Share on facebook
كەم و كۆڕییەكانی نەخۆشخانەی لەدایكبوون و منداڵانی سۆران گەیاندرانە بەڕێوەبەری گشتی تەندروستی هەولێر
سێ شەممە, 08 کانونی دووەم 2019 20:51

زاری كرمانجی-سۆران: بەمەبەستی چارەسەركردنی كەم و كۆڕیەكانی نەخۆشخانەی لەدایكبوون و منداڵانی سۆران، داواكاری ئاراستەی بەڕێوەبەری گشتی تەندروستی هەولێر كرا.

رێزان محەمەد، بەرپرسی راگەیاندنی نەخۆشخانەی لەدایكبوون و منداڵانی سۆران، رایگەیاند "چەند رۆژێك لەمەوبەر چەند ئەندام پەرلەمانێكی پەرلەمانی كوردستان، لە لیستی پارتی دیموكراتی كوردستان، سەردانی نەخۆشانەكەمانیان كرد، دوای دانیشتن و گفتۆگۆ و بەسەركردنەوەی بەشەكانی نەخۆشخانە، بەڵێنیاندا كە كەم و كۆڕیەكانی نەخۆشخانە بگێنە لایەنە پەیوەندیدارەكان و هەوڵی چارەسەر كردنیان بدەن".

ئاماژەشی بەوەدا: "خۆشبەختانە ئەم ئەندام پەرلەمانانە ئاگاداریان كردینەوە كە رۆژی سێشەممە 8-1-2019 داواكاریەكانی نەخۆشخانەكەمانیان گەیاندوەتە دكتۆر سامان، بەڕێوەبەری گشتی تەندروستی هەولێر و ناوبراو بەڵێنی پێداون كە بەپێی پێویست ئاور لە نەخۆشخانەكەمان بدەنەوەو خزمەتگوزاری پێشكەش بكەن.