فریشتە سیوەیلی: بەشێك لە ئافرەتان بڕوایان بە یەكسانی جێندەری نییە و زۆریان خۆیان بەزەعیفەو كەم توانا دەزانن

 فریشتە سیوەیلی: بەشێك لە ئافرەتان بڕوایان بە یەكسانی جێندەری نییە و زۆریان خۆیان بەزەعیفەو كەم توانا دەزانن

 

"تا ژنان نەبنە خاوەن ئابووری سەربەخۆ لە كۆتی جیاوازی جێندەری رزگاریان نابێت"

محەمەد ئامۆكەیی- زاری كرمانجی: لە دیدارێكی زاری كرمانجی فریشتە سیوەیلی، چالاكوان و ئەندامی ئەنجومەنی سەركردایەتی سلێمانی هەڵەبجە(ی پارتی دیموكراتی كوردستان، قسە لەسەر دۆخی ئازادی ژن و پێدانی پۆستی سیاسی و هەندێ پرسی تری هەنوكەی نێو كۆمەڵگەی كوردی دەكات، فریشتە كە چەند ساڵێكە یەكێكە لەو ژنانەی داكۆكی كارێكی مافی ژنانە لەسەر دۆخی ئازادی ژن لە هەرێمی كوردستان رایدەگێنێت" كۆمەڵگەی  كوردی هەمیشە رێزی لە ئافرەتان  گرتووە و جیاوازی نەكردووە لە نێوان رەگەزی نێرو مێ دا، بەتایبەت ئەوكاتەی كە كۆمەڵگەی كوردی  زیاتر بە كشتووكاڵەوە خەریك بوون هەموو كاریان بە هەرەوەزی و پێكەوەیی بووە، ئازادی ژنان چەندە پەیوەستە بە دەسەڵات و كۆمەڵگەوە زیاتر پەیوەیستە بە خودی ئافرەتەكەوە كە چەندە بڕوای بەخۆی هەیە، ئازادی ژنان وەك ئازادی پیاوان وایە ئەوەتا ئافرەتە بەتواناو خوێندەوارەكان لە زوربەی كایەكانی بەڕێوەبردن و سیاسی بەشدارن، رێژەی فەرمانبەرانی ئافرەت  بەتایبەت لە سلكی پەروەردە و تەندرووستی زۆرینەن، ئەو ئازادییەی كە ژنان و ئافرەتان  هەیانە لە باشوور لە هیچ كام لە ووڵاتە دراوسێكاندا نییە."
دەشڵێت" من شانازی بە كلتوری كوردییەوە دەكەم ناڵێم كە سەد لەسەد  بەڕاست و بێ خەوش بێت، بەڵێ پێویستە  رۆشنبیری دایكان دەربارەی جیاوازی نەكردن لە نێوان منداڵی نێرو مێ  لە هەموو بوارەكاندا، ئەوە بەشێكی دایكانن ئەو جیاوازیە دەكەن لەو كلتوورە نا تەندروستانە كە بەتەواوی كاڵ بۆتەوە خەتەنەكردنی كچانە خەریكە بنبڕدەبێت، ژن بەژن و گەورە بەبچوك نەماوە تەنانەت لە گوندەكانیش." دەربارەی فرەژنی لە كوردستان  تا رادەیەك كەم بۆتەوە بەڵام بەهۆی ئەم حزبە سیاسی ئیسلامیانەوە  كە دەرگایان كردۆتەوە بۆ فرەژنی  كاری كردۆتە سەری هەروەها یاساكانی حكومەتی عێراق  كە رێگەی داوە بە فرەژنی و لەدادگا كاریان بۆ دەكرێت، گەرباسی تووندوتیژی دژی ژنان دەكەی ئەوا بە پێچەوانەوەش تووندوتیژی دژی  پیاوانیش هەیە لە لایەن  ژنانەوە، دەكرێت هەر لەم چەند ڕۆژەی رابردوودا لە یەكێ لە شارۆچكەكانی كوردستان پیاوێك لەلایەن هاوسەرەكەیەوە بەچەقۆ كوژرا.


فریشتە سیوەیلی گووتیشی" بەشداری ژنان و ئافرەتان لە سێكتەرەكانی حوكمڕانی وەك پێویست نییە لەمپەر هەیە بۆتە ڕێگر كە ئافرەتان بگەنە شوێن و پێگەی بڕیاردان، بەداخەوە ئەوەندەی ئافرەتان بڕوایان بە یەكسانی جێندەری نییە زۆربەیان خۆیان بەزەعیفەو كەم توانا دەزانن، بە بۆچونی  من تا ژنان نەبنە خاوەن ئابووری سەربەخۆیی  خۆیان لە كۆت و زنجیری  جیاوازی جێندەری رزگاریان نابێت."

