Share on facebook
كۆنترین قوتابخانەی ئاشوریەكان پێویستی بە نۆژەن كردنەوەیە
چوار شەممە, 19 کانونی یەکەم 2018 07:44

محەمەد ئامۆكەیی _ دیانا

قوتابخانەی ئاشوربانی بنەڕەتی سریانی و ئامادەیی تێكەڵاو لە ناحیەی دیانای سەر بەقەزای سۆران، زیاتر لە ساڵێك دەبێت بەشێكی بینای قوتابخانەكە بەهۆی كۆنی و هاتنی ئاوی زێرابەكان دەرز بردوە، ماموستایانی قوتابخانەكەش ناچار بوونە ئەو قوتابیانەی پێشتر لەو بەشەی كە ئێستا دەرزیان بردوە بگوازنەوە بۆ كۆگاو هۆلی قوتابخانەكە، قوتابیان و ماموستایان لە رێگەی زاری كرمانجی داوادەكەن هەرچی زووە خەمێك لە كۆنترین قوتابخانەی ئاشوریەكان بدەنەوە لە دەڤەرەكە بەپێی قسەی ماموستایێك هۆكاری نۆژەن نەكردنەوەی قوتابخانەكە دەگەڕێتەوە بۆ لێك تێ نەگەیشتنی نێوان قەشەی دیاناو بەڕێوەبەرایەتی پەروەردەی سۆران.

ئیڤان جانێ ماموستا لە قوتابخانەی ئاشوربان بۆ زاری كرمانجی دەڵێت" پار ساڵ دوای هاتنی بومەلەرزەكە، قوتابخانەكەمان چەند دەرزێكی گەورەی بردوو دەست بە جێ بەڕێوەبەرایەتی پەروەردەی سۆران و كەنیسەمان ئاگادار كردنەوە، لەوەی كە قوتابخانەكە مەترسی روخانی لەسەرە لەبەر ئەوەی ئەو قوتابخانەیە موڵكی كەنیسەی دیانایە بۆیە كەنیسەمان لێ ئاگادار كرەوە، دواتر پەروەردە لیژنەێكی پێك هێناو سەردانی قوتابخانەكەیان كردو بڕیاری ئەویان دا نۆژەن بكرێتەوە، دەست بەكارەكە كراو  سەیرمان كرد ئەو كارەی پەروەردەی سۆران دەیكات وەك پێویست نیە، وەك دەستەی ماموستیان ناچار بووین دووبارە كەنیسە ئاگادار بكەینەوە، ئەوانیش پڕۆژەكەیان راگرت، ئەو ماموستایە زیاتر گووتیشی" قسەم لەگەڵ ئەندازیاری پەروەردەی سۆران كردوە لەسەر ئەم گرفتە ئەو دەڵێت" گوژمەی ئەو پارەیەی تەرخان كراوە بڕەكەی كەمەو سەرووی سێ ملیۆن دینارە، لە تەندەری دەووم نزیكەی (7) هەزار دۆلارە، كەچی بەڕێوەبەری پەروەردی سۆران دەڵێت" پارەی نۆژەن كردنەوەی قوتابخانەی ئاشوربان 12ملیۆن دیناری بۆ تەخان كراوە و ئێمە سەروی خۆمان ئاگادار كردۆتەوە لەوەی كە بڕەكەی كەمەو داوای 6 ملیۆنی ترمان كردوە بۆ ئەوەی ئیشەكە جوانتر بكرێت، سەرمان لێشێواوە كامە ژمارە هەڵەیەو كامەی راستە، بۆیە تەواو نەكردنی ئەو پڕۆژەیە دەخینە ئەستۆی پەروەردەو كەنیسە لەبەر ئەوەی ئەوان ئەگەر كێشەیان هەیە ناكرێت ئێمەی ماموستاو قوتابی ببینە قوربانی نێوانیان، دەخوازین هەرچی زووە پەلە بكرێت لە نۆژەن كردنەوەی ئەو قوتابخانەیە ئەگەر وابڕوات ئەو ژورانەی ماوشن مەترسیان لەسەر دروست دەبێت و بە روخانی قوتابخانەكەش شوێنێكی مێژوی و كۆنی ئاشوریەكان لەم سنورە لەناو دەچێت.

نرگال سلڤانۆس قوتابیە گووتی" نزیكەی 80 قوتابی دەبین لە ترس و دڵەراوكێ دەخوێنین لەبەر ئەوەی بەشێكی بەرچاوی قوتابخانەكەمان دەرزی بردوەو ناچاراین لە ژوری كۆگاو تاقیگە خوێندن بخوێنین، ئەوەش بۆتە گرفت بۆ ئێمەی قوتابی ناكرێت لەنێو ئەو ژورانە كە كەل و پەلی تیایە خوێندن بكەین، لە لایێكی تریش ترسی ئەوشمان هەیە ئەو بەشەی كە خوێندی تێدا دەخوێنین بڕوخێت، بۆیە داوا دەكەین سەر لە نوێ بە شێوازێكی سەردەمیانە قوتابخانەكەمان نۆژەن بكرێتەوە لەبەر ئەوەی ئەوندە بە ترس دەخوێنین هەندێ جار مێشكان شت وەرناگرێت و خوێندن وەك پێویست ناخوێندرێت.

لای خۆشیەوە عەزیز سەعید بەڕێوەبەری پەروەردەی سۆران بەزاری كرمانجی راگەیاند" ئەو گوژمەیەی ساڵانە بۆ پەروەردەكەمان دابین دەكرێت لە لایان وەزارەتی پەروەردە بڕەكەی (76) ملیۆن دینارە، لەم بەشە سەرەتا زیاتر لە 3 ملیۆن دینار تەرخان كراو دواتر كردمان بە 16 ملیۆن دینار پەیوەنیدمان بە قەشە ئیترۆن كرد كە قەشەی برا مەسیحیەكانە لە دیانا، دیار بوو ئەوان گوژمەكەیان پێ كەم بوو، لەبەر ئەوەی بینای قوتابخانەكە موڵكی كەنیسیەو خۆی لە كۆمەلگاێك دەبینێتەوە، ئەوەبوو پڕۆژەكە وەستا لەسەر ئەمە پارێزگاری هەولێرمان ئاگادار كردەوە بۆ ئەوەی بتوانن ئەو قوتابخانەیە نۆژەن بكەنەوە، ئێستا چاوەڕێ ئەوانین بتوانین بە زوترین كات دەست بكەینەوە بەو پڕۆژەیە، هەروەها دڵنیای ماموستاو قوتابیانیش دەكەین بەهیچ شێوەیێك مەترسی روخان لەسەر بینای قوتابخانەكە نیەو ئەوانەشی دەڵێن مەترسی هەیە دوورە لە ڕاستی چونكە خۆم لەگەڵ ئەندازیاری پەروەردە چومەتە قوتابخانەكە چاوم بە شوێنەكەو ماموستاو قوتابیان كەوتوە، عەزیز سەعید زیاتر دەشڵێت" ئەم ساڵ توانیومانە زیاتر لەشەش قوتابخانەی تر لە سنوری بەڕێوەبەرایەتی پەروەردەی سۆران نۆژەن بكەینەوە سەرەڕایی قەیرانی دارایی هەوڵەكانیشمان بەردەوام دەبن بۆ خزمەتكردنی پڕۆسەی خوێندن لە دەڤەرەكەمان.