Share on facebook
لەقوتابخانەیەك قوتابییان و مامۆستایان پێش چوونە هوڵەكانی خوێندن وەرزش دەكەن
دووشەممە, 24 کانونی یەکەم 2018 07:29

زاری كرمانجی – رواندز :

بەمەبەستی گرنگی دانی زیاتر بەوەرزش و هەبوونی جەستەێكی تەندروست لەیەكێك لەقوتابخانەكانی شاری رواندز قوتابییان و مامۆستایان رۆژانە بەیەكەوە وەرزشی بەكۆمەڵ دەكەن.

لەم بارەییەوە مامۆستا هاوكار نەسرەدین مامۆستای وانەی وەرزش لە قوتابخانەی ئامادەیی زانستی رواندزی كوڕان بەزاری كرمانجی راگەیاند" لەپێناو گرنگی دانی زیاتر بە وەرزش بەدروشمی خوێندنی باش پێویستی بەجەستەێكی تەندروستە ،  دەستەی كارگێری قوتابخانەكەمان قوتابخانەی ئامادەیی زانستی رواندزی كوڕان بڕیاری داوە هەموو رۆژێك پێش  چوونە هوڵەكانی خوێندن قوتابییان  و مامۆستایانی قوتابخانەكەمان وەرزشی پێشوەختەی بەكۆمەڵ ئەنجامدەدەن .

مامۆستا هاوكار گووتیشی" ئەم شێوازە دەكەینە نەریت و رۆژانە لەسەری بەردەوام دەبین بۆئەوەی قوتابییان و مامۆستایان بەدڵێكی خۆش و ئارەزووی زیاترەوە روولە هۆڵەكانی خوێندن بكەن .