بارەگایەكی یەكێتی قوتابیان روخێندرا

بارەگایەكی یەكێتی قوتابیان روخێندرا

زاری كرمانجی: بەرپرسی لقی گەرمیانی یەكێتی قوتابیانی كوردستان ڕاگەیاند بینایەك لە خورماتوو رووخێندرا، كە لە دوای پرۆسی ئازادی عێڕاقەوە لە دوای ساڵی 2003ـەوە تا ساڵی 2017 بارەگای ناوچەی قوتابیانی لێ بوو بێ جیاوازی خزمەتیان بەتوێژی قوتابیان دەكرد.
ڕێبەر ئەحمەد شێخ لەنگەری ، بە ئاژانسی هەواڵی زاگروسی "راگەیاندووە ئێوارەی رۆژی چوارشەممە 7-4-2021 بیناكە رووخێندرا، هۆكاری سەرەكی ڕۆخاندنەكەشی دەگڕێتەوە بۆ نەمانی پێشمەرگەو دەسەڵاتی كوردی لەناوەندی قەزای دوزخورماتوو" .

لەدوای ڕوداوەكانی  16ـی ئۆكتۆبەری 2017، میلشیاكانی حەشدی شەعبی بارەگاكەیان داگیر كرد و ماوەیەك بەر لە ئێستاش چۆڵیان كرد.
بەپێی زانیارییەكانی ئاژانسی هەوالی زاگرۆس،بارەگاكە بە بڕیاری ئیدارەی قەزای دوزخورماتوو میلیشیاكانی حەشدی شەعبی لە سنوورەكە رووخێندراوە.
ڕێبەر ئەحمەد زیاتر روونیكردۆتەوە" حەشدی شەعبی و ئیدارەی شارەكە دەستیان لە رووخاندنی بارەگاكە هەیە و دەنگۆی ئەوەش هەیە شوێنی بارەگاكە بكرێتە باخچە".

یەكێتیی قوتابیانی كوردستان  رێكخراوێكی جەماوەری سەربە پارتی دیموكراتی كوردستانەو لەساڵی 1953 دامەزراوە كار بۆ بەرزكردنەوەی ئاستی هۆشیاریی نەتەوەیی و زانستی قوتابیان و بەرگریكردن لە مافەكانی توێژی قوتابیان دەكات.

 

زۆرترین بینراو