دووای یەک ساڵ لە ڕاگیرانی, سبەی هەفتەنامەی زاری کرمانجی بڵاو دەکرێتەوە

دووای یەک ساڵ لە ڕاگیرانی, سبەی هەفتەنامەی زاری کرمانجی بڵاو دەکرێتەوە

موڕشید برادۆستی - سۆران: یەک ساڵ بەر لە ئێستا , بەهۆی تەنگەژە و قەیرانی دارایی هەفتەنامەی زاری کرمانجی راگیرا,  سبەی سێشەممە, 14ی ئەیلوولی 2021  بە کۆمەڵێک بابەتی گرنگ بڵاو دەکرێتەوە و دەگاتە بەردەستی خوێنەران.

 ئیسماعیل ئیبڕاهیم بەڕێوەبەری دەزگای زاری کرمانجی رایگەیاند"   دووای هەوڵ و ئاستەنگێکی زۆر, توانرا دووای یەک ساڵ لە وەستانی, دووبارە هەفتەنامەی زاری کرمانجی وەگەڕ بێخینەوە, سبەی ژمارە ( 650 )ی هەفتەنامەی زاری کرمانجی بە دیزاین و شێوازێکی  باشتری کارکردن و بەناوەڕۆکێکی بەهێز لە بوارەکانی " هەواڵ, بەدووداچوون, دیمانە, سیاسی, ئابووری, وەرزشی, هەمەڕەنگ, دەکەوێتە بەردەستی خوێنەرانی دەڤەری سۆران .  

بەڕێوەبەری دەزگای زاری کرمانجی دەڵێت"  دووای چاوەڕوانییەکی زۆر, پشوودرێژی نووسەر و خوێنەرانمان و دڵسۆزی کارمەندانمان, بەخۆشحاڵییەوە  هەواڵی دووبارە دەرکردنەوە و بڵاوکردنەوەی هەفتەنامەی زاری کرمانجی ڕادەگەینین .

شایەنی باسە,  زاری كرمانجی، دەزگایەكی سەربەخۆی رۆشنبیریی و راگەیاندنە، لە 19 - 6 - 2005 لە شاری سۆران دامەزراوە. ئەم دەزگایە لە چەند بەشێكی جیاجیا پێكهاتووە و لەسەر بنەمای بێلایەنی و پیشەیی بوون مامەڵە لەگەڵ رووداوەكان دا دەكات.  بەشەکانی دەزگای زاری کرمانجی, جیا لە ڕادیۆ و ماڵپەڕ و کتێبخانە, خاوەن رۆژنامەیەكی سیاسی- كۆمەڵایەتی هەفتانە بەناوی (زاری كرمانجی)، كە هەموو رۆژانی سێشەمە لەمەودووا  دەردەچێت .