لە رواندز بەخشینی ئامێری فێنککەرەوە بەردەوامە

لە رواندز بەخشینی ئامێری فێنککەرەوە بەردەوامە

زاری کرمانجی - رواندز: لەماوەی دوو رۆژدا لە پەروەردەی رواندز ٤٤ ئامێری فێنککەرەوە بەخشرانە پەروەردەی رواندزو دابەشی سەر قوتابخانەکان کران.
چنوور مەزهەر محەممەد، بەڕێوەبەری پەروەردەی رواندز بۆ زاری کرمانجی گووتی : ئەمڕۆ خاوەنی پڕۆژەی گەشتیاری شنگلبانە لە رواندز لەسەر ئەرکی خۆی توانی  19 ئامێری فێنككەرەوە بۆ دوو قوتابخانەی سەنتەری شاری رواندز دابین بکات،لە رێوڕەسمێكدا بە ئامادە بونی ئەحمەد قادر قائیمقامی قەزای رواندز و عوسمان سەدیق، ئەندامی ئەنجومەنی كارگێری شنگلبانە و شاندی یاوەری بە نوێنەرایەتی حازم كوردە، ( 9 ) فێنکكەرەوە بەخشرایە قوتابخانەی ( پاشای گەورە ) و ( 10 ) فێنككەرەوەش بۆ ( ئامادەیی رواندزی كوران ) دابینکران.
بەناوی بەڕێوەبەرایەتی پەروەردەی ڕواندزەوە سوپاس و پێزانینی خۆمان  بۆ بەرێز حازم كوردە رواندزی، كە وەك پیشەی هەمیشەیی بۆ خزمەتكردنی شاری رواندز ئامادەیی هەبووە و دەبێ.
بەڕێوەبەری پەروەردەی رواندز گووتی : لەلایەکی تریشەوە دوێنێ  ٥/٦/۲٠۲۱  لە دیوانی پەروەردە بەئامادەبونی بەشێک لە بەرێوەبەری قوتابخانەکان دەستکرا بە دابەشکردنی ۲٥ فێنکەرەوە (موبریدە) کە لەلایەن (نەهرۆ محموود بەگ)رواندزی ئەندامی ئەنجومەنی نوێنەرانی عێراق و بەهەماهەنگی لەگەڵ دەزگای خێرخوازی بارزانی دابینکران،  دابەشکردنەکەش راستەوخۆ لەلایەن نوێنەری نەهرۆ رواندزی (عیسی هەورامی) و ە بەرێزان لە نوێنەرانی لقی سۆرانی دەزگای خێرخوازی بارزانی ئەنجامدرا، بۆئەم مەبەستە بەناوی بەرێوبەرایەتی پەروەردەکەمان و سەرجەم قوتابخانەکانی سنوری پەروەردەکەمان سوپاس و پێزانینی پەروەردەی رواندزمان ئاراستەکردن و  هیوای سەرکەوتن و بەردەوامیان بۆ خواستن بۆ ئەو خزمەتە.

زۆرترین بینراو