شاناز ئیبراهیم ئەحمەد بەدەنگ هات

شاناز ئیبراهیم ئەحمەد بەدەنگ هات

ئەندامی دەستەی کارگێڕی مەکتەبی سیاسی یەکێتی شاناز ئیبراهیم ئەحمەد رەخنە لە سەرکردایەتی حیزبەکەی دەگرێت لە دانانی کاندیدەکانیاندا بۆ هەڵبژاردنی پەرلەمانی عێڕاق و دەڵێت" نە جاران واو نە ئێستاش وا".

شاناز ئیبراهیم ئەحمەد ئەندامی دەستەی کارگێڕی مەکتەبی سیاسی یەکێتی لە نووسینێکدا لە هەژماری خۆی لە تۆڕی کۆمەڵایەتی فەیسبووک لە پۆستێکدا بەناونیشانی " کاکە نەوا و نەواش" نووسیوویەتی" لەچەند ساڵی ڕابردووەوە تا وەکو پێرێ ، یەک لەکێشە گەورەکانی ناو یەکێتی دزە پێکردنی هەواڵ بووە ، زۆر جار هەر لەناو کۆبونەوەکانەوە هەموو وردەکاریەکانی ناو دانیشتنەکە بەئەنواعی ترش و خوێ و بەهاراتی جۆراوجۆرەوە دزەی پێ ئەکرا و بڵاوئەکرایەوە …".!
 
لە درێژەی پۆستەکەیدا دەڵێت "شوکور بۆ خوا پێ ئەچێت کە یەکێتی چارەسەری ئەو کێشەیەی کردبێت و ئەوەتا ئەوەندە ( سڕ قایم ) و نهێنی پارێز بوو بێت کە تەنانەت ناوی کاندیدەکانی خۆی بۆ هەڵبژاردنی عێراق نەک هەر نەداتە کارگێر و مەکتەب سیاسی و سەرکردایەتی بەڵکو نەشیداتە خودی کاندیدەکانیش"!.

لە کۆتاییدا دەڵێت " هەقی خۆیەتی نانێک بخوێن و دە نان بکەینە خێر بۆ کاکە مارک زوکەربێرگی خاوەنی فەیسبووک ، خۆ ئەگەر فەیسبووک نەبووایە قەد نەمان ئەزانی پەیوەندی نێوان حزبەکەمان و مۆزەمبیق لە چ ئاستێکدایە و هاوپەیمانێتیەکەمان لەگەڵ کیم جونگ بەکوێ گەیشتووە".

لە دوو رۆژی رابردوودا رەخنە لەسەر چٶنێتی دانانی کاندیدەکانی یەکێتی، هەروەها لەسەر هاوپەیمانێتی لەگەڵ گۆڕان گیرا، شاناز ئیبراهیم ئەحمەد بێ ئاگای خۆی رادەگەیەنێت و بەناراستەوخۆ دەیخاتە ئەستۆی هاوسەرۆکان.

زۆرترین بینراو