كردنەوەی سەنتەرێكی داڵدەدانی ئافرەتان لەم سنوورە پێویستە

كردنەوەی سەنتەرێكی داڵدەدانی ئافرەتان لەم سنوورە پێویستە

زاری كرمانجی - نازەنین عەزیز, بەرپرسی ئەنجومەنی سۆرانی یەكێتی ئافرەتانی كوردستان, لە دیدارێكی تایبەتی زاری كرمانجی, بۆ گفتوگۆكردن لەسەر تەواوی كاروو چاڵاكییەكانی ئەنجومەنی ئافرەتان لە سنووری ئیدارەی سۆران, چەند پرسێكی دیكەی ئافرەتانی خستەروو.
دیدار- پشتیوان كەریم
ئەو بەرپرسە لە سەرەتای قسەكانیدا باسی لە كۆی ناوەندەكانی ئەنجومەنی ئافرەتانی لەو سنوورە كرد, گووتی" لە سنووری ئیدارەی سۆران پێك دێت لە شەش ناوەند و ئەنجومەنێك, لە سەرەتای هەر كارو چاڵاكیەك ئێمە هەڵدەستین بەهەڵسەنگاندنی ( خولیاو, توانا, حەزی ئافرەتان),  چونكە چاڵاكییەكانی ئێمە جۆرا و جۆرن,  نموونە خولی فۆتۆگرافی, دروومان, شوفێری, لە خولی فۆتۆگرافی دەنگدانەوەیەكی زۆری هەبوو لەم سنوورە, خولی دروومانیش یەكێكە لە خولە بەردەوامەكانمان بۆ ئەوەی ئافرەتان بتوانن لەم جۆرە خولانەدا فێری دروومان ببن و دەست بكەن بەو كارە, تا بتوانن داهاتێك بۆ خۆیان كۆبكەنەوە, لە هەمانكاتدا ئێمە دوو خولی شۆفێریمان بۆ ئافرەتانی رواندز و سۆران كردەوە و بەم خولەش دەیان ئافرەت سوود مەند بوون".
لە بەشێكی دیكەی قسەكانیدا خاتوو نازەنین لە بارەی هەبوونی ئافرەتانی بەهرەمەندەوە گووتی" لەماوەی رابردووش فیستیڤاڵێكمان ئەنجامدا بۆ زیاتر لە 80 ئافرەتی بەهرەمەندی سنووری ئیدارەی سەربەخۆی سۆران".  ئەو بەر پرسە ئاماژەشی بەوەكرد جگە لە خولە جۆراو جۆرەكان  دەیان سمینار و كۆڕمان رێكخستوون بۆ ئافرەتان, هەروەها بەردەوامیش دەبین بۆكار و چاڵاكییەكانمان بۆ ئافرەتانی ناوچەكەمان".
سەبارەت بە رۆڵی یەكێتی ئافرەتانی سۆران لەرووی هۆشیاری كۆمەڵایەتییەوە هاوكاری ئافرەتانی ئەم سنورەن لەم بارەیەوە نازەنین عەزیز گووتی" ئێمە هەماهەنگی تەواومان هەیە لەگەڵ بەڕێوەبەرایەتی توندوتیژی ئافرەتان و خێزانی لە سۆران هەیە, هەر ئاریشەیەك بۆ ئافرەتانی ئەم سنوورە رووبدات ئێمە بەپێی توانا بەهەماهەنگی لەگەڵ بەڕێوەبەرایەتی توندوتیژی ئافرەتان هاوكارییان دەبین بۆ چارەسەر كردنی ئاریشەكانییان".
لەبارەی نەبوونی شوێنی داڵدەدانی ئافرەتان لە سۆران ئەو بەرپرسە گووتی" ئێمە وەك ئەنجومەنی سۆران زۆر جار  پێشنیارمان كردووە, چەندین جار داوامانكردووە لە پەرلەمانی كوردستان, پارێزگاری هەولێریشمان لە نەبوونی ئەم ئەم شوێنە ئاگادار كردۆتەوە, بەڵام تائێستا هیچ لە بارەی خانەی داڵدەدانی ئافرەتان نییە, بەراستی ئێمە بە پێویستی دەزانین  گەر هاتوو گرفت بۆ ئافرەتێك دروست بوو تا چارەسەر كردنی ئاریشەكەی لە شوێنێكی پارێزراودابێت" .
لەبارەی  رۆڵی ئافرەتان لە ناو دامەزراوە حیزبی و حكومییەكاندا, گووتی"  رۆڵی ئافرەتان لە تەواوی دامەزراوە حیزبی و حكومییەكان باشە لەم سنوورە, بەڵام ئێمە دەمانەوێت ئەم رۆڵە زیاتر بێت, چونكە ئافرەتی زۆر لێهاتوو شیاو لەم سنوورە بوونییان هەن, دەتوانن شان بەشانی پیاوان لە دامەزاوەكان كار بكەن, هەروەها رێژەی  ئافرەتان لە %35ە بەڵام ئومێدی زیاترمان بە ئافرەتانی خۆمان هەیە لە دەڤەرەكە تاكو بتوانین ئەم رێژەیە زیاتر بەرز بكەینەوە". 

زۆرترین بینراو