی لە بەرامبەر ئافرەتان؟

لەراستیدە لەهەموو شوێنێك كەسی باش و خراپ هەیە بەلام بەبۆچونی من هەتا رادەیەكی زۆر باش پیاوان هاوكاری ئافرتانن لەرواندز بەڵگەش بۆ ئەوە چەندین ئافرەت لە رواندز خاوەن كاری خۆیەتی لەدام و دەزگاكان وەتەنانەت لە شوێنە تایبەتەكانیش كەئەمەش ماییەی خۆشحالیە

ئاستی خوێندەواری ئافرەتانی ئەوسنوورە چۆنە بەراود لەگەڵ شوێنەكانی تر؟

دەتوانم بڵێم لە قەزای رواندزیش وەك زۆربەی شوێنەكانی تر، ئافرەتی وای لێ‌ هەڵكەوتوە، كە جێگای شانازی ئێمەن لەهەموو بوارەكان بەتایبەتی لەبواری خوێندن، وەك دەرچوانی زانكۆ و پەیمانگاو ماستەر و دكتۆرا.

پەیوەندیت چۆنە لەگەڵ ئەنجومەنەكانی تری ئافرەتان؟

ئێمە وەكو یەكێتی ئافرتان پەیوەندیێكی بەهێزمان هەیە لەسەر ئاستی مەكتەبی سكرتاریەت و سەرجەم ئەنجومەنەكانی تر بەتایبەتی ئەنجومەنی قەزای سۆران و مێرگەسور و چۆمان و كۆیە.

ئایا كێشەیەك یاخود بەسەرهاتێك لە نێوان دووكەس ڕوویداوە زۆر پێ نیگەران بووبی؟

ئێمە لە كاتی كارەكانمان هەموو جۆرە حاڵەتێك دەبینین بەڵێ‌ كێشەی وامان هەبوە، بەڵام سوپاس بۆ خوا توانیومانە چارەسەری بكەین.

زیادبوونی ڕێكخراوەكان و بە ڕێوەبەرایەتی و نوسینگەكانی تایبەت بە ئافرەتان تاچەند بە گرنگ دە زانی؟

بەڵێ‌ بونی دام و دەزگاو رێكخراو هەموو ئەو لایەنانەی لەبواری ئافرەت كار دەكەن، گرنگە هەبێت بەڵام لەوە گرنگتر ئەوەیە كە ئەو دام و دەزگاو رێكخراوانە بتوانن خزمەت بە دۆزی ئافرەت بكەن.

وەكو بەرپرسێكی ئافرەتان تاچەند لەگەڵ فرەژنیدای؟

ئەگەر پیاو بتوانیت سەد لەسەد مافی هاوسەرەكانی بەبێ‌ جیاوازی بدات باشە، بەڵام پیاوان دەتوانن هەموو مافەكان بەیەك سانی بدەن بە ئافرەتان پێم وایە كارێكی ئەستەم بێت بویە من لەگەڵ خورانی مافی هیچ ئافرەتێك نیم تەنانەت ئەگەر ئافرەتێكی تریش هۆكاربێت.

حەز لە چ بوارێكی ژیان دەكەی؟

ژیان وەك كەشتیەك وایە كە سوكناكەی لەدەستی ئێمە نیە بۆیە نازانین لە چ كەنارێك ئۆقرە دەگرێت بۆیە زۆر جار هەندئ ڕوداو بە بئ ویستی خۆمان ڕودەدەن منیش وەكو هەموو مرۆڤێك ئاواتی خۆمم هەبوە لەژیان بۆ هاتنە دی خەونەكانم

ئایا لە خواردن دروست كردن و ئامادەكردن چۆنی؟

من سەرەڕای كاری رێكخراوەیم و كاری مال بەرێوە بردن ئەوانەش ماندو بوونی زۆری دەوئ بەلام توانیومە بەلانسی كارەكانم ڕابگرم وەهەموو جۆرە خواردنێك تەنانەت شیرینیش ئامادە دەكەم

زیاترحەز بە چ خواردنێك دەكەی دە ڵێن ڕواندزیەكان زۆر حەز بە كفتە دەكەن وایە؟

شارەكانی كوردستان زۆربەیان بەخواردنێك بەناو بانگن ، بەڵَێ‌ رواندزیەكان حەز بەكفتە دەكەن لەبەر ئەوەی كفتەی رواندز تامێكی تایبەتی هەیە خۆشم حەز بەكفتە دەكەم.

لەگەڵ وەرزەكانی ساڵ چۆنی زیاتر حەز بە چ وەرزێك دەكەی؟

سوپاس بۆ خوا كوردستان خاوەن چوار وەرزی ساڵە كە هەریەكەو خۆشیەكی تایبەتی هەیە، بەڵام من زیاتر حەز بە وەرزی بەهار دەكەم.

ئایا هاوسەرت تاچەند هاوكاریت دەكات لە ڕایكردنی كاروباری دەرەوەدا ؟

لێرەوە دەمەوێت سوپاسی بنەماڵەكەم و هاوسەرەكەم بكەم، كەهەمیشە پاڵپشتی منیان كردوە بۆ كارەكانم

لە كۆتایی هیوا و ئاواتت چیە بۆ ژیان؟

ژیان واتا خەون و ئاوات ،كە مرۆڤ هەوڵ دەدات بیان كات بەراستی منیش ئاواتم زۆرە لەوانە كوردستان ببینم ببێت بە وڵاتێكی سەربەخۆو ئازاد، ڕێژەی توندو تیژی دژی ئافرەتانی كورد بەرادەیەك بێت كە شایەنی باس كردن نەبێت.