Share on facebook
لەزانكۆی سۆران سیمپۆزیۆمی لامەركزیی كارگێڕی لە هەرێمی كوردستان بەڕێوەبردرا
چوار شەممە, 06 شوبات 2019 16:28

زاری كرمانجی-سۆران: بە ئامادەبوونی ژمارەیەك مامۆستاو پسپۆران و بە بەشداری چەند بەرپرسێكی ئیداری و قوتابی و مامۆستایان و میوانان، لە زانكۆی سۆران سیمپۆزیۆمی لامەركزیی كارگێڕی لە هەرێمی كوردستان بەڕێوەچوو.

رۆژی سێشەممە 6-2-2019 لە هۆڵی فاكەكەڵتی زانستیی زانكۆی سۆران، بەشی فاكەڵتی یاسا و پەیوەندییە نێودەوڵەتییەكانی زانكۆی سۆران، لەگەڵ پەیمانگەی كوردی بۆ هەڵبژاردن و ڕاپرسی، سیمپۆزیۆمی (لامەركەزی كارگێڕی لە هەرێمی كوردستان) بەڕێوەبردراو لە دیبتەكەدا لەلایەن ژمارەیەك مامۆستایی پسپۆرو شارەزا، چەند تەوەرێكی گرینگ بۆ ئامادەبوان شیكرایەوەو گفتوگۆی تێرو تەسەلیان لەسەر كرا".

لە دیبەیتەكە تیش خرایە سەر شێوازی بەڕێوەبردی سیستەمی لامەركەزیی كارگێڕی لە هەرێمی كوردستان، باسیش لە شێوازی دابەشكردنی دەستەڵاتەكان كرا، بەتایبەت لەڕووی ئابوورییەوە، كەوا زیاتر خزمەتی هاووڵاتییان بكرێت، لە حكوومەتە خۆجێیەكانداو ئەوەیان دووپات كردەوە كە پێویستە پەیوەندییەكی توندوتۆڵ لە نێوان مەركەز و حكوومەتە خۆجێیەكاندا هەبێت. لە كۆتاییشدا سەرەنج و پێشنیارەكانی ئامادەبوان خرانە ڕوو.