هەڵبژاردەكانی پاشكۆی كیشوەری ئەوروپا تووشی بارودۆخێكی قوورس دەبنەوە

هەڵبژاردەكانی پاشكۆی كیشوەری ئەوروپا تووشی بارودۆخێكی قوورس دەبنەوە

دوای یەكلایی بوونەوەی  سەركەوتنی بەشێكی زۆر لە هەڵبژاردەكانی ئەوروپا بۆ مۆندیالی 2022ـی قەتەر،خاوەن پلەكانی دووەمی هەر 10 كۆمەڵەكە راستەوخۆ سەردەكەون بۆ پاشكۆی هەمان كیشوەر.
بۆ ئەنجامدانی یارییەكانی پاشكۆی مۆندیال لەم كیشوەرە، هەر یەكە لەو 10 هەڵبژاردەی كە پلەی دووەمی كۆمەڵەكانیان دەگرن راستەوخۆ سەردەكەون بۆ پاشكۆ و فیدراسیۆنی تۆپی پێی ئەوروپاش شێوازی ئەنجامدانی یارییەكانی پێشووتر دیاریكرد كە هەڵبژاردەكان دابەشی سەر 3 كۆمەڵە دەكرێن لەگەڵ دوو هەڵبژاردەی دیكە كە سەرنەكەوتن بۆ پاڵاوتنەكان لە كاتێكدا پێشەنگی كۆمەڵەكانیان لە پاڵەوانییەتی نەیشن لیگ گرت، بەمەش كۆی هەڵبژاردەكان دەبن بە 12 هەڵبژاردە و دابەشی سەر سێ كۆمەڵە دەكرێن.
بەپێی ئەو شێوازەی كە یوێفا دایناوە، یارییەكانی هەر كۆمەڵەیەك بەشێوازی قۆناغی نیوەی كۆتایی و كۆتایی ئەنجام دەدرێت، واتا لە نێوان چوار هەڵبژاردە بەپێی تیروپشك بەرامبەر بەیەكدی یاریی دەكەن، یاریی نیوەی كۆتایی دوو یاریی دەبێت و براوەیان سەردەكەوێت بۆ یاریی كۆتایی كۆمەڵەكە و لەوێش هەردوو هەڵبژاردەی سەركەوتوو یەك یاریی ئەنجام دەدەن و براوە راستەوخۆ سەردەكەوێت بۆ مۆندیال و دەچێتە پاڵ هەڵبژاردەكانی دیكەی ئەوروپا كە پلەی یەكەمی كۆمەڵەكانیان گرت.
هەڵبژاردەكانی پاشكۆی پاڵاوتن بریتین لە پۆرتوگال، سوێد، ئیتاڵیا، سكۆتلەندا، رووسیا، پۆڵەندا، مەكدۆنیای باكوور، ئۆكرانیا، وێڵز، توركیا، نەمسا، چیك.
بڕیارە لە 26ـی ئەم مانگە تیروپشكی پاشكۆ ئەنجام بدرێت و یارییەكانیش لە مانگی سێی ساڵی 2022 دەستپێدەكەن.

زۆرترین بینراو