رێگەی کەمەربەندی ئازادی چاک دەکرێت

رێگەی کەمەربەندی ئازادی چاک دەکرێت

 زاری کرمانجی - سۆران :  لە ئێستادا  کاری چککردن و فراوانکردنی  رێگەی کەمەربەندی ناوچەی پیشەسازی کۆنی سۆران تاکو چوار ریانی ئازادی کە بەکەمەربەندی ئازادی ناسراوە، کاری تێدا دەکرێت و دەبێتە دوو ساید, بڕیار وایە لەداهاتووشدا بە پردێک ئەو رێگایە بە دێڵزیان ببەسترێتەوە .

بەتەواو کردنی ئەو پڕۆژەیە ئاسانکاری باش  بۆ شوفێران و هاووڵاتییان دروست دەبێت

کاوە نەجم، سەرۆکی شارەوانی سۆران بە زاری کرمانجی راگەیاند:  وەک قۆناغی یەکەم دەستمانکردووە بە فراوانکردن و چاککردنەوەی رێگەی کەمەربەندی ئازادی دەبێتە دووساید،  رێگایەکە قەرەباڵغێکی زۆری بەسەرەوەیە بەمەش جەنجاڵی ناو بازاڕی سۆران و دیانا بەشێوەیەکی بەرچاو کەمدەبێتەوە، هاتووچۆی شوفێران و  کاری هاتووچۆی هاووڵاتییانیش ئاسانتر دەبێت .

 سەرۆکی شارەوانی سۆران, گووتیشی"   پڕۆژەکە بە گوژمەی نزیکەی ٥٠٠ ملیۆن دینار چووەوە واری جێبەجێ کردن, لە پلانیشماندایە بە پردێک ئەو رێگایە بە شەهیدانی ئازادی ببەستینەوە .

 شایەنی باسە,  لەگەڵ چاککردنی رێگەی جووت سایدی دێڵزیان و تەواوی ئەو رێگایانەی پێویستان بەچاککردن هەیە کاریان لەسەر دەکەین و لە داهاتووشدا پڕۆژەی شەقامی 40 مەتری سۆران جێبەجێ دەکرێت .

زۆرترین بینراو