زاری كرمانجی ناوی قائیمقامی نوێی سۆران ئاشكرا دەكات

زاری كرمانجی ناوی قائیمقامی نوێی سۆران ئاشكرا دەكات

زاری كرمانجی-سۆران:
 دوای دەست بەكاربوونی هەڵگورد شێخ نەجیب، قائیمقامی پێشتری قەزای سۆران وەك سەرپەرشتیاری ئیدارەی سەربەخۆ، چەند كەسێك بۆ پۆستی قائیمقامی ئەم قەزایە كاندید دەكرێن.
بەپێی زانیارییەكانی زاری كرمانجی، چەند كەسێك بۆ پۆستی قائیمقامی قەزای سۆران سیڤییان پێشكەش بە لایەنە پەیوەندارەكان كردووە و نووسراویان بۆ كراوە".
سەرچاوەیەك لە ئەنجوومەنی پارێزگای هەولێر، بە زاری كرمانجی گووت" سیڤی چەند كەسێك گەیشتۆتە لای ئێمە، دوای هەڵسەنگاندنی سیڤییەكان چانسی (مەغدید عەریف ئەحمەد) بەڕێوەبەری ئێستای ناحیەی خەلیفان، لە هەمووان زیاترە، بۆ ئەوەی وەك قائیمقامی نوێی قەزای سۆران دەست بەكاربێت".
گووتیشی " هێشتاش ئەم بابەتە یەكلایی نەبۆتەوە، بەڵام گریمانەكان وایدەردەخەن كە چانسی بەڕێوەبەری ناحیەی خەلیفان لە هەموویان زیاترە".

زۆرترین بینراو