Share on facebook
شیری دایك و كاریگەری لەسەر رەفتاری منداڵ
شەممە, 25 ئاب 2012 15:29

ZKW: لێكۆڵینەوە زانستییەكان ئەوەیان سەلماندووە، كە ئەو دایكەی كەمتر لە شەش مانگ شیری خۆی دەداتە منداڵەكەی، كاریگەری نەرێنی بەسەر گەشەی عەقڵی و جەستەیی منداڵەكە دەبێت، تا ئەو ئاستەی رەنگدانەوەی نەخوازراوی بەسەر خودی رەفتارەكانیشدا دەبێ‌. ئەو لێكۆڵینەوانە ئاماژە بەوە دەكەن كە ئەو دایكەی لە ماوەی كەمتر لە شەش مانگ جا بەهەر هۆیەكەوە بێت (بچووكی تەمەنی دایك، نەخوێندەواری، هەژاری، دڵەڕاوكێ‌، خۆویستی....) جگەرگۆشەكەی لە شیری خۆی بێبەش كردووە، بەراورد بەو دایكەی لە ماوەی دیاریكراو و پێویستدا شیری بە مناڵەكەی بەخشیووە، منداڵەكەی نەك هەر لە رووی گەشەی عەقڵی و جەستەیی دواكەوتووتر بووە، بەڵكو لە باری هەڵسوكەوت و رەفتاریشدا بە خراپ لە كەسایەتی منداڵەكە رەنگی داوەتەوە، تا ئەوەی ئەو بێبەشبوونەی لە شیری دایك بۆتە هۆكاری ئەوەی منداڵێك بێت شەڕانی و هەمیشە بەسەرخۆدا داخراو.