لەگەڵ پەرتووكی ژمارە پێوانییەكانی گێنس

لەگەڵ پەرتووكی ژمارە پێوانییەكانی گێنس

 

ئامادەكردنی : مەهدی محەممەد 


گەورەترین بارهەڵگری دڕندە

 

 

 

گەورەترین بارهەڵگری دڕندەی جیهان بە بەرزی 4.7 مەترە.
بارهەڵگرە زەبەلاحەكە تا سێ مەتر بە درێژی لەسەر چەرخەكان وەستاوە و كێشەكەی 17 هەزار و 236 كیلۆیە.
بۆب چاندلەر لە هاوینی 1986 لە سانت لویس دروستی كرد،
بارهەڵگرە بێ هاوتاكە لە پشتی دیمەنەكان دیار نامێنێت، بەڵكو لە پێشانگا جۆراوجۆرەكانی ناوخۆی شارەكەدا دەردەكەوێت، كە بۆتە جێگەی سەرنجی خەڵك.

 

بچوكترین دی جەی

 

 

 

ئارچی نۆربێری لە لاپەڕەكانی كتێبی ڕیكۆردەكانی گینیس ساڵی 2021 دا دەدرەوشێتەوە وەك بچووكترین دی جی لە جیهاندا كە تەمەنی چوار ساڵ و 130 رۆژە.
ئارچی ڕیكۆردەكەی شكاند لە كاتی پێشكەشكردنی میوزیكی هاوس بۆ ماوەی زیاتر لە كاتژمێرێك لە بونگالۆ و برێك لە هۆنگ كۆنگ.

 

117 ئافرەت لە گەورەترین پێكهێنانی زنجیرەی كەوتنی ئازاد

 

 

 

دوای بازدان لە فڕۆكەیەك، 117 ژن تۆماریان بۆ گەورەترین شێوەی بازنەیی زنجیرەیی ( بۆ ئافرەتان ) بە بەكارهێنانی پەڕەشووت بەدەستهێنا .
فڕینی 7000 پێ بەسەر ڕووی زەویدا ، بە نمایشی جەستەیان شێوەیەكی هونەری جوانیان ئافراندن و ڕیكۆردەكەیان خستە سەر ناوی خۆیان.
ئەم تۆمارە پڕ لە ئەدرینالینە لە لایەن ژنانی چەند وڵاتەوە هاوبەش كراوە: بەرازیل، ئەمریكا، ئەرجەنتین، نەرویج، ئوسترالیا، كەنەدا، فینلاند، ئەڵمانیا، ژاپۆن، هۆڵەندا، پاراگوای، نیوزیلەندا، كۆماری چیك، ڕۆمانیا، فەرەنسا، فیدراسیۆنی ڕووسیا، سوید، سویسرا، مەكسیك.
یەكێك لە گەورەترین تەحەداكانی ڕووبەڕووی گروپێك بوو لەم ئەركەدا ئەو كاتە بوو  كە 117 ئافرەت دەبوایە پێكەوە خۆیان لە فڕۆكەكە فرێبدەنە خوارەوە و دواتریش لە مەودایەكی كورتدا یەكتر بگرنەوە و بگەن بە ئامانجەكە.

زۆرترین بینراو