بێ دەنگیت بۆ هێندە كوشندەیە ؟!
دووشەممە, 24 کانونی یەکەم 2018 16:36


نیگا قادر
تۆ چەند بیرۆكەت لەمندا كوشت،
من ژیاریم بە جۆرێكی كە تەفسیرە كرد
چەند جار لە چوون و هاتن شەكەت بووم ،
بێ شەرمیەكان جۆرێكی تر لەسەر جەستەم
ئاوەژوو بوون،
من هێشتاش لە كرۆكی مەحرومیەت تێنەگەشتوم !
هێشتاش، لەو دیوی بێ دەنگیتەوە
بەخۆم دەڵێم ....
سوپاس بۆ ئیلاهی كە هێشتا تۆ هەیت
لە ئاماژەكانی لۆژیك بۆ دێرەكانم
من
خۆم بەهەموو شتێكی دوونیا خەریك كرد
نەم توانی شرۆڤەی
سادەی نەبوونت بكەم!
وشە نەما نەی نوسم،
هەنگاو نەما لئ نەترسم،
كاتژمێر نەما نەی ژمێرم،  
سەدەی بێتامن ئەو هەستانەی لە بێدەنگیت
لەهەژمار نایەن،
دەست دانێم سەر دڵم ، ئەتوانم
كۆڵێك مەرگ و حیكایتت بۆ ڤەگێڕم،
دەتوانم باسی هەژاری و نەبونیت بۆ بكەم !
ئەتوانم هەموو ئەو شیعرانت،
دانە بەدان بۆ بڵێم،
بۆجودای گوتراون،
هەر سەر هەڵ بڕم دەتوانم،
پەرگاڵێكت لە چنگی خوێن و
تەكانی خاك بەدەستی مەرگەوە
بۆ بكێشم،
پرسیار لەنەوەكانی "ئەشكەوت"
بكەم،
چ شتێكە هێندە هاواری
حیكایەتەكەی ئێوە
لەنێوان گوناهی
هەنارەكەی خەزان و
سێوەكەی ئادەم تا
زەمین و ئاسمان نوسیەوە؟
چەند بێ هەژمارن ئەو هەستانەی
لەبیدەنگیت دا،
نانوسرێنەوە .