ئەم چالاكوانە لەسەر كاریگەری كۆچی گەنجان كەمبوونەوەی  پڕۆسەی هاوسەرگیری ئاماژەی بەوەكرد" بەڵێ كاریگەری هەیە بەڵام ئەوەی زۆرترین كاریگەری هەیە لەسەر كەمبوونەوەی پڕۆسەی  هاوسەرگیری  باری ئابووریە چونكە گەنجێك كاری نەبێ و دامەزراندن نەبێ ناتوانێ پڕۆسەی هاوسەرگیری بكات، چونكە هاوسەرگیری بەرپرسیارێتی قورسی هەیە لە دابینكردنی خانوو كارو كاسپی ئەوە جگە لەداواكاری ماڵی دایكی بوكێ كە ئەركێك و ئیمكانیاتێكی زۆری دەوێ كە هیچ جێگەیەكی واناگرێت بۆ ئایندەیان، بەداخەوە لە جیهاندا پڕۆسەی هاوسەرگیری  كەمبۆتەوە، ئەوەتا بەشێك لە گەنجان خەریكی گێڵ فرێندن هەركاتێك ئاسایشی گشتی نیشتمانی و ئابووری و سیاسی جێگیربێت ئاسایشی كۆمەڵایەتیش جێگیردەبێت.


فریشتە بۆچوونی خۆی لەسەر یەكسانی جێندەری لە رووی پێدانی پۆستی سیاسی و حكومی دەربڕی رایگەیاند" تاڕادەیەك كراوە بەڵام وەك پێویست نییە ئەگەر سەیری بكەین پارتیمان پارتی دیموكراتی كوردستان  كاری بۆكردووە، بۆ نموونە  بۆ كۆنگرەی 14ی  پێم وابێت پێشنیاری واكراوە كە دەبێت رێژەی %20 تا%%30  بۆ ئەنجومەنی  سەركردایەتی ئافرەت بن. حزب و پارتەكانی دیكەش كاریان بۆكردووە، پێویستە  ئافرەتان خۆیان هەوڵ بدەن بەتوانای خۆیان بگەنە ئەو پۆستانە نەك تەنیا بۆ پۆست پڕكردنەوە بێت و ئافرەتەكە پلەكانی حزبی و كاری رێكخراوەیی و نەبینیبێ و لە پڕێكدا قوتی بكەنەوە هیچی پێ نەكرێت، دەبێت بە مانای كەلیمە خۆی تواناو بڕوای بە یەكسانی جێندەری هەبێت بەكردەوە، من رۆژانە لەگەڵ پیاوان و ئافرەتان كار دەكەم هیچ جیاوازییەك ناكەم لە نێوان خوشكان و برایاندا بەشداری پرسەی پیاوان ژنان دەكەم، هەرچەندە چەندین جار كەمێ گرفتم  هاتۆتەڕێ بەڵام سوور بووم و چومەتە نێو پرسەگێڕانی پیاوانیش، من پێم باشە ئەو ئافرەت و ژنانەی توانایان وەك پێویست  نییە پۆستی سیاسیان پێ نەدرێ چونكە تەنیا جێدەگرێ و پۆست وەرگرتن بە مەرج نابێت و دەبێت هەموومان خزمەتكاری ئەم گەلەبین."
ئەو ئەندامەی ئەنجومەنی سەركردایەتی سلێمانی هەڵەبجە)ی پارتی لە دوا پەیڤەكانی دا گووتیشی" تا ڕادەیەك بەشداری كردنی ئافرەتان لە كاروباری سیاسی راستەقینەیە بۆ ئافرەتە بە تواناو بوێرەكان، ئەوەش دەكەوێتە سەر ئەو خوشكە  بەرێزەی ئەو پۆستە وەردەگرێت، من پێم باشە ئەو  ژن و ئافرەتانەی بڕوای تەواویان  بەسەركەوتنی خۆیان نەبێ و پابەندی قەیدو شەرت بن و لە بازنەی خۆیان نەیەنە دەرەوە سەركەوتوونابن، هەندێك ئافرەت وەك بووكە شووشە دادەنرێن تەنیا بۆ ئەوەی بڵێن بەشداری ژنیان هەیەو تەنیا ڕووكەشە.

زۆرترین بینراو