مەترسیەکانی ماددەی هۆشبەر لەگفتوگۆیەک باسی لێوەکرا

مەترسیەکانی ماددەی هۆشبەر لەگفتوگۆیەک باسی لێوەکرا

محەمەد ئامۆکەیی_ زاری کرمانجی:  تۆڕی هەماهەنگی رێکخراوەکان CNO بە هەماهەنگی نوسینگەی رێکخەری راسپاردە نێودەوڵەتیەکانی حکومەتی هەرێمی کوردستان گفتوگۆیەکی لەسەر پرسی ماددەی هۆشبەر سازکرد لە هۆڵی پەیمانگەی TIA .

سیروان گەردی، سەرپەرشتیاری تۆڕی هەماهەنگی رێکخراوەکان cno لەسەر مەترسیەکانی ماددەی هۆشبەر دەڵێت" لەم گفتوگۆیە نوێنەرانی وەزارەتەکانی ( تەندروستی و کار و کاروباری کۆمەڵایەتی و ئەوقاف و کاروباری ئاینی ) و دەستەی سەربەخۆیی مافی مرۆڤ و  UNAMI پسپۆڕان و چالاکوانان ئامادەی بوون، کۆمەڵێک سەرنج و پێشنیار و بابەتی گرنگ خرایە ڕوو کە حکومەتی هەرێمی کوردستان بەشێوەیەکی پلان بۆ دانراو کار لەسەر ئەم پرسە گرنگ و مەترسیدارە بکات.
سیروان گەردی، باسی لەوەشکرد" بۆداهاتوو کاری لەپێشینەی ئەوان کارکردنە لەسەر ئەو مەترسیە بەردەوامە کە لە ئێستادا بەکارهێنەرو گیرۆدەی ماددەی هۆشبەر بەڕێژەیەکی بەرچاو رووی لە زیادبوون کردووە، بۆیە ئەمانەوێت لەرێگەی ئەم جۆرە گفتۆگۆیانە تاکەکانی کۆمەڵگە لەمەترسیەکانی ئاگادار بکەینەوە.

زۆرترین بینراو