هەلی كار بۆ دەیان كەسی سۆران دەڕەخسێندرێت

هەلی كار بۆ دەیان كەسی سۆران دەڕەخسێندرێت

زارى كرمانجى:سؤران
چەند رێكخراوێكی بیانی هەلی كار بۆ هاووڵاتییانی سۆران دەڕەخسێنن و فۆڕمی وەرگرتن و زانیارییەكانیش بڵاودەكەنەوە.
مەغدید عەریف ئەحمەد قائیمقامی قەزای سۆران بە زاری كرمانجی گووت "وەزارەتی فیدراڵیی ئەلمانیا بۆ هەماهەنگی ئابووری و پەرەپێدان (BMZ) پاڵپشتی دارایی دەكات، لەلایەن  (GIZ) پڕۆگرامی ئاسۆی كاركردن (P4E) جێبەجێ دەكرێت، بە هاوبەشی لەگەڵ رێكخراوی  REACH)) هەلی كار بە شێوەیەكی كاتی دەڕەخسێنێت بۆ دانیشتووانی قەزای سۆران بەپێی چەند مەرج و تایبەتمەنديه‌ك، هەروەها ئاوارەكانی ناوخۆی عێراق لە سۆران و پەنابەرە گەڕاوەكانی هەندەرانیش لە خۆدەگرێت، كاركردن بەپێی شوێن و چالاكییەكان دەبێت، بۆ پێشكەش كردنی داواكارییەكان لینكی پڕكردنەوەی فۆڕمەكەو رێنماییەكانی پڕۆژەكەمان، لە ئەكاونەتی تایبەتی قائیمقامیەتی قەزای سۆران بڵاوكردونەتەوە، هەروەها رێكخراوی ناوبراو بەهەماشێوە لینكەكەی داناوە".
ئاماژەی بەوەشكرد "وەرگرتنی ئەو كەسانە پەیوەستە بە رێكخراوەكە و چەند رێنمایی و تایبەتمەندیەك لە خۆدەگرێت، هەروەها ماوەی پڕۆژەكە 40 رۆژ دیاریكراوە كە دەبێت رۆژانە هەشت كاتژمێر كاربكەن، رۆژانەی كرێكاران بریتییە لە 25 هەزار دینار، هەروەها ئەوانەی سەرپەرشتیاری دەكەن رۆژانەیان 40 هەزار دینارە، هاتووچۆو نان خواردن لە ئەستۆی كرێكار دەبێت، كارەكەش بریتییە لە پاككردنەوەی سەرچاوە ئاوییەكانی بێخاڵ و سۆران و تانكەرەكانی بەڕێوەبەرایەتیی ئاوی سۆران و هەڵمەتی ژینگە پارێزی و چاندنی نەمام و چەند كارێكی دیكەی پەیوەست.


ئەمەی خوارەوە لینكی وەرگرتنی ئارەزوومەندانە
https://ee.humanitarianresponse.info/x/nR1AJsps

زۆرترین بینراو