Share on facebook
پێشمەرگەیەكی كۆماری مەهاباد لە تەمەنی 105 ساڵیدا كۆچی دواییكرد
یەک شەممە, 06 کانونی دووەم 2019 17:22


ئا: ڕائیب شێروانی
كەكشار سلێمان، پێشمەرگەی كۆماری مەهاباد و هاوكات پێشمەرگەی هەردوو شۆرشی ئەیلوول و گوڵان، لە تەمەنی 105 ساڵیدا كۆچی دواییكرد.
كەكشار سلێمان لە ساڵی 1914 لە شارۆچكەی مێرگەسۆر لە دایك بووە و وەكو پێشمەرگەیەكی خۆبەخش بەشداری لە كۆماری كوردستان لە مەهاباد كردووە و لە‌ كاتی بەرگری كردن لە كۆماری مەهاباد دوو برای شەهید بوونە.
دوای گەڕانەوەی بۆ خاكی نیشتمان وەكو پێشمەرگەیەكی چاونەترس و قارەمان بەشداری لە شۆڕشی ئەیلوولی مەزندا كردووە، پاش نسكۆی شۆڕش ئاوارەی ئێران بووە و لەگەڵ یەكەم چەخماخەی شۆڕشی گوڵان چەكی پێشمەرگایەتی كردووەتەوە شان و بەشداری قارەمانانەی شۆڕشی كردووە.
كەكشار سلێمان مێرگەسۆری، وێڕای تەمەنێك قوربانیدان بۆ كوردستان، لە شۆڕشی گوڵاندا كوڕێكی بە نیشتمان دەبەخشێت و شەهید دەبێت.
رۆژی 4-1-2019 دوای تەمەنێك لە خەبات و تێكۆشان لە تەمەنی 105 ساڵیدا و بەهۆی نەخۆشییەوە كۆچی دوایی كرد و لە رێوڕەسمێكی شایستەدا و بە ئامادەبوونی جەماوەرێكی زۆری دەڤەری بارزان، لە گۆرستانی شارۆچكەی مێرگەسۆر بەخاك سپێردرا".