پسپۆڕێکی جیولۆجی زانیاری نوێ لەسەر بومەلەرزە ئاشکرا دەکات 

پسپۆڕێکی جیولۆجی زانیاری نوێ لەسەر بومەلەرزە ئاشکرا دەکات 

موڕشید برادۆستی - سۆران: پسپۆڕێكی بواری جیۆلۆجی لە دیدارێکی زاری کرمانجیدا,  ئاشكرای دەكات، دروست بوونی هەر  بومەلەرزەیەک کارێکی  سرووشتیی و ئاساییە  و تاقی کردنەوەی موشەک و ئەتۆم پەیوەندی بە لەرینەوەی زەوی  و بومەلەرزەوە نییە, دەڵێت" ئەم قسانە شتێکی ناڕاستن لە ڕووی زانسیتییەوە .

 هاوكار عەلی پسپۆڕی جیۆلۆجی لە کوردستان بۆ  زاری کرمانجی گووتی" بومەلەرزە بەشێوەیەکی گشتی بۆ ئەو ناوچەی کە ئێمە وەک هەرێمی کوردستان تێیداین چاوەڕوانکراوە بە شێوەیەک چۆن دەزانرێ لە زستاناندا باران دەبارێ بە هەمان شێوەیە لەم ناوچەی ئێمەشدا بومەلەرزە چاڵاکە لە رووی بومەلەرزییەوە و جار جار دروست دەبێ, چونکە کوردستان دەکەوێتە سەر لێواری هێلی بومەلەرزی زاگرۆسی کە 17%ی بومەلەرزەکانی جیهان لەو پژدێنەیە دروست دەبێ کە لە تورکیاوە درێژ دەبێتەوە دێتە خوارێ  ئێران و تا دەگاتە عومان  دەگرێتەوە . 

لەبەردەوامی قسەکانیدا, دەڵێ"   لەو پژدێنەیە بومەلەرزەکان چاڵاکن لەبەرئەوەی ئەو کیشوەرە جیۆلۆجییە دەجوڵێت بەرەو کیشوەری جیولۆجییەی ئێران دەڕوات لەو ناوچەیە پێکدادانەکە ڕوویدایە ئەو جوڵەیە بەردەوامه لە کاتێدا ئەو جولەیە بەردەوام دەبێت هەر کاتێک تێکگیربوون لە نێوان بەردەکان ڕووبداتن, تێکگیربوونەکە دەبێتە هۆی ئەوەی کە بۆ ماوەیەکی کاتی جولەکەی ڕابگرێت ئەگەر تێکگیربونە پچڕا  بومەلەرزە  ڕووددات, ئەمەش شتێکی سرووشتیی ئاساییە .ئەو پسپۆڕەی جیۆلۆجی, ڕوونی دەکاتەوە"  لە ناوچەی ئێمە لێین واتە کوردستان بە گشتی لە ڕووی جیۆلۆجییەوە,  بەردەکان هەمووی تێکچەقیینە, ناوە ناوە بۆمەلەرزە دروست دەبێ, ئەگەر بۆمەلەرزەی بچوک نەهێت دەبێ چاوەڕوانی بومەلەرزەی گەورە بکەین بۆیە ڕوودانی شتێکی نۆڕماڵە . 

هاوکار عەلی, ئاماژەشیدا" هەرچەندە خەلکانێک لە سۆشیاڵ میدیا بە شێوەیەکی هەڕەمەکی باس لەوە دەکەن هۆکاری بۆمەلەرزە بۆ کاری دەستکرد و تاقی کردنەوەی ئەتۆمی و موشەکی وڵاتان دەگەڕێننەوە, ئەمە قسەیەکی نازانستییە و ناڕاست و  ئەساسی نییە,  

گووتیشی" هەر بومەلەرزیەک لە کۆنەوە تا ئێستە کە لە هەرێمی کوردستان ڕوویدابێت لەلایەن دەزگای U S G S تۆمار کراوە بە بومەلەرزەی سرووشتی دانراون و بەدەیان کیلۆمەتر قولی بومەلەرزەکانە ئەمەش دەرخەری بومەلەرزەی سرووشتییە نەک دەستکرد, هۆکاری سەرەکی بومەلەرزەش بۆ چاڵاکی جیولۆجی دەگەڕێندرێتەوە  و ڕوودەدات, تەنانەت هاتنی هەر بۆمەلەرزەیەک هەواڵێکی ناخۆش و خراپ نییە لەگەڵ ئەوەشدا جار جار زیانی  بەدووادادێت, بەڵام نیشانەی  ئەوەیە ئەو تێکگیر بوونانەی نێو بەردەکان پچڕایە و بەتاڵۆبۆتەوە 

زۆرترین بینراو