Share on facebook
مامۆستایەكی زانكۆ لەسەر ئەركی خۆی ژمارەیەكی پەرتووكی پرۆگرامی بەسەر قوتابیان زانكۆكان دابەشكرد
دووشەممە, 03 کانونی یەکەم 2018 07:37

 

كارزان كانەبى- زارى كرمانجى – هەولێر

پەرتووكی چەمكی مافی مرۆڤ كە پەرتووكێكی پرۆگرامی خوێندنە لە ژمارەیەك لە كۆلیژ و پەیمانگاكانی كوردستان لە لایەن مامۆستا رۆژگار شێخانی مامۆستای زانكۆ ئامادە كراوە، وەكو ئەركێكی نیشتمانی و خزمەت كردن بە قوتابیانی زانكۆ و پەیمانگاكان ژمارەیەكی زۆر لەم پەرتووكە بەسەر قوتابیان دابەشكرد، لەم بارەشەوە مامۆستا رۆژگار شێخانی ئەوەی بۆ زاری كرمانجی ئاشكرا كرد گوتی" لە ماوەی رابردوو لەسەر ئەركی خۆم ژمارەیەك پەرتووكی پرۆگرامیم بۆ چەند كۆلێژ و پەیمانگایەك لە سنوری هەردوو وەزارەتی خوێندنی باڵا و پەروەردە دابین كرد، ئەمەش بەمەبەستی كار رایی و ئاسانكاری بۆ قوتابیانی خۆشەویست بووە لە پەرتووكەكانیشم بۆ هەریەك لە كۆلێژەكانی زانستە سیاسیەكان و ئاداب بە شەكانی كۆمەڵناسی و كاری كۆمەڵایەتی و فەلسەفە ، وە كۆلێژی پەروەردەی بونیاد بەشی زانستی كۆمەڵایەتی و پەیمانگای كوردستان بۆزانستی كۆمپیوتەر بووە، ئامانجیشم لەم كارە تەنیا خزمەت كردن بووە بۆ ئەوەی بتوانین ئەم پەرتووكە بگەینینە دەستی زۆرترین قوتابی  ئەوانیش سوودێكی لێ ببینن،بەرنامەی ئەوەمان هەیە كە لەداهاتوو كاری باشتر و زیاتر ئەنجام بدەین بۆ خزمەت كردنی زیاتری قوتابیان لە كۆلێژ و پەیمانگاكان.