جیاوازی نێوان رای ئافرەت و پیاوان و دەرهاویشتەكانی

كولتورو داب و نەریتی هەموو ناوچە و دەڤەر و نەتەوەیەك تایبەتمەندی خۆی هەیە و لە ناوچەیەك بۆ ناوچەیەكی تر جیاوازی هەیە لە هەندێك خێزان و ناوچەدا پیاو سالاریەكی توند هەیە كە هەمیشە خۆ سەپاندنی خێزانی و كۆمەڵایەتی هۆكاری دروستبوونی كۆمەڵگەیەكی نیمچە دوا كەوتووە لەگەڵ نەبوونی پێشكەوتن، بەهۆی ئەوەی لە فەرهەنگی ئاینی جیاوازی نەكراوە لە نێوان ئافرەت و پیاو لەزۆربەی بوارەكاندا، بەڵام ئەوەی تێبینی دەكرێَت ڕای ئافرەت زۆر كەمتر لە ڕای پیاو گرنگی و سەنگی خۆی هەیە لە نێو كۆمەڵگەی كوردی بەهۆی ئەوەی هەر كاتێك دانیشتنێك هەبێت كە زیاتر ڕاوێژكاری بێت ڕای ئافرەت زۆر گرنگ وەرناگیرێت لەو بابەتەدا كە بەمەبەستی دۆزینەوەی ڕێگە چارە لەسەری كۆبوونەتەوە كاتێك ڕای ئافرەتان و پیاوان لەو كۆبوونەوەیە دەردەبڕن زیاتر ڕای پیاوان وەردەگرن و كەمتر ڕای ئافرەتان، ئەگەر ڕای ئافرەت بۆ بابەتەكە گونجاوتریش بێت یان ڕیگای چارەسەر بێت، بەڵام بەهۆی ئەو كولتورەی لەناو كۆمەڵگەی كوردی دا بوونی هەیە، زۆر گرنگی بەو ڕایە نادەن ئەمەش دەبێتە هۆی ئەوەی ئافرەت كەمتر خۆی لە بابەتی ڕادەربڕین بدات و زیاتر ببێتە گوێ گر بەهۆی ئەوەی ئافرەت بەهێزی خۆی سەلماندووە لەناو كۆمەڵگەدا، بەڵام بیرتەسكی هەندێك پیاو هۆكاری ئەوەیە كە ئافرەت كەمتر خۆی لە بابەتی ڕادەربرین بدات پێویستە ئەگەر ڕای ئافرەت بە هەندیش وەری نەگرن پێویستە دەرفەت برەخسێنن ئافرەت زیاتر هەست بە بوونی خۆی بكات ڕووبەڕووی بێدەنگی نەكەن كاتێك ڕای خۆی دەردەبڕێت پێویستە تەنیا بیر لە خودی خۆی نەكاتەوە بیر لە منداڵ و كاریگەریەكانی بكەن و بیر لەوە بكەنەوە لە دوا ڕۆژ ئەو منداڵانە دەبنە بەشێك لە پێكهاتەی كۆمەڵگە بە كەم و كوڕییەوە بۆیە ئەگەر بمانەوێت داهاتووی كۆمەڵگە باشتر بكەین پێویستە بیركردنەوەكانمان بگۆڕین بەرامبەر گشت پرسە كۆمەڵایەتییەكان بەهۆی ئەوەی ئافرەت نیوەی كۆمەڵە و تەواوكەری نیوەكەی ترە ئەگەر لە هەموو دانیشتن و بابەتەكان دا ڕای ئافرەت فەراموش بكرێت ئافرەت دەبێتە مرۆڤێكی دوورە پەرێز لەناو كۆمەڵگە ئەمەش دەرهاویشتەی خراب بەدوای خۆیدا دێنێت، بەهۆی ئەوەی ڕۆشنبیری پیاو تەنیا سوودی بۆ خودی خۆی هەیە، بەڵام ڕۆشنبیری ئافرەت كۆمەڵگەیەك ڕۆشنبیر دەبێت بۆیە دەبێت بۆ گۆرینی و باشتركردنی داهاتووی كۆمەڵگە.

بابەتى پەیوەندیدار بیروڕا

زۆرترین بینراو