چێڵسی پشتی پاشای چامپیۆنزلیگی دا بەزەویدا

چێڵسی پشتی پاشای چامپیۆنزلیگی دا بەزەویدا

زاری كرمانجی- ئاژانسییە هەواڵییە وەرزشییەكان: لە میانەی یارییەكانی خولی یانە پاڵەوانەكانی ئەوروپا و لە قۆناغی پێش كۆتایی ئەو پاڵەوانێتییەو لە یاری گەڕانەوەدا، یانەی چێڵسی لەسەر یاریگەی خۆی بە ئەنجامی دوو گۆڵی بێ وەڵام سەركەوتنی بەسەر یانەی ریاڵ مەدرید تۆماركردو خۆی گەیاندە یاریی كۆتایی ئەم پاڵەوانێتییە و ریاڵ مەدریدش ماڵئاوای لە چامپیۆنزلیگ كرد.
لە نیوەی نیوەی یەكەمی یارییەكەو لە خولەكی 27 تێمۆ ڤێرنەر گۆڵی پێشكەوتنی بۆ یانەی چێڵسی خاوەن یاریگە تۆماركردو نیوەی یەكەمی یارییەكە بەو ئەنجامە كۆتایی هات، لە نیوەی دووەمیش چێڵسی بە هەمان گڕو تینی نیوەی یەكەم دەركەوت و دوای لەدەستدانی چەندین هەلی ئاسان ماسۆن مۆنت لە خولەكی 85 گۆڵی دووەمی بۆ یانەی چێڵسی تۆماركردو تەواوی یاریزانانی یانەی ریاڵ مەدریدی بێ هیواكرد.
بەم بردنەوەیە یانەی چێڵسی خۆی گەیاندە یاری كۆتایی و لە شاری ئیستانبوڵ لە 29ی مانگی 5 لە بەرامبەر یانەی مانچستەر سیتی هاونیشتمانی لە پێناو نازناوەكە دەجەنگن.

زۆرترین بینراو