لە رواندز مەرج بۆ بە كرێ دانی خانوو دادەندرێت 

لە رواندز مەرج بۆ بە كرێ دانی خانوو دادەندرێت 

زاری كرمانجی – رواندز : بەشێك لە هاووڵاتیانی دانیشتووی گەڕەكی بانەزێوك لە رواندز، نیگەرانن بەرامبەر بە كرێ دانی هەندێ‌ لە خانووەكانی نێو گەڕەكەكە بە گەشتیاران و گللەیی لەوە دەكەن كە ئەو خانووانە بونەتە هۆكارێك بۆ ئیزعاجكردنی ئەوان.
سەرچاوەیەك لە ئاسایشی رواندز بە زاری كرمانجی راگەیاند"دوای ئەوەی بەشێك لە گللەیی هاووڵاتیانی دانیشتووی ئەو گەڕەكەمان پێگەیشت، كە هەندێ‌ لەو خانووانە بەكرێ دەدرێن بە گەشتیاران كە كەوتونەتە نێو ماڵان و بونەتە هۆكاری نائارامی و نیگەرانی ئەوان بە تایبەت لە لایەن گەنجانی سەڵتەوە، بۆیە بڕیارماندا كە بە هیچ شێوەیەك ئەو خانووانە بە كرێ نەدرێن و ئەوانەی دەرەوەی گەڕەكەكەش لە ژێر چاودێری ئاسایش دەبێ و ئەو گەشتیارانەی دەچنە نێو ئەو خانووانە دەبێ هاوشێوەی فندقەكان بناسرێن و بۆ گەنجانی سەڵتیش قەدەخەیە".

زۆرترین بینراو